لو حد عنده مشكلة فى الاكسيل يقوللى وربنا المعين

**Nader** · 18-08-2007 12:43 AM

لا بيرجع عادى.............الصوت بيعلى فقط ى حالة ام اشيل رجلى من على البنزين والدبرياش

لو دة اثناء سير العربية وانت مورت يبقى عادي لان دة اسمة اينجين براكينج وتحس ان العربية بتفرمل شوية.

**barakat_1986** · 28-09-2007 03:52 PM

الطبة اللى بين المتور والفتيس؟؟؟؟؟؟؟؟ياريت تفدنى علشان فى ميكانيكى قالى حيحل الفتيس وواحد تانى قال مش حيحل وانا الصراحة مقلق من الاتنين قولى اعمل اية :( :(

**thegreatnileman** · 29-09-2007 11:33 AM

ا/بركات
عموما حل الفتيس فى الاكسيل مش بياخد نصف ساعه وتكشف بالمرة على طاقم الدبرياج لو محتاج تغيير تغيره

انا مش متخيل مكان طبه المياه دى اللى لازم تحللها الفتيس لان الجزء المستخبى بين الموتور والفتيس فيه طاقم الدبرياج على العموم الفنى اللى شاف العربية هو ادرى

انصحك تتعامل مع اللى قالك مش حيحل وتحاول تحدد لى بالضبط مكان الطبه دى فين على مايبدو كده انها فى جسم البلوك بتاع الموتور

لو انت قريب من مدينة العبور روح مركز كارتك بيشتغلوا فى كل الهيونداى انا شفتهم غيروا كبالن عربية اكسنت فى 40 دقيقة واسعارهم كويسة جدا حيقوللك ايه اللى فيها ومش حيغشوووك ولو مش عاوز تعمل عندهم محدش حيضربك على ايدك والمنتدى هنا له 10% خصم على المصنعيات ودى حقيقة وانا جربت الناس دول وكمان بتبقى شايف ايه اللى بيجرى فى عربيتك

احمد

**barakat_1986** · 29-09-2007 06:28 PM

المشكلة ان انا مش من القاهرة.......... الطبة دية مكانها بالضبط بين الفتييس والمكنة .....عايزة تتغير .....انت الوحيد اللى ممكن يقولى اعمل اية بسبب خبرتك الكبيرة فى الاكسيل وسبق انك ساعدتنى فى نفس الموضوع وطلع كلام صح....وياريت تقولى حتكلف كام العملية دية ؟؟؟؟؟علشان الراجل قالى رقم غريب كدة؟؟؟؟وهل فك الفتيس بياثر على حاجة وانة ممكن ميرجعش زى الاول؟؟؟؟؟؟وشكرا معلش انا حتعبك معايا

**thegreatnileman** · 30-09-2007 05:22 PM

توكل على الله وحل وغير الطبه وحل الفتيس بيكون عن طريق فك مسامير القاعدة بتاعته وفك الكام مسمار بتوع الداير اللى رابطينه بالموتور وهوب تلاقيه بين ايديك ومتقلقش من انه يتركب غلط لانه مينفعش يتركب غير صح يعنى يايركب صح ياميركبش لان كل مسمار بيتفك لازم غصب عن الميكانيكى يرجعه مكانه وعلى اعتبار ان الميكانيكى اللى فكلى الفتيس بتاعى قبل كده من النوع الشفاط فهو هبد منى 100جنيه علشان يحل الفتيس ويغير طاقم الدبرياج (مصنعيه فقط) وطبعا الطبه انصحك تسال عليها فى التوكيل اللى عندك لو موجوده هاتها منه ده لمصلحة عربيتك لو مش موجوده الخراط ممكن يعملك واحده فى حدود 10-15جنيه مش قصة صدقنى الموضوع ان شاء الله سهل وانت مكبره على الفاضى وخلى بالك انك كل مابتتاخر فى تغيير الطبه دى المياه بتنزل على اماكن مش مفروض توصللها المياه (الصدأ الصدأ الصدأ الصدأ) علاوة على ان ده طبعا بيسبب نقص فى مياه دورة التبريد اللى حياثر على الموتور توكل وخلص وقوللى ايه الاخبر وخليه يبصلك على طاقم الدبرياج لو محتاج غيره والمصنعيه هيه هيه

احمد

**barakat_1986** · 30-09-2007 09:00 PM

انا مش عارف اقولك اية يا استاذ احمد الحمد للة الطبة اتصلحت .....ربنى كرمنى بميكانيكى كويس اوى وخلصلى الحوار كلة فى ساعتان بس والمية الحمد للة اتمنعت وغيرت بالمرة زيت الفتيس وكلة تمام......مش عارف ازاى اشكرك على مساعدتك ليا...فعلا طلعت الطبة اللى انت قولتلى عليها .....والطبة القديمة تصور كانت مخرومة ازاى مش عارف... بس الحمد اللة عدت على خير واتصلحت .......الف شكر مرة تانية على مساعدتك كل مرة ليا.... :D :D :D :D :D :D :D :D :D :D

**thegreatnileman** · 30-09-2007 09:24 PM

الف شكر مرة تانية على مساعدتك كل مرة ليا

والله انا مش حاسس انى عملت اى حاجه انت اكيد بتتكلم عن حد تانى

الف الف مبرووووووووووووووك تصليح العربية

**barakat_1986** · 30-09-2007 09:39 PM

المشاركة الأصلية كتبت بواسطة thegreatnileman

الف شكر مرة تانية على مساعدتك كل مرة ليا

والله انا مش حاسس انى عملت اى حاجه انت اكيد بتتكلم عن حد تانى

الف الف مبرووووووووووووووك تصليح العربية

دة بس من زوق حضرتك :D

**barakat_1986** · 30-09-2007 09:45 PM

انا كان لية بس ملاحظة واحدة بعد التصليح ......هو المفروض عداد لفات المتور كان بيكون على صفر والعربية دايرة وواقفة بس بعد ماروحت لقيت العداد على واحد مش صفر وهى دايرة وواقفة......انا بقول يمكن هو زود السحب ولا اية اصل انا لما كنت عندة قالى دوس على البنزين وهو بيحط المياة الجديدة فى الريداتير وبعد كدة شد حاجة عند المتور وقالى خلاص مدوسش بنزين وفعلا نزلت بس كان صوت العربية كان حد دايس على البنزين؟؟؟؟؟؟؟؟؟انا بقول يمكن نسى يرجع الحاجة اللى شدها ولا اية؟؟؟ رايك اية ؟؟؟؟انا عارف انى صدعتك بس دة من عشمى :D