نفسي افهم ليه سواقين الميكروباص بيحبوا يطفوا نور العربية بالليل؟؟؟
امبارح يا جماعة كنت راجع من الزقازيق ورايح علي بلدي فاقوس و الطريق ده مفرد (رايح جاي) وفي مناطق من الطريق فيها عواميد نور ومناطق بتكون ضلمة كحل المهم وانا ماشي في امان الله في منطقة من المناطق الضلمة دي ومنور نور عربيتي الواطي لقيت عربية نقل جاية في المقابل وبدون اي مقدمات لقيت ميكروباص كان بيعدي النقل(وانا مش شايفه نهائي) ومطفي نور عربيته تمااااااااما لغاية ما كان حايلبس فيا وش في وش لولا ان ربنا الهمه ان يرعشلي بالنور العالي وانا بينه وبينه كام متر والحمد لله ربنا ستر وقدرت افاديه المشكلة ياجماعة ان الموقف ده بيتكرر كتير ده انا لما بيكون مش معايا عربيتي وراكب ميكروباص بلاحظ ان السواق بيبقي طافي النور خالص ومن وقت للتاني بيرعش بالعالي حتي لو الطريق قدامه ضلمة كحل مش عارف ليه بحس انه لو شغل نور العربية فاتورة الكهرباء بتاعت البيت عنده حاتيجي عالية:whtauwant:
عموما يا جماعة انا اتعلمت من الموقف ده كذا حاجة :
اولا : لما تكون سايق بالليل ولقيت عربية نقل في المقابل حاول تهدي سرعتك وتكون حذر لان ممكن يكون في واحد بيعدي النقل من منظمة اعداء انوار السيارة
ثانيا : امشي علي قد ما انت شايف من نور عربيتك وماتجريش جامد لان ممكن يكون في حفرة في الطريق وللا حاجة وانت مش شافها والموقف ده برده حصل قدامي علي نفس الطريق وكانت عربية اكسيل صاحبها ماشفش الحفرة اللي كانت موجودة في الطريق (حفرة علشان مواسير المياه) ونزل بالعربية في الحفرة
اخيرا لو تقدر تتفادي السفر بالليل (خصوصا في الطرق المفرد دي) وتسافر بالنهار في نور ربنا يبقي احسن واضمن
وربنا يسترها معانا جميعا