(مهم) أخيراً تكلم مصنعون السيارات والوكلاء في مؤتمرهم الصحفي يوم الاحد 4/1/2009

**Ghamrawy** · 07-01-2009 02:46 PM

المشاركة الأصلية كتبت بواسطة ahmed1981

هو البلد المفروض تمشى على حسب مصالح حفنة من الذين يتحكمون في إقتصادها؟؟؟

ايوه و البدل ماشية من مدة مش قصيرة بنظام القطاع الخاص و بص على الوزارة الحالية حتلاقى معظمم تجار و اصحاب شركات و منظومات اقتصادية كبيرة و البلد خلاص ممكن تبيع حياء وجهها و تنحنى (ده اللفظ المؤدب لفعل تانى)لاى حد معاه الاخضر أو الاحمر أو اى عملة اجنبية ليها قيمة

المشاركة الأصلية كتبت بواسطة ahmed1981

صناعة السيارات المحلية لو مش قادرة بقالها أكثر من ثلاثين سنة إنها تقوي موقفها يبقى تستاهل الإغلاق
إيه الفايدة إني أصنع سيارة نصف نقل شيفورليه مثلاً في مصر وبمكونات محلية بنسبة 50 % وفي النهاية أبيعها بنفس سعر أختها المستوردة من تايلاندا ؟؟؟!!!!

و لا عمرها حاتقوى و تعمل اى حاجة علشان حجم السويقة المصرية لا يسمح بعمل مصانع جدية لانتاج العربيات (مافيش جدوى اقتصادية) و لو حانصدر يبقى احنا كده بنخالف اسيادنا اللى بيرمولنا اللقمة و حنتحارب و نتبهدل

المشاركة الأصلية كتبت بواسطة ahmed1981

ليه المصنع مش عايز يسيب أي مليم كميزة لصناعته المحلية التي تحميها الجمارك التي ندفعها نحن ؟؟

طمع و جشع و عدم وجود جهاز يحمى المستهلك و ما فيش حد يحاسب

المشاركة الأصلية كتبت بواسطة ahmed1981

الحل الوحيد أن ترفع الحماية نهائياً عن تلك الحفنة من رجال الأعمال الذين إحتكروا صناعة السيارات في مصر وفي النهاية يبيعونها بنفس سعر المستورد

مايقدروش علشان ساعتها حايمسكوا الحكومة من منطقة حساسة (فلوس البنوك) و حايقولوا فلسنا و مش حاندفع و يطلعوا على لندن و باريس جنب اخواتهم الحرامية

المشاركة الأصلية كتبت بواسطة ahmed1981

وخليها تصدي وموديلها يعدي لغاية لما يتعلموا الأدب ويعرفوا يعني إيه سوق حر

هو ده الكلام و ساعتها حاشترى اى صحيفة من الصحف القومية اللى مالهاش لزمة و اتفرج على عامود التفاليس :k32:

**Ghamrawy** · 07-01-2009 02:56 PM

نقطة كمان بما اننا بلد قطاع خاص يعنى استك منه فيه على راى المسرحية يبقى ممكن لما احنا نزنق على تجار السيارات على الاخر هما كمان حاينقلوا التتزنيق ده على اللى فوقهم و ساعتها هما ممكن يجبروا الحكومة انها تخفض الجمارك و ما ننساش ان الحكومة فى الا خر خاسر الاكبر علشان لو مافيش طلب على العربيات=مافيش استيراد=مافيش جمارك و مافيش رسم تنمية و مافيش ضريبة مبيعات=مافيش ضريبة ارباح تجارية على مكاسب الوكلاء=مافيش رسوم ترخيص=انخفاض مش قليل فى حصيلة الاتاوات و الفرد=عجز كبير فى موازنة بنك الحظ اللى احنا عايشين فيه

**ringoo84** · 07-01-2009 04:19 PM

صح انا مع ان احنا لازم نكون ايجابيين ونصبر

**alhamza** · 07-01-2009 05:29 PM

المشاركة الأصلية كتبت بواسطة gemino

نقطة كمان بما اننا بلد قطاع خاص يعنى استك منه فيه على راى المسرحية يبقى ممكن لما احنا نزنق على تجار السيارات على الاخر هما كمان حاينقلوا التتزنيق ده على اللى فوقهم و ساعتها هما ممكن يجبروا الحكومة انها تخفض الجمارك و ما ننساش ان الحكومة فى الا خر خاسر الاكبر علشان لو مافيش طلب على العربيات=مافيش استيراد=مافيش جمارك و مافيش رسم تنمية و مافيش ضريبة مبيعات=مافيش ضريبة ارباح تجارية على مكاسب الوكلاء=مافيش رسوم ترخيص=انخفاض مش قليل فى حصيلة الاتاوات و الفرد=عجز كبير فى موازنة بنك الحظ اللى احنا عايشين فيه

كلامك صح مليون في الميه
تعالوا نحسب حسبه بسيطه لو العربيه س جماركها الف جنيه ونجيب 100 عربيه بالوضع الحالي 1000 *100 =100000مائة الف جنيه
لو الجمارك قلت 50%هيبقي جماركها 500 جنيه
وفي الحالة دي شريحع كبيره هتشتري يهني مثلا 1000
عربيه هتتباع يبقي الدوله هيدخلها جمارك 1000*500= خمسمائة الف
500000
يعني اكتر للدوله ليه مش بيفكروا كده والناس تهيص والتجار يعيشوا والدوله تكسب اكتر حسبي الله في البلد
وليه تكسب اقل لما ممكن تكسب وتخنق الناس اكتر