سؤال يا ترى الأسبرنزا تشبه أنهى سياره فى رأيكم؟

**ashraf_hisham** · 02-05-2007 03:13 PM

السلام عليكم ورحمة الله وبركاته

أولا أحب أن اتوجه بالشكر لكل الساده الأفاضل المشرفين والقائمين هذا الموقع الجميل على المجهود الغير عادى المبذول فى الرد على كل الأسئله المطروحه وكذلك أوجه الشكر لكل من شارك بأضافة رأى بناء وضح به نقطه معينه أو ساعد به غيره على أتخاذ قرار أقرب للصحيح قدر الأمكان إن شاء الله

ثانيا سؤال يا ترى الأسبرنزا فى رأيكم تشبه أنهى سياره من حيث الشكل و الظروف والكماليات ؟ :?: :?: :?:

و أخيرا أنا إن شاء الله نويت شراء عربيه جديده وبفكر فى الأسبرنزا جدا جدا (ياعنى نفسى أكون أسبرنزاوى) وكونت عايز من الأخوا مالكى الأسبرنزا 516 (من مده) أفادتى بتصورهم المتكون عن المشاكل و عيوب العربيه بحياد لأنى بصراحه معيش غير تمن عربيه واحده ومش عارف أجيب الأسبرنزا ولا لانوس ولا فيرنا وممكن أزنق و أخليها ماتريكس لأن الناس هرياها شكر :lol: :lol: :lol:

شكرا ليكم جميعا و ياريت مكونش طويلت عليكم وأرجوا الأفاده

**sh_masry** · 02-05-2007 03:58 PM

هات ماتركس او فرنا ....و بلاش المغامره فى سياره لسه ما اثبتتش وجود طالما الفلوس مش كتير

a7'ook
Sherif

02-05-2007 04:00 PM

انا كمان رائيي تجيب ماتريكس او فيرنا لان الاتنين فلوسهم فيهم وقطع غيارهم متوفرة بكثرة

**aamerbebo** · 02-05-2007 05:23 PM

شكرا يا استاذ اشرف على الكلام الرائع الذي كتبتة في حقي انا وجنيدي وكل اعضاء منتدى الاسبيرانزا
بالنسبة للسيارة انا عن نفسي شايف انها افضل سيارة في فئة سعرها وهذا القول لم يأت من فراغ بل اتى من دراسة استمرت 9شهور والدليل على ذلك اني احد مالكي الاسبيرانزا.... ولكن من الممكن تكون انسان صاحب مقولة (امشي جنب الحيط) وفي الحالة دي افضل لحضرتك الدايو طبعا وسيبك من الفيرنا... انما لو انت حابب الاسبيرانزا برضة متشتريهاش :) .. اعرف الكثير عنها وجربها مرة واثنين وثلاثة حتى تكون مقتنع بها وعارف انت بتشتري اية؟؟؟ وتقف هنا تدافع عن العربية اكثر مني كمان.
اما عن الموضوع الرئيسي وهو ماذا تشبة السيارة؟؟
فمن وجهة نظري انها تشبة الشيفرولية اوبترا بشكل كبير جدا في الشكل وتشبة الكرولا في الظروف وطبعا الامكانيات حدث ولا حرج

02-05-2007 09:55 PM

شكرا لذوقك العالى يا استاذ اشرف --هى فعلا السيارة صعب تقارن شكلها بالظبط بسيارة اخرى لكنها واخدة احلى حاجة من كل سيارة --ولكنها يمكن اعلى من الشيفرولية شوية--المهم لو حضرتك متابع سوف تجد ان هناك صفات معينة متوفرة بشكل واضح فى 99% من مالكى الاسبيرانزا --لو حضرتك بذلت شوية مجهود وعملت مراجعة على بعض المواضيع القديمة سوف تعرف ما اقصد ---تعقيب الاستاذ شريف والاستاذ وائل --لابد ان تضعة فى الاعتبار--اذا اردت فعلا العمل بالمثل الذى ذكرة المهندس أمر وهو الاقرب لمداخلة الاستاذ وائل والاستاذ شريف فعليك بالدايو او الماتريكس --او البديل المناسب --فى حاجة بقى تانية --يمكن يكون صعب ان تجدها فى المداخلات السابقة وليس بسهولة ان تأخذ بالك منها --وهى ان معظم مالكى الاسبيرانزا معظمهم --فعلا وعلى مسئوليتى --كان بأمكانهم ان يشتروا سيارات من ما ركات اخرى قد يزيد ثمنها عن الضعف او يقل بحاجات بسيطة --ارجوا ان تكون قد وصلتنك فكرتى --بالتوفيق--

**sh_masry** · 02-05-2007 10:26 PM

ا.جنيدى كتب

وهى ان معظم مالكى الاسبيرانزا معظمهم --فعلا وعلى مسئوليتى --كان بأمكانهم ان يشتروا سيارات من ما ركات اخرى قد يزيد ثمنها عن الضعف او يقل بحاجات بسيطة

و هذا ما قلته من قبل ان من يشترى هذه السياره فلأنه معاه فلوس بزياده و عنده حب المغامره و التجربه , او لا يوجد معه فلوس و جابها علشان مبهور بأمكانياتها الخادعه .
و طبعا هذا رأيى شخصى .
ولكم جميعا الأحترام
a7'ookom
Sherif

**aamerbebo** · 02-05-2007 10:33 PM

مع احترامي لرأيك الشخصي يا استاذ شريف حتى لو بأستطاعتي ان احصل على سيارة بضعف ثمنها فانا لست مليونير ولذلك لن ادفع 65000 جنية هبائا او لمجرد حب المغامرة
واعتقد لو حضرتك كنت متابع في كونتكت انا قلت اني عمري ما اشتريت حاجة الا وانا مقتنع بها مئة في المئة