عاوز افرش العربية فرش جلد زى الفيسليفت !!!

**AhmedGen2** · 06-01-2009 05:19 PM

السلام عليكم

ان شاء الله ناوى اظبط العربية بعد الصيانة وعاوز افرشها فرش جلد أسود فى أحمر أو رمادى غامق فى أحمر عشان انا عربيتى لونها احمر وهيبقى شكله جامد مووت عليها.

ياريت حد يدلنى على واحد نضيف انا مش بتاع لف ...

فين وبكام؟...

**AhmedGen2** · 06-01-2009 11:21 PM

الناس فين !!

**M.Nabil** · 07-01-2009 02:17 AM

هو في واحد بس انا لسه مروحتلوش علشان الميزانية مش سامحة, هو في طنطا اسمه ايمن وطنطا كمان عرفت ان في ال مشعل دول مشهورين جدا بس ممكن يبقوا غاليين.
انا شوفت شغل ايمن على عربية هوندا سيفيك الجديدة بجد شغل فبريقة, والخياطة الدوبل وكله 10\10, لو مستعد تروح طنطا ابعتلك رقم تليفونه.

**AhmedGen2** · 07-01-2009 05:37 AM

انا عاوز حد فى القاهرة كنت سمعت عن واحد فى الدقى جامد ... بس الأسعار كام؟ يعنى فى حدود كام يطلعلى الشغل اللى انا عايزه؟.

**khpopo** · 07-01-2009 10:16 AM

المشاركة الأصلية كتبت بواسطة IslamGen2

انا عاوز حد فى القاهرة كنت سمعت عن واحد فى الدقى جامد ... بس الأسعار كام؟ يعنى فى حدود كام يطلعلى الشغل اللى انا عايزه؟.

اسلام باشا احنا كنا قلنا قبل كدة من 1000 جنية وطالع حسب الخامة المطلوبة بدون ابواب وارضية كراسى فقط

ربنا يوفق

**Terrible_DaRsH** · 07-01-2009 10:25 AM

كل واحد يسال عن الفرش اقوله زميلنا جاتو عمل الفرش ده ب 700
ابواب وكراسي ..

ولو ميزانيتك تسمح اكتر من كده بكتير مثلا ..قول وانا اقولك على ناس تماام ..

**hadota_masreya** · 07-01-2009 10:43 AM

المشاركة الأصلية كتبت بواسطة IslamGen2

انا عاوز حد فى القاهرة كنت سمعت عن واحد فى الدقى جامد ... بس الأسعار كام؟ يعنى فى حدود كام يطلعلى الشغل اللى انا عايزه؟.

سلام عليكم يا اسلام باشا
الراجل اللى فى الدقى اسمه محمد العتره
و هاتلاقيه تحت كوبرى الدقى فى الجهة المقابلة للسنترال - قبل المنزل من ناحية وزارة الزراعة
و الراجل ده شغله تمام قوى و خاماته تمام بس مشكلتة انه غالى شويتين (بالنسبة لى)
هو كان قايلى ان الفرش جلد لونين بالابواب تقريبا يعملوا 1100 بعد ماكان طالب 1300
عامة انا ان شاء الله لما أحوش

هابقى ارحله ده فى حالة ان ماظهرش حد أحسن لحد دلوقت - انا حاليا جبت فرش تعبان من محل عند وزارة الداخلية اسمه سبير كار - بس علشان احافظ على الفابريقه لغاية لما ربنا يسهلها

**ringoo84** · 07-01-2009 12:41 PM

هو انا شفت واحد عنده فرش جاهز للجين 2 في شارع دمشق جنب البنزينه اول متدخل الشارع هتلاقيها على ايدك اليمين واعتقد انها موبيل وهتلاقي هناك اللوان كثير وانا شفت اسود في اصفر ده الي شد انتباهي فاكيد هتلاقي هناك اللون الي انت عايزه........