Astra, Civic, Mazda3, Tida!!

طبعا المقارنة صعبة جدا!

فـ كل العربيات متقاربة مع ان فى رأيى ان الـ astra enjoy افضلهم, و لكن السؤال هنا هل تنفع تكون عربية لـ 4 افراد! و لو لمدة سنة! يعنى هتكون عربية عائلية لمدة سنة و بعدها تكون بتاعة شاب؟ تنفع ولا صغيرة؟

ياريت اللى يقارن يقارن مابين العربيات بدون النظر للسعر فقط الاداء و الثبات و التوكيل و الصيانة

لان كدا كدا قطع الغيار عالية فدى مش مهم بس المهم مين فيهم معمره اكتر و مين فيهم تستحمل اكتر و انهى توكيلها افضل!

طبعا العربية هتكون لـ راجل عنده 47 سنة مش صغير يعنى

مع التحية و الشكر

استرا انجوي استحالة تكون لراجل عنده 47 سنةانسى
انا صوتت لتيداهاتشباك
احسن واحدة فيهم عائلية هي السيفيك
بس مشكلتها انها واطية
غير كده فهي و التيدا هاتشباك تمام اوي
و طبعا السيفيك من جوا احلى من التيدا و الاتنين بيجروا زي بعض
الصالون اعتقد الاتنين زي بعض او التيدا اكبر الله اعلم
لكن الشنطة السيفيك كبيرة اوي بسم الله ما شاء الله
المازدا مبتجريش
فاحصر اختياراتك بين التيدا هاتشباك و السيفيك

اهلا بيك

هو مش هيستمر بيها اكتر من سنه يعنى بالنسبة لشاب فهى ممتازة و لو واحد كبير و استمر بيها سنه هتكون احسن

هو للاسف عايز السيفك و انا بكره شكلها :) و التيدا حلوه لانى من عشاق الهاتشباك

اللى مخوفنى من الاسترا الفتيس لان ابويا عايز اوتوماتك و يريح دماغه مش هيستحمل اقول له استنى عشان النتشة و انقل دلوقتى و شيل رجلك عشان ما تنتش !

شكرا ليك على كل حال

اقتباس:

---

المازدا مبتجريش

---

ياراجل حرام عليك

Civic............................................. ...........................................

انا صوت لتيدا بعد الكلام اللى قولته

انت بتقول عايز عربيه لولدك فا انسب واحده فيه التيدا شكلها حلو وبتجرى وناعمه وهتريح ولدك فى سواقه جدا

توكيل نيسان بجد محترم وفاهم العربيه كويس

يا تيدا يا سيفيك ..

موضوع المازدا ده ناس كتير قالتلي عليه
طبعا كل العربيات بتجري
لكن لو في الشد او حاجة ملهاش فيه خالص
ده برضه اللي وصلي و اللي اكدلي الكلام ده ان السرعة القصوى بتاعتها175
في حين اتنين من صوحابي واحد عنده اللانسر الشارك و التاني هوندا سيفيك 2008
معديين 200

اقتباس:

---

المشاركة الأصلية كتبت بواسطة crazylambada

لكن لو في الشد او حاجة ملهاش فيه خالص
ده برضه اللي وصلي و اللي اكدلي الكلام ده ان السرعة القصوى بتاعتها175

---

تصدق مكنتش اعرف !!!
175 قليل اوى .

ياجماعة ايه الحاجات الغريبة اللى بتتقال هنا دى يعنى ايه عربية اخرها 175 ولا 185 كيلو اسيبها عشان عربية تانية بتجيب 200 كيلو
بالزمة ده كلام ناس ركبت عربيات وفاهمة اللى بيتقال ده
بجد لا تعليق
وبالنسبة للاختيار انا شايف ان الانسب هاتكون المازدا 3 خصوصا ان ملكيتها ستنتقل لشاب بعد مدة سنة وهاتكون مناسبة جدا لكلا الطرفين
وهاتقضى 4 افراد مرتاحين
كمان ميزتها عن السيفيك مش سرعة 200 ولا 400 زى الكلام ده
انما هى اعلى من السيفيك وده حاجة مهمة عشان مطبات بلدنا الجميلة

اقتباس:

---

المشاركة الأصلية كتبت بواسطة creative

ياجماعة ايه الحاجات الغريبة اللى بتتقال هنا دى يعنى ايه عربية اخرها 175 ولا 185 كيلو اسيبها عشان عربية تانية بتجيب 200 كيلو
بالزمة ده كلام ناس ركبت عربيات وفاهمة اللى بيتقال ده
بجد لا تعليق
وبالنسبة للاختيار انا شايف ان الانسب هاتكون المازدا 3 خصوصا ان ملكيتها ستنتقل لشاب بعد مدة سنة وهاتكون مناسبة جدا لكلا الطرفين
وهاتقضى 4 افراد مرتاحين
كمان ميزتها عن السيفيك مش سرعة 200 ولا 400 زى الكلام ده
انما هى اعلى من السيفيك وده حاجة مهمة عشان مطبات بلدنا الجميلة

---

اسلوب حضرتك يجبرني اني مردش عليك
وشكرا

اقتباس:

---

المشاركة الأصلية كتبت بواسطة crazylambada

موضوع المازدا ده ناس كتير قالتلي عليه
طبعا كل العربيات بتجري
لكن لو في الشد او حاجة ملهاش فيه خالص
ده برضه اللي وصلي و اللي اكدلي الكلام ده ان السرعة القصوى بتاعتها175
في حين اتنين من صوحابي واحد عنده اللانسر الشارك و التاني هوندا سيفيك 2008
معديين 200

---

معلش اللى قالك الشارك عدت ال 200 يبقى اكيد بيفتى

عذرا ياستاذ كريزى لو انا كنت حاد فى الكلام شوية بس انا لا اقصد شخص بذاته انما احنا كلنا بنقول ارائنا عشان نقدر نفيد بعض
اولا الموضوع مش موضوع سرعة لان احنا فى بلدنا مفيش طرق مساعدة ان احنا نمشى 200 واذا حصل ده يبقى الواحد بيسوق عربيته عشان ينتحر هو واللى معاه
ثانيا الواحد بيحتاج من العربية الامان- الرفاهية ولا تاتى السرعة فى المرتبة الاولى
والاختلاف فى الراى لايفسد للود قضية وعذرا مرة اخرى

يا جماعةانا بقولعلىحاجات قالتلي
و يااستاذ كرياتف
الشاب بيحتاج من عربيته 3 حاجات
اللي هو الاستخدام الشبابي
سحب عالي علشان الشد
كماليات كتيرة تريحه
ثبات فوق المستحيل
وعلى هذاالاساس رشحت التيدا و السيفيك ونبهت ان السيفيك واطيةعلىالارض و بتعمل مشاكل
اما موضوع ان صاحبي بيضحكعليافي موضوع الشارك
انا حقوله انامش مصدقك الا لما توريني فيديو و صورة بده
ولو ورهوملي هرفعهم على المنتدى
و ارجو ان يكون صاحب الموضوع استفاد من النقاش بتاعنا ده

اه وش استفدت

بس لا انا ولا والدى من هواه السرعة!!

يعنى انا عمرى ما بجيب اكتر من 130 ووالدى 160 و بتكون بسبب السرحان مش بقصد!!!

لذا موضوع السرعة دا اخر شئ بالنسبة لنا!!

المهم انها تكون معمره و تستحمل و تنفع عائلة لمدة سنة !

شكرا لكم

يبقى التيدا يا معلم
مهمرة و حتستحمل و مناسبة لظروف و طرق مصر
و المازدا كمان
يبقىالترشيح كده مازدا و تيدا

ِAstra Enjoy

هوندا سيفيك

بس المازدا مش عالية اوى و ساعات بتبقى مشكلة برده لما تكون مليانة ناس زى السيفيك (و الله اعلم ) و ياريت لو حد بيركب معاه ناس كتير في المازدا يرد علشان نتاكد من الموضوع ده.

بص والله انا بسمع الكلام ده من ناس كتير برده ,, بس بصراحة انا كنت راكب العربية مع اربعة معايا كمان والسحب والثبات والمطبات بصراحة حاجة زى الفل

من وجهة نظري على حسب الاختيارات الموضوعة ... والظروف الشخصية التي تتعلق بطبيعة اسنخدام السيارة في الوقت الحاضر والمستقبل القريب هيكون الاختيار كالتالي .....

أنا في الأساس هيكون ترشيحي بين سيارتين ( السيفيك & المازدا 3 )
تصميم رياضي يحلم به أي شباب & والقدرة على نقل 4 أفراد براحة تامة & وأداء على الطريق ولا أروع & والقدرة على القيام بالمناورات الطارئة بثبات ومرونة & وطبعا عمر افتراضي طويل نسبيا وأيضا مرتبط بطبيعة القيادة في الظروف المختلفة .

أوجه الاختلاف بينهما :
1 - السيفيك تقترب من الأرض أكثر من المازدا 3 ( طبعا دي تعطي ميزة الثبات المطلق على السرعات العالية & وفي نفس الوقت تكون أكثر عرضة للمطبات العشوائية ... وفي نفس الوقت يمكن التعامل مع هذه المطبات بحرفية شديدة .
2 - طبعا اسم سيفيك في مصر أقوى بكثير من المازدا 3 ( أي توافر قطع الغيار على الدوام & وأحسن في إعادة البيع ) .
3 - السيفيك يرعاها توكيل قوي & على عكس المازدا 3 التي لا يعترف بها غبور ( الوكيل الرسمي المعتمد ) ولكن يستوردها الكثير من المعارض وأشهرهم ( سمارت كار & سونستا موتورز ) ويمكن الشراء عن طريق أحدهما وبضمان مثل التوكيل بالضبط ) .
4 - أهم اختلاف وهو السعر :
المازدا 3 ( تبدأ من 120000 حتى 145000 تقريبا )
السيفيك ( تبدا من 150000 حتى 188000 تقريبا )
5 - قوة محرك السيفيك : 125 حصان & المازدا 3 : 107 حصان .
6 - السرعة القصوى للسيفيك : 192 ك & المازدا 3 : 175 ك .
7 - التسارع من 0 : 100 ك ( 10.3 ثانية للسيفيك & 12.1 ثانية للمازدا 3 .
8 - استهلاك الوقود
داخل المدينة : 230 ك في الصفيحة بالنسبة للسيفيك & 200 ك بالنسبة للمازدا 3 .
على طريق السفر : 320 ك في الصفيحة بالنسبة للسيفيك & 310 ك بالنسبة للمازدا 3 .

أوجه التشابه كثيرة مثل :
( مساحة الركوب الخلفية - وزن السيارة ( 1200 للسيفيك & 1235 للمازدا 3 - سعة صندوق الأمتعة ( 340 لتر للسيفيك & 346 لتر للمازدا 3 - عزم المحرك ( 150 للسيفيك & 146 للمازدا 3 )


في النهاية يا رب أكون قد أفدتك ولم تكن قد ازددت حيرة .....

حانت لحظة الاختيار ( من وجهة نظري أن هاتين السيارتين متشابهتان إلح حد بعيد وكل الاختلافات نسبية : بمعنى أن الاراء تختلف على أهميتها في تفضيل أحدهما على الأخرى )

من وجهة نظر الكثيرين أن الاعتراض الوحيد على المازدا 3 هو مسألة التوكيل وسعر إعادة البيع مش تمام & وهذا مردود عليه بالشراء من مكان محترم ويكون بضمان لا يقل عن 3 سنوات ( وأعتقد هذا متوافر ) ... نيجي لمسألة سعر إعادة البيع : أعتقد إنها مسألة نسبية ( بمعنى إني بشتري عربية محترمة يابانية فخمة رياضية وإن شاء الله تقعد فترة طويلة مع من يرغب فيها ... يعني بشوية محافظة تقعد بإذن الله ما لا يقل عن 5 سنوات ... فساعتها مش هفكر كتير في سعر إعادة البيع .. & وكمان من وجهة نظري إني راكب عربية بتعطيني أنا على الأقل نفس الشعور باقتناء ( السيفيك والجيتا و 316 ) الأعلى منها في السعر ....

وانا اخترت المازدا 3 لسببين :
1 - سعر معقول نسبيا .
2 - ملاءمتها لطبيعة الطرق المصرية ( أعلى من الجيتا والسيفيك )

واسف بجد على الإطالة

وربنا يوفقك

اقتباس:

---

المشاركة الأصلية كتبت بواسطة crazylambada

موضوع المازدا ده ناس كتير قالتلي عليه
طبعا كل العربيات بتجري
لكن لو في الشد او حاجة ملهاش فيه خالص
ده برضه اللي وصلي و اللي اكدلي الكلام ده ان السرعة القصوى بتاعتها175
في حين اتنين من صوحابي واحد عنده اللانسر الشارك و التاني هوندا سيفيك 2008
معديين 200

---

انت اكيد قصدك علي الكيك دون علشان كل العربيات الاوتو ماتيك نازلها كنترول علي السرعه بس ده علشان الامان لاكن لو سبت العربيه تجمع براحه هتجيب اكتر من كده

انا معايا تيدا انا عامل بيها 21000 في 8 شهور والعربيه ماشاء الله عليها ولو عايز تجربها انا مش عندي مشكله كلمني علي الخاص وهخليك تجربها وتسوقها لو عايز بالنسبه للسبات العربيه ماشاء الله علي جنوط 15 وكوتش 195 بسافر بيها علي طول جامده جدا علي الطريق انا معايا الوتو ماتيك بسم الله ماشاء الله عليها في السحب جامده جدا هي من عيوبها بس ان هي في صوت في التبلوه مع الكات ايس وده بيكون رخم جدا

انا صاحبي معاه سيفيك 2008 هي حلوه جده ماشاء الله عليها بردو لاكن الكرسي الي ورا لو واحد طويل سايق بيزنق الي ورا جدا

المزدا 3 هي مش وحشه بردو بس انا لما ركبتها مش عارف يعني مش عارف والله:U_thin1[1]::U_thin1[1]::U_thin1[1]:

الانسر الشارك بردو ممتازه جدا

بس نصيحه اخ ابعد عن الاسترا الانجوي

اقتباس:

---

المشاركة الأصلية كتبت بواسطة crazylambada

يا جماعةانا بقولعلىحاجات قالتلي
و يااستاذ كرياتف
الشاب بيحتاج من عربيته 3 حاجات
اللي هو الاستخدام الشبابي
سحب عالي علشان الشد
كماليات كتيرة تريحه
ثبات فوق المستحيل
وعلى هذاالاساس رشحت التيدا و السيفيك ونبهت ان السيفيك واطيةعلىالارض و بتعمل مشاكل
اما موضوع ان صاحبي بيضحكعليافي موضوع الشارك
انا حقوله انامش مصدقك الا لما توريني فيديو و صورة بده
ولو ورهوملي هرفعهم على المنتدى
و ارجو ان يكون صاحب الموضوع استفاد من النقاش بتاعنا ده

---

+1111111111111111111111111

كلامك بين التلت خشبات يا مان علي راي مدحت شلبي
:S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]::S_thum1[1]:

اقتباس:

---

المشاركة الأصلية كتبت بواسطة tiida_mohamed

الانسر الشارك بردو ممتازه جدا

بس نصيحه اخ ابعد عن الاسترا الانجوي

---

معلش عايز اسأل فى الجملتين دول

اولا ايه عجبك فى الشارك غير شكلها؟؟

ثانيا يبعد ليه عن الاسترا؟

السلام عليكم،

من ضمن الاختيارات، ومن كلام حضرتك، أنا حاسس انك مش عايز اوبل استرا، أنا برشح نيسان تيدا أو ممكن كمان سيات كوردوبا وحضرتك ممكن تتفرج عليها في التوكيل في المهندسين أو رمسيس.

اقتباس:

---

المشاركة الأصلية كتبت بواسطة M.Mokhtar

معلش عايز اسأل فى الجملتين دول

اولا ايه عجبك فى الشارك غير شكلها؟؟

ثانيا يبعد ليه عن الاسترا؟

---

بص يا مختار باشا انا واحد صحبي كان بيشتكي منها جدا في حكايت السحب حتي علي كورنيش المعادي كرولا 2007 اوتو بهدلتو خالص وكان مشغل السبورت دريف او السبورت مود (مش عارف اسمه الحقيقي)
هما بيقولو ان نزلها سوفت وير جديد للacu
وده اكيد هيكون حل مشاكل السحب بتعها جدا وشكرااااااااااا

اقتباس:

---

المشاركة الأصلية كتبت بواسطة tiida_mohamed

بص يا مختار باشا انا واحد صحبي كان بيشتكي منها جدا في حكايت السحب حتي علي كورنيش المعادي كرولا 2007 اوتو بهدلتو خالص وكان مشغل السبورت دريف او السبورت مود (مش عارف اسمه الحقيقي)
هما بيقولو ان نزلها سوفت وير جديد للacu
وده اكيد هيكون حل مشاكل السحب بتعها جدا وشكرااااااااااا

---

انا فكرت فى عيب معين
شكرا يا باشا

طيب بالنسبة للشارك انت جربتها؟ ولا ايه اللى عجبك فيها؟

اقتباس:

---

المشاركة الأصلية كتبت بواسطة tiida_mohamed

بص يا مختار باشا انا واحد صحبي كان بيشتكي منها جدا في حكايت السحب حتي علي كورنيش المعادي كرولا 2007 اوتو بهدلتو خالص وكان مشغل السبورت دريف او السبورت مود (مش عارف اسمه الحقيقي)
هما بيقولو ان نزلها سوفت وير جديد للacu
وده اكيد هيكون حل مشاكل السحب بتعها جدا وشكرااااااااااا

---

االسلام عليكم،

دة قضاء وقدر ، السبورت مود مش حيخلي العربية تمشي لوحدها، لازم يكون سواق جامد برضو.
ده التعليق الوحيد عنها؟
أخبار التيدا إيه معاك، بحبها جداً العربية دي

اقتباس:

---

المشاركة الأصلية كتبت بواسطة Busquets

اهلا بيك

هو مش هيستمر بيها اكتر من سنه يعنى بالنسبة لشاب فهى ممتازة و لو واحد كبير و استمر بيها سنه هتكون احسن

هو للاسف عايز السيفك و انا بكره شكلها :) و التيدا حلوه لانى من عشاق الهاتشباك

اللى مخوفنى من الاسترا الفتيس لان ابويا عايز اوتوماتك و يريح دماغه مش هيستحمل اقول له استنى عشان النتشة و انقل دلوقتى و شيل رجلك عشان ما تنتش !

شكرا ليك على كل حال

---

السلام عليكم يا اخي العزيز

بخصوص استرا هي الحقيقه عربيه محترمه جدا :S_thum1[1]:مش عشان انا راكبها بس بجد عربيه كويسه جدا:S_thum1[1]: بخصوص والد حضرتك مش يعني عشان العربيه الناس قالت عليها انها شبابيه يعني محدش يركبها غيرهم طب انا مره شوفت راجل كبير حوالي 60 سنه راكب GTC
يعني عربيه تعتبر اسبور جدااا فيعني كبر دماغق:Copy of majd(4): طالما بتقول انها مش هتكمل غير سنه
اما بخصوص الفتيس فهو بجد اسهل كمان من الاتوماتيك العادي وسيبك من حكايه النتشه ولو تحتب والدك يجرب العربيه انا تحت امرك كلمني لو عايز :B4_564: او ممكن تروح توكيل منصور ال في مصر الجديده وتعمل تست دريف وتقارن بنفسك
وانا تحت امرك في اي معلومه

اقتباس:

---

المشاركة الأصلية كتبت بواسطة M.Mokhtar

انا فكرت فى عيب معين
شكرا يا باشا

طيب بالنسبة للشارك انت جربتها؟ ولا ايه اللى عجبك فيها؟

---

اولا انا بعتزر بس بجد انا مشفتش المهندس محمد مختار غير بعد الكومنت وياريت تتقبل الاعتزار:Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]::Zb_sor1[1]:


الشارك انا ركبتها هي العربيه زي الفل بس صوتها من بره وحش قوي (في زنه في المتور مش عارف من ايه) وشكل العربيه من بره وجوه جامد جدا والتقفيل اليباني باين عليها
( وبصراحه انا بحب العربيه دي علشان انا شوفت الايفو بتعتها قبل ماشوف الشارك العاديه) بس متقولش لحد:Ob_mak1[1]::Ob_mak1[1]::Ob_mak1[1]::Ob_mak1[1]::Ob_mak1[1]::Ob_mak1[1]::Ob_mak1[1]::Ob_mak1[1]:

اقتباس:

---

المشاركة الأصلية كتبت بواسطة Moustafa_Farouk

االسلام عليكم،

دة قضاء وقدر ، السبورت مود مش حيخلي العربية تمشي لوحدها، لازم يكون سواق جامد برضو.
ده التعليق الوحيد عنها؟
أخبار التيدا إيه معاك، بحبها جداً العربية دي

---

الجاريه كانت كبس مواتير في الاخر بعد 80 وهما جنب بعد كبسو والكرولاااااااااااااااااا ااااااااااااااااااااااااا اااااااااااااااا مش هكمل



التيدا الحمد لله زي الفل بس عندي مشكله خنقاني جدا وهي صوت التبلوه مع الكات ايس رخممممممممممممممممم جدا وفي واحد وقفني علي الدائري وشاف العربيه وقالي تاخد 98000 ونخلص دلوقتي استغربت والله بس قولتلوه افكر

هو ايه المطلوب من العربيه علشان تنفع راجل كبير ؟؟
انها تكون واسعه !!
مريحه !!!
معمره !!!
توكيل حلو و محترم !!
ثبات عالى !!!
كماليات مناسبه للسعر !!!
سهله فى السواقه !!
اعتقد ان كل ده متوفر فى الاسترا الانجوى ولا ايه ؟؟
عربيه واسعه على فكره و ميغركش انها صغيره (على فكره هى مش صغيره بس بتوحى بالصغر )..
توكيل محترم بشهاده الناس و انا واحد منهم ...
قطع غيار المانى يعنى مفيش عمر افتراضى اطول من كدا ..
الثبات اعتقد ان كل الى هنا عارفين انها ثابته ثبات عالى جدا جدا جدا و يكفى انها المانى و اسمها اوبل يعنى الثبات شىء مفروغ منه ..
و انا مقصدش ان بقيت العربيات مش ثابته لا انا قصدى ان هى كمان ثابته .
بالنسبه للفتيس فبشهاده ملاك العربيه قالو انه سهل و مش صعب ولا مزعج ولا حاجه ...
السحب على فكره ممتاز اه هى مش يابانى (علشان الوزن) بس سحبها حلو جدا ...

فى الاخر سيبك من الكلام الى انا قلته و خليك فى الى ترتاحله نفسيا و بس يعنى متجيبش مثلا استرا علشان انا شكرت فيها بس انت منجواك مش مستريح ...
هات الى يريحك و يريح والدك علشان تبقى راكب و مبسوط لانها فى الاخر اذواق ...

اقتباس:

---

المشاركة الأصلية كتبت بواسطة tiida_mohamed

التيدا الحمد لله زي الفل بس عندي مشكله خنقاني جدا وهي صوت التبلوه مع الكات ايس رخممممممممممممممممم جدا وفي واحد وقفني علي الدائري وشاف العربيه وقالي تاخد 98000 ونخلص دلوقتي استغربت والله بس قولتلوه افكر

---

r u thinking to sell it ??

اقتباس:

---

المشاركة الأصلية كتبت بواسطة Moustafa_Farouk

r u thinking to sell it ??

---

والله مش بفكر خالص لان العربيه مكملتش معايا سنه بس في واحد صحبي بيبيع عربيته 2007 عامله 32000 هاتش باك فبريكه بره وجوه زي الفل بس هو واقف علي 100000 مش رادي ينزل والله

كلهم حلويين وأحترت أرشح مين

فكر فى البيجو 207 الجديده واسعه من جوه وسعرها معقول

اقتباس:

---

المشاركة الأصلية كتبت بواسطة ahmedshawki

فكر فى البيجو 207 الجديده واسعه من جوه وسعرها معقول

---

لالالالالالالالا كلو يبعد عن البيجو فى عيوب كتير
والعربيات كلها فى نتشة جدة مش ولا بد
اليبانى افضل حاجة طبعا