انا عندى لمبة ال abs و s الى فى الطابلوه مابنوروش أ،ا معرفش إنهم موجودين لسة عارف إنهاردة لما كنت واقف فى الشمس و ضاربة فى الطابلوه
دا عادى ولا مشكلة ولا حاجة مفصولة و لا إيه
عرض للطباعة
انا عندى لمبة ال abs و s الى فى الطابلوه مابنوروش أ،ا معرفش إنهم موجودين لسة عارف إنهاردة لما كنت واقف فى الشمس و ضاربة فى الطابلوه
دا عادى ولا مشكلة ولا حاجة مفصولة و لا إيه
شوف يا باشا..
انا كان عندي نفس الوضع مع لمبة الـ check engine
مكنتش اعرف انها موجوده اصلا.. :)
الحل الاول.. انك تفك العدادات.. و تشوف اللمبات دي تجربها..
(الكهربائي يعني يشوفها) لو المشكلة ف اللمبات نفسها تكون محروقة.. يبقي بسيطة.. هتغيرها و خلصت..
لكن لو جربت بلمبات سليمة.. و منورتش.. هيبقي العيب في حاجة من 2.. يا اما الوصلات بتاعت البوردة بتاعت فيها حاجة مفصولة او مقطوعه.. يا اما السيجنال اللي جاية من الكونترول يونيت اللي بتقول ان الحاجة دي شغالة او لأ هي اللي مش بتوصل..
الخطوة الاولي كهربائي يبص علي اللمبات و البوردة..
جرب كده و قولنا و نشوف ايه الخطوات اللي بعد كده..
يعنى موال طويل يبقى بقى فى شهر 2 عشان انا عندى إمتحانات فى المنفى الى أنا فيه حتكدر شوية و لما أخلص أبقى أشوفها
هي ديتها مشوار لحد كهربائي نضيف يشوف الدنيا ايه مبدئيا.. و تبقي عرفت الحالة ايه..
مين عارف..!!! مش يمكن تكون لمبات محروقة وكده..؟؟ و يبقي الموضوع بسيط..؟؟
وبعدين لو المشكلة ف الوقت.. نجيلك لحد عندك ناخد العربية نظبطها و نرجعها لحد البيت يا باشا.. امال انت عضو ف العصابة من غير اي امتيازات كده..؟؟ ميصحش
رنا يخليك
ححاول أدبر يوم كدا و أروح أشوفها كدا لو فى حاجة حقولك على طوووووووووووووووول
احسن حاجة اطلع على التوكيل
هما هايفكو التابلوه وهايغرولك اللمبات المحروقة
واللمبات اللي لسة شغالة بس بدأت تسود
والمصنعية مش غالية خالص 40 جنيه بس
وهاتضمن ان ما فيش حد هايلعبلم ويفتيلك في العربية من غير ما يكون فاهم
انا عملت الموضوع ده عندي وكانت لمبة البنزين محروقة وغيرتها
طبعا هايخدو منك تمن اللمبة وهما بيستخدمو لمضات الماني غالية شوية بس بتنساها
طيب ما جايز ياباشا انت معندكش Abs اصلا وعشان كده اللمبه مش بتنور اصل حضرتك بتقول انك مكونتش تعرف اصلا ان فيه لمبه موجوده معني كده ان هي عمرها ما نورت قبل فممكن تكون مفيش النظام ده اصلا
وكده كده الاشاره دي بتبقي موجوده في التابلوهات كلها بغض النظر ان كان النظام موجود فعلا ولا لاء
انا برده عندي كده في النيسان والسيريون وكانت في اللانسر
لكن لو حضرت متاكد ان فيها فعلا Abs يبقي احسن حاجه تروح التوكيل وهما يكشفولك علي العربيه
السلامة عليكم ورحمة الله وبركاتة
اخى الحيب
اما المبات محروقة او حد شالها لو كان الى اى بى اس عطلان
مش عارف أنا روحت توكيل دفرة إقرفت من التوكيلات كلها بسبب المهندس الى أقل وصف ليه غبى كان قايلى الدينامو متكسر من جوا و مطلع صوت بس طلع الكمبروسور عايز يتشحن هوا بس و حاجات تانية
انا فعلا عندى فيشة مفصولة فى العربية مش عارف بتاعت إيه بس البيه الى فى التوكيل قالى مالهاش لازمةو الكهربائى قالى معرفش بتاعت إيه إسأل التوكيل حصورها و أنزلها كمان شوية
طب فرض إن الإبى إس عطلان ممكن يتعمل فين و مين فى طنطا ممكن أروحله عشان أنا معرفش أروح غير طنطا اليومين دول