الموضوع: أفضل حل لحل ازمة السيارات

أمبارح كنت في مشوار وخلصته وأنا مروح قلت أبص على السوق أيه أخباره وبجد أتصدمت طبعاً أنا عارف أن في أزمة جامدة في السوق بس بصراحة لم أكن أتوقع أنها تكون بالشكل دة كساد رهيب والمعارض بس أول ما بتعدي ترمي نظرة يقوموا ينطوا من مكانهم متوقعين أنك هتشتري .. أنا بطبعي مش فضولي بس حبيت أدخل ولو مرة أشوف أيه الأخبار .. المنظر كالآتي ... صاحب المعرض قاعد على مكتبه حاطط أيده على خده ومنظرة يصعب على أي حد وأنا منهم .. المهم , سلام عليكم وعليكم السلام .. التويوتا الفول أوبشن الاوتوماتيك عاملة كام النهاردة (خد بالك من عاملة كام النهاردة ) بصلي وقالى بكذا طيب والأوبترا النبيتي بكذا طبعاً أسعار مبالغ فيها المهم في نص الكلام لقيته بيقولي أنهم مش عارفين يبيعوا عربية واحدة بقالهم أكثر من شهرين وسقط الخبر عليا كالصاعقة المهم الراجل زي ما تقول كدة لقى حد يفضفضلوا ويشكيله همه قلتله وليه كدة مش بتبيعوا بقالكم شهرين قالي دي (أشاعة) ومنتشرة (اليومين دول ) ووقفت حالنا طبعاً أنا تعاطفت معاه بجد وزعلت و من أول الأزمة دي وأنا زعلان ومايرضنيش أن حد يتخرب بيته وفي نفس الوقت مايرضنيش الجشع والسعار اللي التجار مصابين بيه وأتضحلي أنه ملوش علاج للأسف غير أنهم يفلسوا وينتحروا أما أنهم يرخصوا فعلى جثتهم حته حته وده عرفته من رد الراجل صاحب المعرض على سؤالي طيب أنتوا مش ناويين ترخصوا ولو شوية رد قالي مفيش حاجة هترخص وبعد فترة الناس هتشتري ...وأقسم بالله بيقولها وبيبصلي بنظرة يئس واحباط عميقة خلتني أقول له أنشاء الله بعد مالأشاعة دي تخلص الناس هتشتري وذلك على سبيل المواساه طبعاً هيا مش إشاعة هيا ركود عالمي مش بس في مصر ولا الشرق الأوسط دة في كل العالم و لكن يأبى العقل المصري التجاري أن يتنازل ولو بقليل القليل وعموماً المعرض اللي كنت فيه ده هيفلس غالباً على مدى شهور بسيطة هو وكل التجار الصغيرين اللي هيصمد هم الكبار والكبار فقط اللي تحت أيدهم سيوله فائضة كبيرة تكفى لتحاشي الأفلاس وبكده بردوا التجار الكبار خسرانين وخسارة كبيرة لكن عندهم أحتياطي نقدي كبير ومعني أنك تسحب من الأحتياطي أنك بتسد عجز عندك في مكان معين ولمدة معينه وهترجع اللي سحبته تاني والا هتبقى خسارة متحمله عليك ... المشكلة أن البنوك هتواجه صعوبات كبيرة الفترة القادمة لتعثر نسبة كبيرة من أصحاب السيارات في تسديد أقساط سياراتهم ودى مش حاجة جديدة دى معروفة والبنوك بقت متشددة في حكاية القروض بالأضافة للمشكلة اللي عملها سماسرة القروض والنصب الكبير اللي حصل واللي كانوا بياخدوا بيه قروض برخص مزوره ... المشكلة أن الأزمة العالمية مازالت في بدايتها والأسوء قادم وربنا يكفينا شره لأن الأزمة مش هتسثني حد وهتاخد عاطل على باطل والتجار وأصحاب الشركات هم أول الخاسرين وبعديهم على طول الطبقة العاملة اللي أنت وأنا و غالبيه المصريين منهم .

الحل الثاني افضل : خلوها تصدي

أنا شايف ان احنا مهما نقول ولا حياة لمن تنادى ....وشكلها كدة احنا اللى حنصدى ....لأن العملية كدة زى ماأنتوا عارفين ودن من طين وودن من عجين.....

الحل الثاني طبعاااااااااااااااااااااا ا