(مهم) أخيراً تكلم مصنعون السيارات والوكلاء في مؤتمرهم الصحفي يوم الاحد 4/1/2009

**wesam_salom** · 06-01-2009 03:49 PM

هترخص يعنى هترخص

كل اللى بيعملوه ده من حلاوه الروح

**احمد عبدالله** · 06-01-2009 04:55 PM

الصبر يا إخوالنا هانت خلاص

**Amr_Moh** · 06-01-2009 05:12 PM

المطالبة بإلغاء الاستيراد من غير بالد المنشأ لمنع زحف مخزون دول الخليج إلي مصر
?????????????
عشان يتحكم فالأسعار و محدش يعرف يجيب بديل أرخص من الخليج

**sherif Anton** · 06-01-2009 07:09 PM

الخبر مكتوب النهاردة في جريدة الاهرام

http://www.ahram.org.eg/Index.asp?Cu...7.htm&DID=9819

المقال فيه اعترافات صريحة بالحقائق التالية :
- أن هناك مئات الألاف من السيارات مخزنة في عدد من دول الخليج العربي (وطبعا كلنا عارفين ان المخازن في مصر هي كمان مليانه على اخرها بالسيارات اللي إن شاء الله هنسيبها تصدي لو مرخصوش سعرها على الاقل 30%)
- احجام عدد كبير من المواطنين عن شراء السيارات في مصر (وهذا اعتراف صريح على كعس ما كان يدعيه التجار من شهر فات)
- إن استمرار ذلك الوضع سيؤدي إلي تراجع كبير في الطلب علي السيارات في مصر (وده اعتراف صريح بحجم الكارثة اللي التجار هيقعوا فيها لو استمروا في العناد والجشع)

http://www6.0zz0.com/2009/01/06/16/183017487.jpg

خليها تصدي وموديلها يعدي ... وإن شاء الله لو التجار استمروا في العند والجشع هيشحتوا لانهم يظهر مش قادرين يستوعبوا يعني ايه ازمة عالمية ...

**asbeats** · 06-01-2009 09:19 PM

اخيرا أبو الهول نطق!!!

بس برضه

خلوها تصدي!!!

**ahmed1981** · 06-01-2009 09:35 PM

هو البلد المفروض تمشى على حسب مصالح حفنة من الذين يتحكمون في إقتصادها؟؟؟
صناعة السيارات المحلية لو مش قادرة بقالها أكثر من ثلاثين سنة إنها تقوي موقفها يبقى تستاهل الإغلاق

إيه الفايدة إني أصنع سيارة نصف نقل شيفورليه مثلاً في مصر وبمكونات محلية بنسبة 50 % وفي النهاية أبيعها بنفس سعر أختها المستوردة من تايلاندا ؟؟؟!!!!
ليه المصنع مش عايز يسيب أي مليم كميزة لصناعته المحلية التي تحميها الجمارك التي ندفعها نحن ؟؟

الحل الوحيد أن ترفع الحماية نهائياً عن تلك الحفنة من رجال الأعمال الذين إحتكروا صناعة السيارات في مصر وفي النهاية يبيعونها بنفس سعر المستورد

وخليها تصدي وموديلها يعدي لغاية لما يتعلموا الأدب ويعرفوا يعني إيه سوق حر

**saidbakr** · 06-01-2009 11:52 PM

و الله لو الحكومة سمعت كلامهم بخصوص موضوع الاستيراد من بلد المنشأ، تبقى حكومة بتبرطع و بتاكلنا على قفانا كالمعتاد عيني عينك. يكون الحل ساعتها إن جميع ملاك السيارات في مصر يعملوا إضراب و مقاطعة عن تجديد التراخيص و دفع ضرايب السيارات، و يتحول الشعار من خلوها تصدي إلى خلوها تولع و تبقى الحكومة تقابلني لو عرفت تلاقي اوناش و لا مخازن تلم فيها العربيات اللي منتهي ترخيصها و نقاضيها ساعتها على اي تلافيات تحصل للعربيات منتهية الترخيص اللي اتلمت.

**alhamza** · 07-01-2009 12:06 AM

المشاركة الأصلية كتبت بواسطة saidbakr

و الله لو الحكومة سمعت كلامهم بخصوص موضوع الاستيراد من بلد المنشأ، تبقى حكومة بتبرطع و بتاكلنا على قفانا كالمعتاد عيني عينك. يكون الحل ساعتها إن جميع ملاك السيارات في مصر يعملوا إضراب و مقاطعة عن تجديد التراخيص و دفع ضرايب السيارات، و يتحول الشعار من خلوها تصدي إلى خلوها تولع و تبقى الحكومة تقابلني لو عرفت تلاقي اوناش و لا مخازن تلم فيها العربيات اللي منتهي ترخيصها و نقاضيها ساعتها على اي تلافيات تحصل للعربيات منتهية الترخيص اللي اتلمت.

انت فاكر الحكومه هبله الظابط لما بيسحب اي عربيه بيكتب في المحضر اشتباه في الصلاحيه الفنيه عارف ليه علشان لو اتخبطط يقول انا قلت انها مكانتش مطابقه للصلاحيه انا كان قصدي مخبوطه حسبي الله

**ZAMORA** · 07-01-2009 12:23 AM

يجب استمرار الضغط على التجار
عدم الياس من التغيير ان شاء الله
و لا نرضى بأنصاف الحلول و الفتات من اكابر الجشعين في البلد
وخليها تصدي وموديلها يعدي

الموضوع: (مهم) أخيراً تكلم مصنعون السيارات والوكلاء في مؤتمرهم الصحفي يوم الاحد 4/1/2009

LinkBack

أدوات الموضوع

عرض

-

-

-

-

-

-

المواضيع المتشابهه

رأيك فى الاسبيرانزا ..........تكلم .......بلا خوف

نكت يلقيها رجال الحزب الوطنى فى مؤتمرهم السنوى ايام الغيبوبة

المؤتمر الصحفي لإئتلاف شباب الثورة

من يحمي المستهلك المصري من جشع بعض تجار السيارات والوكلاء؟

تكلم حتى يراك الجميع.

الكلمات الدلالية لهذا الموضوع

المفضلات

المفضلات

ضوابط المشاركة