تيل فرامل الالتو .... خلص !!!!

**zalpany2000** · 05-01-2009 09:57 PM

يا جماعة النهارده وانا ماشي بالعربية بقيت لما افرمل اسمع صوت صفارة.. اتطورت لحكة .. ثم لتخبيط لما اجي اقف بالعربية..
روحت البنزينة
الراجل نزل تحت العربية وقالي"التيل ده يا باشا خلصان"

شكرته
و مشيت
و انا ماشي
قالي يا باشا لازم تغيره علشان ما يكلش الطنبورة
الغريبة
ان الصوت في العجلة اليمين اللي قدام بس
انا دلوقتي مش عارف اجيب التيل منين
وسعره كام
و هل التوكيل ملزم بيه خصوصا ان العربية ما كملتش 15000، وهل ده اصلا طبيعي ولا كده فيه حاجه في العجلة
؟؟؟

و هل فرع الدقي ممكن اروح اغيره فيه ولا اغيره بره وخلاص وهل ممكن اجيب الاصلي من بره التوكيل ولا لأ؟؟؟
تحياتي
برجاء سرعة الرد للأهمية

**zalpany2000** · 06-01-2009 11:05 PM

للأفادة .. تم اجراء صيانة ال 15000 اليوم... وتغيير التيل الامامي
سعر التيل عير شامل الضريبة من التوكيل 300 جنيه .. بعد مصنعية الصيانة ومصنعية تركيب التيل والتحابيش التانية.. دفعتلي 430 450 جنيه تقريبا

تحياتي

**D . a .\ AYMAN** · 06-01-2009 11:15 PM

بصراحة حكاية إن التيل يخلص منك بسرعة كدة أنا مش مصدقها
لأني أعتقد إن عندي لسة بدري عليه

أنا برضه عامل حوالي 10000 وشوية تقريبا

بس عموما ممكن تخلي أي حد يبصلك على التيل في الناحيتين هل الأتنين خالصانين زي بعض ولا ناحية واحدة

لو ناحية واحدة بس يبقى لازم تروح التوكيل عشان ممكن يكون في مشكلة وهمة يكشفوا عليها أحسن

لو الأتنين زي بعض أعتقد يبقى كده طبيعي بس ممكن تكون انت بتفرمل أكتر من المعتاد

وبيتهايئلي إنك ممكن تعمله برة من غير مشاكل بس المهم إنك تلاقي الأصلي بتاعها برة الضمان وممكن تشتؤيه حتى من منفذ البيع اللى فرع الدقي (لو لاقيته عندهم .. لأن مرة المهندس اللى في الهايكستي قالي ممكن تجيب فلتر الزيت من هناك وتغير زيت برة)وتركبه برة

وممكن تسأل في المحل اللى في التوفيقية كان أحد الأعضاء عامل عنه موضوع هنا

يارب أكون قدرت أفيدك ... وآسف على التأخير في الرد

**D . a .\ AYMAN** · 07-01-2009 12:45 AM

لا مؤاخذة ياباشا ماخدش بالي من المشاركة التانية بتاعتك إلا دلوقتي

وعموما الحمد لله إن المشكلة إتحلت بسرعة

**y_omran** · 07-01-2009 10:24 AM

دكتور حسام - اخبارك اية و كل عام و انت بخير - معقولة انت عديت ال 15000 كم لية انت بتمشى بيها طول اليوم و لا اية ؟؟ العربية ما كملتشى معاك 4 شهور - حافظ على العربية شوية و تمنياتى بالتوفيق

**zalpany2000** · 07-01-2009 05:34 PM

ألف شكر ليك يا ايمن باشا
والله هما ادوني التيل القديم... و فعلا تيل العجلة اليمين بس هو اللي خلصان... التيل التاني مش زي ده خالص... وانا سألت المهندس في التوكيل لو كان سبب ده حاجه في العجله نفسها ... قالي انهم كشفوا عليها و مافيشها حاجه .. وان ده ممكن يكون بسبب الاستخدام.. وبيني وبينك انا مش مقتنع لحد دلوقتي.. وألف شكر علي الرد

ياسر باشا
والله ليك وحشه... والله يا اخي انا مش باعمل بيها اكتر من مشواري اليومي.بس الظاهر انا اللي ساكن بعيد حبيتين..

تحياتي

**alhashem90** · 14-04-2009 03:26 AM

http://nilemotors.net/Nile/showthread.php?t=68371

shofo el link dah ya gam3a we isa akon sa3toko ::)

الموضوع: تيل فرامل الالتو .... خلص !!!!

LinkBack

أدوات الموضوع

عرض

تيل فرامل الالتو .... خلص !!!! - انشر الموضوع فى :

-

-

-

-

-

المواضيع المتشابهه

تقرير-مصور عن تيل فرامل الالتو الامامي الماليزي

الالتو !!!!!

الالتو

سؤال بس فى شكل الالتو

سعر الالتو

الكلمات الدلالية لهذا الموضوع

المفضلات

المفضلات

ضوابط المشاركة