أول يوم من غيرها... خلاص بعت عربيتي :(
النهاردة أول يوم انزل شغلي فيه من غير عربيتي العزيزة لإني ودعتها امبارح بس :K14: وسلمتها للمالك الجديد ربنا يباركله فيها ويديه خيرها ويكفيه شرها يارب.
طبعا انا كنت عاملة اعلان بقالي اكتر من شهرين وسمعت وشوفت العجب في الفترة دي من الناس اللي بتتصل وتستفسر وتفاصل لمجرد تسلية وقت الفراغ :brn: والناس اللي بتتصل وتستفسر وتدي مواعيد ومتجيش والناس اللي بتتصل تفاصل بس قبل ماتعرف اي تفاصيل وتقول اسعار تحرق الدم وناس تانية برده اتصلت واستفسرت وجت عاينت ومعجبهاش السعر وناس جت تحاول تطلع فيها القطط الفاطسة مستغلين اني بنت وظروف السوق النايم والكلام الغريب ده :k17:.
المهم الموضوع بقي بدأ يوم الأربعاء لما لاقيت التليفون بيرن وحد كالعادة بيستفسر عن العربية (شاف اعلانها على النت بس موقع كونتاكت) قالي خلاص بكرة ان شاء الله نيجي نشوفها فين؟ قلتله مصر الجديدة بس لو حضرتك هاتيجي يريت تتصل بيا قبلها،
تاني يوم لاقيته بيتصل وبيقولي قدامي ساعة واجي قلتله تشرف يافندم وجه وفصصها وبعدين سألني علي السعر قلتله انا طالبة 22 الف ونص قالي كتير والاخر كام ومعرفش ايه قلتله الاخر والنهائي 22 الف ومش هاقدر انزل عن كده ، انا شارياها غالية ولسة بصرف عليها لحد النهاردة مع ان اللي بيقرر يبيع بيكبر دماغه وميحطش مليم في العربية من ساعة قرار البيع ،
قالي برده كتير تمشي 20 قلتله اسفة مش هاينفع قالي :rfds: طيب ومشي وانا رجعت مكتبي تاني والموضوع خلص على كده :11:.
لاقيته بيتصل اخر النهار بيقولي هاجي بكرة ومعايا حد نشوفها بعد اذنك قلتله تشرف يافندم جه ومعاه واحد قعد يفصص في العربية حتة حتة تاني من بره ومن جوه ودوري عشان نشوف الموتور وكده وبعدين قالي خلاص هاناخدها بس عايزة كام من الاخر قلتله 22 زي ماقلت امبارح قعد يقولي نفس الكلام والعربية محتاجة حاجات (مع ان عربيتي فلة يعني) والسوق نايم ومعرفش ايه قلتله بص انا اخر سعر جالي فيها 20 ونص وكان هايوصل ل 21 ومرضيتش (وفعلا ده حصل قبل العيد بس انا طنشت ومتصلتش بالراجل اللي عرض ده) يمين شمال نزلت ل 21 ونص وانا هاعيط قعد يزن تاني لحد ماصعب عليا وقالي 21 فضلت مترددة شوية وكنت هارفض وقلتله لأ ومينفعش قعد يقنعني وبعدين وافقت :O_stupid[1]: في لحظة يأس كده :120146b دفع الف وكان عايز عقد ابتدائي قلتله هاكتبلك ايصال قالي لا عايزين عقد ابتدائي قلتله مفيش عقد ابتدائي ب 1000 جنيه يافندم المهم اتصرف وراح راجعلي بعد شوية ب 10 الاف فوق الالف وكتبنا عقد ابتدائي بس مرضيتش اسلمه العربية وبدأت رحلة العذاب في انهاء اجراءات البيع :Ka_che1[1]:.
نزلت يوم السبت من بيتي الساعة 9 وربع تقريبا عديت على الشهر العقاري قالي لازم تجيبيلي شهادة بيانات (لان الرخصة اللي كانت معايا كانت ورقة كارتون كبيرة كده مكتوب عليها تصريح مؤقت) روحت المرور كل ماقف على شباك يقولي الناحية التانية اروح الناحية التانية يقولولي الناحية الاولانية :8954[1]: ولما وصلت لشباك المخالفات أول ماشاف الرخصة مكتوب عليها متنوع قالي لا دي تجيبي مخالفاتها من مرور مدينة نصر :K_crying[1]: قلت خلاص اطلع شهادة البيانات الأول وبرده نفس اللفة السودة والطوابير برده ومن هنا لهنا لحد مازهقوني ومبقتش عارفة اعمل ايه :dzey: (انا قلت في الاول امشي رسمي زي كل الناس) لكن لما لاقيت الحكاية كده قلت مبهداش بقي طلعت للرئيس الوحدة العقيد فلان (كان شخص محترم اوي ومتعاون) قلتله انا جاية لحضرتك من طرف اللواء فلان وكنت جيت لحضرتك قبل كده وجددتلي التصريح قالي اتفضلي ، خير؟ قلتله لما سألت عن شهادة المخالفات فقالولي مرور مدينة نصر مع ان الملف وصل هنا قالي فعلا مخالفاتها تبع مدينة نصر مش هنا قلتله طب انا عايزة كمان شهادة بيانات للعربية قاللي ليه؟ قلتله عشان ابيعها قالي طب ماتعمليها كمبيوتر احسن قلتله ماشي حضرتك اي حاجة قولي اروح فين :U_thin1[1]: كتبلي ورقة عليها اسم الضابط اللي تحت وقالي انزلي قوليله عايزة اعمل دي كمبيوتر ، وقد كان.
الضابط بصراحة كان محترم هو كمان وكتبلي ورقة تانية عليها اسم الموظف اللي اروحله ودخلت من جوه بقول للأستاذ فلان بيه بيقول لحضرتك اعمللي الرخصة دي كمبيوتر (وغالبا كده واحدة من اللي واقفين في الشباك علقت تعليق ضايقه) فقالي طب خلي حد يجيبيلي الملف بتاعها (هو طبعا المفروض يقول لحد يجيبله الملف لكن غالبا حب يغلس عليا ويورطني انا) قمت رجعت للضابط تاني قلتله بصراحة مش عارفة مين العسكري اللي هياخد اوامر مني انا ، قالي طيب وراح معايا للأرشيف وادي للعسكري الورقة اللي مكتوب عليها رقم الملف وفضلت من هنا لهنا ورا الضابط وفي الطريق قابلت موظفة كانت ساعدتني قبل كده بتوصية من العقيد رئيس الوحدة عشان اجدد التصريح (وكان ليها عندي فلوس بتاع 5 جنيه حق الورق بتاع التصريح بس نسيت اديهملها فكرتها بنفسي وقلتلها خدي الفلوس حضرتك دفعتيلي حق الورق من جيبك واتحايلت عليها عشان تاخد الفلوس مرضيتش وقالتلي ميصحش وكده قلتلها طب انا عايزة اعمل دي كمبيوتر فوصت الضابط وقالتله دي من طرف فلان بيه "رئيس الوحدة" قالها طيب (هو كان معايا بس طبعا عمال يتابع ويخلص ورق ناس تانية برده) المهم فضلت وراه وعمالة برده أسأل العسكري عن الملف (قلت لازم اسعي شوية برده) المهم عرفت ان الملف فوق مش هنا كمان قلت للعسكري اجيبه ازاي قالي المندوب هو اللي هايجيبه روحت مسكت في المندوب ده وقلتله ، قالي طيب استريحي وانا هاطلع اجيبهولك قلتله لا رجلي علي رجلك انا طالعة معاك :049: (اصل دول يومهم بسنة) لحد مافي الاخر وصلنا الي الملف المصون :B4_592: نزل معايا واداه لموظفة هناك هي شكلها كشري وجد اوي :whtauwant: وتحسها عنيفة شوية :helpsmilie: لكنها طلعت بتهزر ودمها خفيف واحيانا بتكون مرحة يعني فضلت واقفة جنبها قلتلها فلان بيه (الضابط) باعتني لحضرتك قالتلي طب استني اخلص اللي في ايدي خلصت وبعدين بصت في ملفي وقالتلي فين الرخصة ؟ فين التوكيل؟ هاتي صورة منه؟ فين صورة بطاقتك؟ قلتلها هاروح اصورها قالتلي وهاتي معاكي النموذج ده (واديتني ورقة مكتوب عليها رقم) من الخزنة رحت اشتريت الورق وصورت البطاقة ورجعتلها تاني كانت ملت البيانات وقالتلي هاتي الورق اخدته مني كله وقالتلي خلاص روحي استلمي بقي من الشباك هينادوا علي اسمك فرحت اوي :030104_emM7_prv: لكن يافرحة ماتمت :no: لاقيت ناس كتييييييييييييير مستنية قعدت استنيت بقي (انا خلصت الحوار اللي فوق ده حوالي الساعة 1 أو 2 وشوية) فضلت مستنية وكل شوية يطلع العكسري ينادي شوية اسامي ويوزع علي الناس شوية رخص وشهادات واحنا قاعدين :wtf: ويرجع تاني بشوية رخص يسلم ويمشي واحنا قاعدين :wtf: (حمٍل بالشيفروليه واحنا قاعدين :C_laugh[1]:) لحد مالساعة وصلت ل 4 وشوية وفي هذة الاثناء تناقلت الاشاعة بين الناس ان مفيش رخص كمبيوتر هاتطلع تاني النهاردة :death: وهايسلموا الناس الرخصة الكارتون دي بدالها :ninja: انا سمعت كده وجالي هلع :svengo: دخلت للموظفة اللي وصت عليا وكانت شغالة في رخص الكمبيوتر وقلتلها يامدام انا بقالي اكتر من ساعتين مستنية ومحدش سلمني رخصة ولا حاجة وسمعت انهم هايسلموا الناس رخصة كارتون تاني :dunno: قالتلي هاتي رقم العربية كتبته علي الجهازها قالتلي طلعت خلاص قلتلها طب مستلمتهاش انا ليه؟ قالت يإما ندهوا على اسمك ومسمعتيش يإما بتتراجع عند المراجعين (طبعا الناس كلهم كانوا قرفانين على الاخر ودخلوا علي المراجعين في المكاتب وعملوا تجمهر وكله بيتزمجر لحد مالعساكر خرجوهم كلهم عشان الموظفين يخلصوا).
فضلت مستنية بره :sorry: ، فين بقي بعد ساعة كمان ندهوا على اسمي اخيرا وسلموني رخصتي كمبيوتر (ومسلمينهالي متغلفة اي كلام والتغليف منفصل عن الورقة) قلت مش مهم وكنت هازغرط الحقيقة بس اكتشفت اني مش بعرف ازغرط :wub5: وخدتها ومشيت:B4_592:.
تاني يوم روحت مرور مدينة نصر عشان اجيب شهادة المخالفات شوفوا الفرق بقي :
أولاً دخلت لاقيت عدد محدود من الناس وقفت علي شباك منهم الموظف قالي السيدات اخر شباك ثانياً روحت اخر شباك مالقيتش غيري انا :S_thum1[1]: اديت للموظف الرخصة وقلتله عايزة مخالفاتها نده لموظف جنبيه قاله اكشف علي الرخصة دي عليها حاجة كشف قاله ايوة قلتله كام قالي 56 جنيه (هي المخالفة 50 جنيه الباقي الله اعلم تبرعات وخلافه) فطلعت الفلوس وسألته دي مخالفة ايه قالي دي مخالفة من القانون القديم ياحزام امان ياموبايل ياكسر اشارة (كمان مش عارفين هي مخالفة ايه فيهم :Copy of majd(4):) دفعت وقالي استني 10 دقايق هايندهوا علي اسمك بعد 5 دقايق ندهوا عليا روحت استملت شهادة المخالفات :S_thum1[1]:.
تخيلوا الفرق بقي اقعد في مرور السلام اكتر من 6 او 7 ساعات عشان اعمل رخصتي كمبيوتر ، واطلع شهادة مخالفاتي من مرور مدينة نصر في ربع ساعة بجد حاجة مش طبيعية :coool:.
قلت في سري انا عايزة من ده :_Alshmokh22[1]:، نفسي اتنقل مرور مدينة نصر ده او اي مرور تاني نضيف.
المهم طبعا زي ماحكيت اني كنت واخدة 11 الف بس من الراجل قالي طب سجليلي وانا هاجيلك اخر النهار اسلمك باقي الفلوس (بصراحة خفت وكنت مترددة كتير اني اعمل الخطوة دي :no: لإن كده روحي هاتبقي في ايده :hang: لإن العربية لو اتسجلت بقت بتاعته رسمياً) وحاولت معاه يجيلي الشهر العقاري نخلص هناك منفعش لإنه مش عارف يفلفص من شغله خالص وقاللي مانتي كل حاجة معاكي العربية والعقد والرخصة وكله متسلمهومليش الا لما اديكي باقي فلوسك :U_thin1[1]:.
المهم توكلت علي الله وطلعت عملت عقد بيع مسجل في الشهر العقاري اللي جنب سوق سيارات مدينة نصر ودفعت رسوم تسجيل 60 جنيه وخلصت ورجعت شغلي وقعدت مستنية لحد ماجه اخر النهار وفضلت حاطة ايدي على قلبي لحسن يطلع نصاب :girlsthink: ويروح يطلع بدل فاقد من عقد البيع ويسحب بيه العربية وميدفعش باقي الفلوس :O_stupid[1]: واقعد اعيط انا بعد كده :k30:.
بس الحمد لله ربنا سلم والراجل جه وسلمني باقي فلوسي + فلوس التسجيل وسلمته العربية بورقها وبكل حاجتها واديته ورقة مكتوب فيها الحاجات اللي انا غيرتها فيها بالتاريخ وعند كام كيلو في العداد ونبهته لحاجتين صغيرين في العربية ان مارشها كان بيأخر شوية وان فتيسها تقيل سنُة عشان ياخد باله وهو بينقل علي الغيارات وباركتله وودعت عربيتي :ANSmile05:.
بجد في خلال فترة اتمام الاجراءات دي كان عندي احساسين بيناقضوا بعض اني مبسوطة اني بعتها وفي نفس الوقت زعلانة عشان مش هاركبها تاني وهارجع تاني للمواصلات وقرفها :K_crying[1]:وبجد انا شفت ايام في العربية دي منها اللي كانت حلوة فعلا ومنها ايام كانت مش ولابد :T_thum1[1]: بسبب كام دقة نقص عملتها معايا لما عطلت مني وروحت صلحتها.
معلش انا طولت عليكوا اوي :Ka_che1[1]: بس انا قلت احكيلكوا حكايتي مع بيع العربية ومدي معاناتي في إتمام الإجراءات واهي تجربة برده يمكن يستفيد منها اي حد بيشتري او يبيع عربية.
ولو حد عنده اي سؤال بخصوص الاجراءات انا تحت امركوا. :k10: