ملاحظة على بعض المواضيع الجديدة

**Akram** · 06-01-2009 12:02 AM

اخواني الأعضاء,

السلام عليكم ,

لاحظت ان فيه مواضيع جديدة بتسأل على مشاكل اتكلمنا فيه كتير و ناس كتير ساهمت فيها و بالتالي وصلنا فيها لدرجة كبيرة جداً من الفهم و الوعي (و زي ما بيقولوا قتلناها بحثاً) ,
و بالتالي لما بلاقي المواضيع دي ببقى مش عايز ارد حتى لو عارف الحل (لكن احياناً برد برده لأني ببقى عايز أفيد على قد معلوماتي) ,
المهم لي رجاء من الأخوة الأعضاء خاصة الأعضاء الجدد انهم يبحثوا الأول عن المشاكل اللي مقبلاهم ,
و البحث ده هيستفيدوا منه حاجات كتيرة منها:
* إتقان عملية البحث في حد ذاتها و بالتالي في حالة الاحتياج لمراجعة أي مشكلة مستقبلاً هنقدر نوصل للمواضيع المرتبطة بيها بسهولة.
* هتلاقي مواضيع كتيرة ممكن تكون مش مرتبطة بشكل مباشر بالمشكلة و لكن هتستفيدوا منها.
* الوصول لمشكلات المشابهة و مساهمات الأعضاء و بالتالي الحل ان شاء الله.
* التعرف أكثر على أعضاء المنتدي و روح المودة الموجودة و بالتالي تزداد الالفة مع المنتدى.

**msobhy** · 06-01-2009 09:08 AM

المشاركة الأصلية كتبت بواسطة Akram

اخواني الأعضاء,

السلام عليكم ,

لاحظت ان فيه مواضيع جديدة بتسأل على مشاكل اتكلمنا فيه كتير و ناس كتير ساهمت فيها و بالتالي وصلنا فيها لدرجة كبيرة جداً من الفهم و الوعي (و زي ما بيقولوا قتلناها بحثاً) ,
و بالتالي لما بلاقي المواضيع دي ببقى مش عايز ارد حتى لو عارف الحل (لكن احياناً برد برده لأني ببقى عايز أفيد على قد معلوماتي) ,
المهم لي رجاء من الأخوة الأعضاء خاصة الأعضاء الجدد انهم يبحثوا الأول عن المشاكل اللي مقبلاهم ,
و البحث ده هيستفيدوا منه حاجات كتيرة منها:
* إتقان عملية البحث في حد ذاتها و بالتالي في حالة الاحتياج لمراجعة أي مشكلة مستقبلاً هنقدر نوصل للمواضيع المرتبطة بيها بسهولة.
* هتلاقي مواضيع كتيرة ممكن تكون مش مرتبطة بشكل مباشر بالمشكلة و لكن هتستفيدوا منها.
* الوصول لمشكلات المشابهة و مساهمات الأعضاء و بالتالي الحل ان شاء الله.
* التعرف أكثر على أعضاء المنتدي و روح المودة الموجودة و بالتالي تزداد الالفة مع المنتدى.

+11111111111111111111

**msobhy** · 06-01-2009 11:20 AM

كلام حضرتك صح بس يمكن لأن متابع المنتدى بتاعنا من فترة طويلة ويوميا اى موضوع بيجى تحت اسماء الاستغاثة ومن فضلك لاتتناول هذا الدواء والدواء به سم قاتل كلها بتنهار بعد فترة لكن العنواين الوضحة موضوعتها هيه اللى بتستمر
رجاء خاص لكل الاخوه قبل ما تبدأ موضوع دور على اى حاجة قريبة من المشكلة بتاعتك وابدأ زود عليها / صدقنى مش هاتكون متميز لو بدأت موضوع جديد لكن هاتكون متميز لو احترمت النظام وساعدت النظام انه يتحسن
احب اضيف فى النهاية انى تقريبا باقضى على الاقل يوميا ساعتين فى تصفح الموقع بتاعنا وزى استاذ اكرم بطلت ارد على الناس والله مش بخل بالمعلومة لأنى اقل من كده بكتير لكن فعلا انا واحد من الناس زهقت كل موضوع اتقال اكثر من مليون مره ومفيش جديد غير اللى عباقرة المنتدى بيبدؤه وعلى رأسهم محمد ممدوح
قبل كده فى اخ فاضل فضل يسأل ويوقو وينادى على حاجة اتكلمنا عليها فى المنتدى على الاقل 100 مره ونهاية كلامه بيقول منتدى اللانوس ايه اللى حصله بقى ليه خامل او كسول
الموضوع ممكن يتكرر مرتين ورا بعض (غيرت رشاشات - ايه هيه عيوب الرشاشات - اشترى منين رشاشات- ،،،،،،) اعتقد اننا وضحت الصوره بالنسبة لينا كلنا

**abzoabzo** · 06-01-2009 12:58 PM

**msobhy** · 06-01-2009 03:33 PM

http://www.nilemotors.net/Nile/showthread.php?t=53466

http://www.nilemotors.net/Nile/showthread.php?t=9860

http://www.nilemotors.net/Nile/showthread.php?t=48982

http://www.nilemotors.net/Nile/showthread.php?t=47669

http://www.nilemotors.net/Nile/showthread.php?t=46838

http://www.nilemotors.net/Nile/showthread.php?t=47060

http://www.nilemotors.net/Nile/showthread.php?t=46754

لاتعليييييييييييق

**MMamdouh** · 06-01-2009 03:42 PM

انا شخصيا لما بلاقى سؤال اتسال 10 الاف مرة قبل كدة بنفض و مردش عليه

اصل كدة كدة انا مش حكتب رد اتكتب 10 الاف مرة قبل كدة ولا حعمل انا بحث فى المنتدى عشان خاطر حد مكسل يعمل بحث (الا اذا كتب انة عمل بحث و موصلش لحاجة)... و حتى كمان بقيت استتقل اكتب use the search function

MMamdouh

**msobhy** · 06-01-2009 04:14 PM

والله يا ممدوح انا خلاص زهقت من كتر التكرار وحسيت انك قليت برضو جدا فى ردودك وابسط مثال على كلامنا مع احترامى الشديد للعضو الفاضل
http://www.nilemotors.net/Nile/showthread.php?t=53499
اتفضل رد يا سيدى
ممدوح باشا عايزين ننظم الدنيا ونرجع الروح القديمة بتاعتنا وده مش هايحصل من تجديد
عايزين موضيع جديدة - مواضيع نفكر فيها / مشكلة ال rpm / تغيير نظام الفرامل / خطوات عمل صيانات بأيدينا
ممكن حاجة نفكر فيها ومتكونش مملة
ممكن حاجة نتعلم منها حاجة جديده
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
مش عارف اذا كنت انا مزودها بس والله انا بشوف حاجات كتيييييييير وفعلا بقيت بقول لنفسى كبر دماغك
هاعمل ايه غير كده