نفسي افهم ليه سواقين الميكروباص بيحبوا يطفوا نور العربية بالليل؟؟؟

**SAMER_ENGINES** · 05-01-2009 08:38 PM

متنسوش انه ساعات بيطفي النور عشان محدش يلقط النمرة بتاعة العربية او الأنوار أصلا مش شغالة.

**M.Osman** · 05-01-2009 10:28 PM

حضرتك جيت عالجرح
بجد الموضوع دا بيخليني سايق و انا بكلم نفسي و بقول الله يحرق عربية كل سواق ماشي من غير نور

شكرا

**Eng.Mina** · 05-01-2009 11:10 PM

المشاركة الأصلية كتبت بواسطة SAMER_ENGINES

متنسوش انه ساعات بيطفي النور عشان محدش يلقط النمرة بتاعة العربية او الأنوار أصلا مش شغالة.

متهيألي موضوع النمر ده هما اخر ناس يفكروا فيه لانهم مظبطين عساكر المرور اللي علي الطريق او حتي لو فيه كمين بيدي لامين الشرطة علبتين سجاير ويعدي والموضوع ده حصل قدامي وبالنسبة لموضوع النور مش شرط تكون عطلانة ده في ميكروباصات موديل السنة وبيعملوا كده هو الموضوع ده عادة عند معشر السواقين سواء ميكروباص او نقل او حتي المفعوص ( التوك توك)

المشاركة الأصلية كتبت بواسطة SuccessCre8or

حضرتك جيت عالجرح
بجد الموضوع دا بيخليني سايق و انا بكلم نفسي و بقول الله يحرق عربية كل سواق ماشي من غير نور

شكرا

عندك حق لان الموضوع ده ممكن يعمل حادثة بمنتهي السهولة تخيل معايا حضرتك لو قدامك عربية نقل وعايز تعديها وانت مظبط مسافاتك علي ان النور بتاع المقابل بعيد عنك وخلاص ابتديت تحرق علي الغيار علشان تعدي وفجأة تلاقي عربية في المقابل بترعشلك نور يعني انت يا سواق ياللي معاك رخصة مافكرتش تنور النور الا لما شفت حد عاوز يعدي طيب ما كان من الاول خللي نورك منور علشان اقدر اعمل حسابك لما اجي اعدي النقل وافرض اني لما ابتديت اعدي النقل واحد كبس عليا من ورا علشان يعدي ورايا وانا طبعا لقيت العربية اياها في المقابل فانا كده حاعمل ايه مزنوق من المقابل ومن العربية اللي عايزة تعدي ورايا ؟؟؟؟؟؟؟؟؟؟؟

**احمد عبدالله** · 06-01-2009 01:15 AM

ده عشان الزبالة بتبقى على فاتورة الكهربا هههههههه

**magyver** · 06-01-2009 02:45 AM

ممكن يكونوا مفكرنها شطارة وفهلوة

**MohaMed_Refaat** · 06-01-2009 06:09 AM

هو دة طبع عند بتوع الميكروباص لانهم بيحبوا طول الطريق لما يبقوا مقابلين بعض يولعوا النور كل واحد شوية يشوف الطريق ويطفى وهكذا التانى .

**hossaam** · 06-01-2009 07:38 AM

بصراحة الميكروباصات دي من
اسباب كرهي وقرفي الشديد
من الشارع المصري

**M.Osman** · 06-01-2009 05:16 PM

اظرف حاجة فى الموضوع ده ...ان اللى طافى النور بالليل لما يحب يشوف حاجة بيقلب بالنور العالى ... يعنى واضح انه مختلف مع المتخلفين اللى عملوا النور الواطى فى العربيات لأنه ببساطة مش بيستخدمه خااالص!

المشاركة الأصلية كتبت بواسطة magyver

ممكن يكونوا مفكرنها شطارة وفهلوة

ماهى دى المصيبة ... دا انا مرة واحد قريبى بيقوللى ان بعض الناس فاكرين ان اللى بيمشي من غير نور ده سواق "قيم" ....
هههههه تخيل لما تلاقى واحد راكب باسات ولا بي ام و طافى النور عشان ال"قيامة" !!!
تخلف!

**ENG\AHMED** · 06-01-2009 07:49 PM

الموضوع ملهوش علاقة بالنمر لأن ببساطة ممكن يشيل لمبات النمر وتبقى المشكلة اتحلت
الموضوع لية علاقة بالحرفنة ومدى تمكنك من قيادة السيارة وانت حتى مش شايف يعنى هو كدة بيثبتلك انة سويق صح بيسوق حتى وهو مش شايف .. تعرف انت تعملها؟؟
يعنى لما تلاقى سواق ميكروباص او تريللا او موتوسيكل او توك توك او ملاكى حتى اعرف على طول انة سويق ومحترف

الحمار بردو بيعرف يوصل بيتة بليل من غير لما يكون عندة كشافات بس الفرق ان الحمار بيبقى ماشى على جنب الطريق مش فى وسط الطريق وبياخد غرز.. عمرك سمعت عن حمارين خبطو بعض بليل وهم مروحين علشان مكانوش منورين كشافات؟!!

**lancerevolution** · 06-01-2009 08:20 PM

بيبقى طافى النور عشان مش محتاجه عشان هو عارف الطريق زى ما هو عارف نفسه
النور أكيد بيسحب من كهربة العربية عشان بيحمل على البطارية و الى بيزود القدرة المستهلكة فتكون فترة عمل الدينامو أطول طبعا لو عربية بنزين بيأثر على السحب بنسبة لا تلحظها أجهزة القياس بس بيأثر إنما لو جاز يبقى بيوفر اللمبة عشان يرعش بيها لما تكون ف لجنة
و بعدين النور دا من الكماليات
فى مرة كنت ماشى خارج من طريق رئيسى لحتة واسعة من طريق كان فى موتسكل البيه طافى النور مع إن الطريق ضلمة و مليان مطبات أنا مشفتوش غير لما دخل فى كاوتش العربية طبعا أنا متكلمتش عشان هو متكلمش عشان عارف إنه المفروض مشغل النور ناهيك عن لمبة الفرامل و الإشارات و كل إضاءة العربية

الموضوع: نفسي افهم ليه سواقين الميكروباص بيحبوا يطفوا نور العربية بالليل؟؟؟

LinkBack

أدوات الموضوع

عرض

-

-

-

-

-

المواضيع المتشابهه

سواقين مش عارفين قيمة العربيات إلى معاهم (سواقين الميكروباص فى الفلاحين)

مشاكل سواقين الميكروباص لا تنتهى

ربنا ياخد سواقين الميكروباص

سواقين الميكروباص

معاً ضد سواقين الميكروباص

الكلمات الدلالية لهذا الموضوع

المفضلات

المفضلات

ضوابط المشاركة