فكرة لملاك الجين 2 الجدد ممكن نستفيد منها

**A. Ibrahim** · 05-01-2009 06:58 PM

السلام عليكم
احب اعبر في الاول عن اعجابي الشديد بقسم البروتون
ثانيا عندي فكرة ممكن تكون جيدة و نستفيد منها كلنا بما ان المفروض اليومين دول في كلام علي اسعار العربيات و مش عرفين الصح من الغلط فممكن نجمع عدد من المشترين الجدد للجين 2 او البرسونا و نروح كلنا تلت او اربع او خمس مشترين للمبيعات و نطلب خصم كويس لان البيعه دي حتكون زي بيعة موزع او معرض و اعتقد ان الموضوع ده حينفع حتي لو العربيات قسط او كاش و ممكن رجالة نايل موتورز يوصلونا لحد من المبيعات و الفايدة تعم بالنسبة لي انا مخطط ان شاء الله علي شهر 3 اجيب جين 2 كاش و لو في حد عاوز يشترك او يعرف حد ناوي يشتري ممكن ننصق مع بعض من خلال المنتدي
لي سؤال كمان نفسي في مثبت سرعة حتي لو special order ممكن عمو عز يوافق و يخطبهالي

اعتقد انه ممكن نطبق الموضوع ده مع التوكيلات اللي عندهم ضمير بس

في انتظار الردود

**M.Nabil** · 05-01-2009 08:45 PM

فكرة انك تجمع عدد من االي عايزين يشتروا الجين تو علشان تحصلوا على خصم طرحت فعلا قبل كده, بس هتحتاج عدد كبير علشان تحصل على خصم, ومعتقدش انك هتقدر توفق بين توقيت شرائك وتوقيت شراء الاخرين علشان تحصل على الخصم, وبعدين الخصم ده مش هيبقى خصم كبير زي ما حضرتك فاهم.
انا مش بحبطك بس دي الحقيقة.
وبالنسبة انك تعمل special order علشان مثبت السرعة بس انا شايف انها مش مستاهلة, حضرتك لو ركبتوا في التوكيل هيبقى ارخص واسرع من انك تعمل بيه special order>
والله اعلم.

**goofy_in_love** · 05-01-2009 08:46 PM

انا مهتم بس التوكيل هيعملك خصم كام يعني صدقني مهما عملك فهيكون مبلغ بسيط قوي اقل مما تتخيل و هتبقي هيا هيا

بالمناسبه هيا الجين 2 بقت بكام دلوقتي ؟

**M.Nabil** · 05-01-2009 09:10 PM

مانويال 84900 جنيه مصري
اتوماتيك 90900 جنيه مصري

**mazagnge** · 05-01-2009 11:10 PM

قتل الموضوع بحثاً ..... و فشل

**yasserzezo** · 05-01-2009 11:23 PM

ana 3la el 3moom momken ensha2 allah ashtry fe mars bardo

**A. Ibrahim** · 06-01-2009 08:40 AM

اعتقد لو حولنا تاني في ظل الظروف الحالية ممكن نكسب و اكيد مش هنخصر حاجة

اما عن مثبت السرعة ممكن فعلا يركب في التوكيل و بكام

**aapaap855** · 06-01-2009 11:12 AM

بالنسبة لموضوع المثبت انا مش عايز احبطك زي ما احبطوك في الموضوع الاولاني
بس انا سالت المهندس آمر قالي انو مش هيدخل نفسوا في الموضوع دة خالص عشان مشاكلو كتير
(رايي ان لو ناس كتير طلبتها ,ممكن يوافقوا)

بس لحد دلوقتي
مفيييييييييش