الموضوع يبدأ بلعبة!!!!!!!!!!!!!!!!!!!!!!!!!!!!!!!!

**Meedo** · 13-12-2007 04:19 PM

انا رأييى ان هذة الرسالة موجهة للشعب لا الحكومة

انا لما احب اشتم واحد من غير ما اشتمه اسلط عليه عيل صغير يقول له كل اللى انا نفسى فيه وبعدين اقول له حقك عليا عيل وغلط والمقامات محفوظة

زى ما قال ابو حميد ان النظام فى مصر علاقاته بامريكا ممتازة برغم بعض الخلافات السطحية

لكن الشعب بيكره امريكا

يبقى اسهل حاجة نسلط عليهم شركة برمجيات تعمل لعبة تخوفهم بيها وساعة الجد نقول دا لعب عيال وحرية رأى ودى شكرة برمجيات لا علاقة لها بالحكومة الامريكية

ونكون حققنا هدفغ لحرب النفسية بدون احراج
100%

**Meedo** · 13-12-2007 04:20 PM

المشاركة الأصلية كتبت بواسطة sab3aawy

انا رأييى ان هذة الرسالة موجهة للشعب لا الحكومة

انا لما احب اشتم واحد من غير ما اشتمه اسلط عليه عيل صغير يقول له كل اللى انا نفسى فيه وبعدين اقول له حقك عليا عيل وغلط والمقامات محفوظة

زى ما قال ابو حميد ان النظام فى مصر علاقاته بامريكا ممتازة برغم بعض الخلافات السطحية

لكن الشعب بيكره امريكا

يبقى اسهل حاجة نسلط عليهم شركة برمجيات تعمل لعبة تخوفهم بيها وساعة الجد نقول دا لعب عيال وحرية رأى ودى شكرة برمجيات لا علاقة لها بالحكومة الامريكية

ونكون حققنا هدفغ لحرب النفسية بدون احراج

100% correct

**ibrahimsaad** · 13-12-2007 04:53 PM

بالفعل استاذ سبعاوى

الموضوع بيدأ بلعبه

لكن ماكنتش اتصور ان البجاحه توصل بيهم لهذا الحد القبيح

لكن كده يبقى بقى لازم نفوق شويه من الوهم اللى احنا فيه ونصحصح لنفسنا لان ده معناه ان ناقوس الخط دق

التاريخ يقول ان مافيش اى استعمار وصل لمصر الا من خلال بوابه مصر الشرقيه وهى سيناء

انظروا يوم ان دخل المغول والتتار مصر مروا بالعراق اولا ثم القدس ثم مصر

الصليبين نفس المسار

اسرائيل تعيد الكره

انظروا للصوره التى تدرس للطلبه فى اسرائيل

يعتبرون مصر بلدهم ولازم يرجعوها

انظروا لخريطه اسرائيل الكبرى من النيل للفرات لتعرفوا ماذا تخطط له اسرائيل وامريكا

فى الواقع امريكا ليست الان فى عداء ابدا مع حكومه مصر لانها حكومه عميله تنفذ لها ماتخطط لها امريكا وبالريموت كونترول كمان

لكن العداء هو بين امريكا والشعب المصرى وليس الحكام

وهذه الصوره لاستفزاز الشعب المصرى وليس الحكومه

وبصراحه بقى انا دلوقت حاسس ان دمى مولع وخلاص نافوخى هاينفجر وعايز امسك رشاش واطلع اضرب فى اى امريكى قدامى حتى لو مت

للاسف امريكا تخطط مع اسرائيل للقضاء على كل العرب وعلى رأسهم مصر

وتذكروا ان مصر هى قلب العروبه ونبضها وبسقوط مصر يسقط كل شئ

ولكن هيهات لما يوعدون فلقد وصفنا رسول الله صلى الله عليه وسلم بخير اجناد الارض ولكنه لم يصفنا بالقاده

فترى متى يترجل الفارس

اننا فى شوق وانتظار اليك ياصلاح الدين الايوبى فلا تتأخر علينا لان مصر للاسف مافيهاش قائد

**tmz9111** · 13-12-2007 05:28 PM

لا تعليق؟؟؟؟

**ibrahimsaad** · 13-12-2007 05:30 PM

المشاركة الأصلية كتبت بواسطة tmz9111

لا تعليق؟؟؟؟

اخى لماذا لاتعليق ؟

لازم تعلق لازم تتكلم وتقول اللى عندك لامتى هنفضل ساكتين كده

**OsKaR** · 13-12-2007 09:09 PM

و ايه الغريب في كده مطول عمرها شركه الالعاب دي فيها حاجات زي كده افتكرتوا تتكلموا دلوقتي
عندك مثلا في لعبه Age Of Empires فيها مهمات المطلوب منك فيها تدمر المسجد الاقصى او الاهرام و تسيطر على الوطن العربي و تموت بن لادن و صلاح الدين الايوبي -معرفش هو عملهم ايه-
و على هذا المقياس قيس لعب كتير

**Abu Aly** · 13-12-2007 09:30 PM

دى مجرد لعبه !!! .. اللى عايز يعمل لعبه بتحصل فى شوارع لندن ولا شيكاغو يعمل !
و الافلام الامريكانى ياما بتعمل على حاجات من ديه بتحصل فى امريكا و حتى غزو من الفضاء
او من دول تانية .. و بعدين يا حسره حيحتلوا مصر على ايه ؟ لا بترول و لا غيره و بلد كلها فوضى ..

**meza** · 14-12-2007 02:00 AM

أولاً الجرافكس بتاعة اللعبة رهيبة ... و ده اللى بيفسر ليه هيا رقم واحد فى أمريكا

و مصممى اللعبة حاولوا يخلوها واقعية فدخلوا فيها حكاية الحرب على الإرهاب و حطوا أماكن من عدة دول معظمها دول عربية و بعض المناطق فى دول أجنبية

لكن المصيبة هنا إنهم حطوا مناطق من مصر ... و ده مش بيدل غير على شىء واحد ... الشعب الأمريكى اللى متوجههة اللعبة دى حاطط فى دماغة إن مصر زيها زى العراق و أفغانستان و سوريا و لبنان ...... ميعرفش حال البلد و لا الناس عايشة إزاى و لا الإصلاحات ... كل اللى بيوصله السلبيات .... يبقى منقدرش نلوم الشعب الأمريكى .. نلوم نفسنا الأول !!! .. إحنا اللى حطينا جدار عازل بيننا و بينهم .. فبالتالى هما مش هيعرفوا عننا غير اللى بيوصلهم من شبكات الأخبار الإسرائيلية .... و ده أكيد شىء مش فى صالحنا.

لكن تخوفك يا أستاذ سبعاوى ... زيادة شوية
أولاً هجوم أمريكى على مصر صعب جداً فى الوقت الحالى ... هتقولى أمريكا مش هتغلب
صحيح بس نبص الأول أمريكا لما تروح بلد مش رايحة عشان تخسر ... لما راحوا العراق رغم الأموال الطائلة اللى صرفوها على الحرب ... لكن أكيد مكاسبهم أكتر بمراحل ... كمية النفط اللى إستولوا عليها رهيبة ده غير سيطرتهم على المنطقة و لو فكروا يهاجموا إيران أو سوريا .. الموضوع بقى سهل ...... لكن مصر ... مفهاش حاجة .. أخرها السياحة و هما مش هييجوا ياخدوا الآثار ... صحيح موقعنا ممتاز لكن ده مش كفاية فى الوقت الحالى لأن أمريكا ملهاش أطماع فى أفريقيا اللى مش لاقية تاكل .. كمان دول جنوب أوروبا مش هتسكت على إن يكون فى قوات أمريكية قريبة منها بالشكل ده .....

كمان حضرتك اللعبة دى بتعكس فكر الشعب الأمريكى المعزول عننا مش الحكومة
و فكر الأمريكان هيتغير مع الوقت .... خصوصاً مع نمو قطاع السياحة و الدعاية لمصر ... كمان علاقاتنا الدبلوماسية بيهم متوازنة يعنى ولا مدلوقين عليهم عشان منخسرش العرب و لا معادينهم عشان منخسرهمش ... و دى سياسة حكيمة جداً و إحنا المستفيدين فى الأخر

إحنا بس نصبر شوية لغاية ما ذكرياتهم عن الفترات اللى فاتت عن مصر تتنسى و يعرفوا أحوال البلد على حقيقتها ..... صحيح إحنا أحوالنا لا تسر عدو و لا حبيب بس ماشيين لقدام الحمد لله مش لورا.

**ibrahimsaad** · 14-12-2007 10:55 AM

اختلف معك اخى ميزا فى موضوع الارهاب ومصر لان مصر اصلا لايوجد بها ارهاب كالذى موجود بالعراق وافغانستان وغيرها مع العلم انه ليس ارهاب بقدر ماهو مقاومه ودفاع عن النفس ضد المحتل

الارهاب هو الذى يحدث فى الجزائر الان من قتل مدنيين وان مصر وخصوصا الجماعات الاسلاميه التى كانت تتبنى العنف الان قامت باستنكار هذا العنف الحادث بالجزائر

يبقى ازاى بقى حضرتك وصفت مصر ان بها ارهاب ؟ الكلام ده غير مقبول

الشئ الثانى من دعى او يقلل من قيمه مصر للاسف يبقى اكبر غلطان وخاسر

صحيح مصر كشعب همجى وغير منظم وغير حضارى وفقير ومش لاقى اللضى انا معاكم فى كده

لكن اصله طيب وكريم واهم ميزه فيه انه خير اجناد الارض كما وصفه رسول الله صلى الله عليه وسلم

ولهذا فان اى بلد تعمل له الف حساب وحساب مع ضعف قدراته التكنولوجيه لكن

لو رجعتم للتاريخ لوجدتم الاتى وان هذا الكلام يصدق قول النبى عنا خير اجناد الارض

لم يقل عنا رسول الله خير قاده الارض ولكن قال خير اجناد الارض وهذا يدل على انه كان يعلم ان القاده لدينا سيكونون فاسدين ولكن الشعب منهم صالح وانه لو اتخذ الخلفاء منهم جنودا سيكونون خير الاجناد ويتم بهم فتح البلاد والدفاع عن اعدائها

وبالفعل لو رجعنا للوراء وفتحنا صفحات التاريخ لوجدنا الاتى

حينما تولى عمرو بن العاصى اميرا على مصر انظروا ماذا فعل بها وكيف اصبحت وهو قائد غير مصرى لكن الجنود مصريين

حينما حكم صلاح الدين الايوبى مصر ماذا فعل بالصليبين وهو قائد سورى لكن الشعب والجنود مصريين

حينما قاد محمد على باشا وهو البانى مصر وجنود مصر ماذا وصل وكيف كانت قوته العسكريه فلم تتحطم الا بفساد حاكمها بعده

حينما نصب قطز نفسه حاكما وقائدا لمصر وقت ان كانت بلا حاكم ماذا فعل بالتتار وهو غير مصرى لكن الجنود مصريين

انظروا فى حرب الخليج الاولى كان الجندى المصرى هو الوحيد بالمقدمه وكان الامريكان وباقى الجنود بالمؤخره لجبنهم

حينما فسدت احوال قاده مصر كما حدث فى نكسه 67 ماذا حدث ؟

الان ماهى حالتنا من ضعف وزل ؟

التاريخ يقول ان مصر لو اخلص قادتها اخلص جندها لانه يكون بمثابه قائد وامام لها فلو كان رب البيت بالشيمه ضارب فان اهل البيت 00000000

فياريت لايقلل احد من قيمه الشعب المصرى رغم تخلفه وهمجيته لانه يفتقد الان الى قائد ولكن انتظروا منه حينما يأتى القائد سترون مالم ترون من قبل

النقطه الاخرى

اليس لدى مصر اكبر ممر ملاحى يتحكم فى اقتصاد العالم كله (قناه السويس)
اليس لدى مصر اكبر ثروه زراعيه
اليس لدى مصر اكبر مورد مائى وهو الان الذى سيحدث عليه صراع وحروب المستقبل
الا تعلمون ان اسرائيل وامريكا يضغطان على مصر باعاده تقسيم مياه النيل وهى الان تلعب بدماغ يوبيا
اليس وجود امريكا الان فى اثيوبيا وتدخله العسكرى الان بجند اثيوبيا فى الصومال اليس ذلك دليل على مااقول

اليس تدخل امريكا الان فى السودان دليل على ذلك

ان امريكا واسرائيل يقودون العرب ويحكمون القبضه عليهم وانتم للاسف لاتعلمون

هم بدأوا بحرب ايران مع العراق لانهاك قواهم ثم بافغانستان وقضوا عليها ثم توجهوا الى العراق وقضوا عليها ثم حطموا لبنان والصومال والسودان فى الطريق ويستعدون الان لسوريا و بعدها مصر

ومن قبل الخليج حيث تم زرع اكبر قاعده وترسانه عسكريه لم يرها التاريخ من قبل

اليس ذلك كله ياعالم حصار امريكى اسرائيلى لكل الدول العربيه

بالله عليكم ماذا تنتظرون منهم ان يكونوا فى بيوتكم لتصدقوا ذلك ؟

فلاتتعجلوا سوف يحدث ان لم نفيق

وعليه العوض ومنه العوض فى العقل والمخ العربى اللى نايم فى العسل نوم

**meza** · 14-12-2007 01:04 PM

أخى الفاضل ... أنا مقولتش مصر فيها إرهاب ... أنا قلت اللى واصل الشعب الأمريكى عن مصر إنها فيها مجموعات إرهابية زيها زى لبنان و سوريا و الجزائر و المغرب

لكن أنا عن نفسى عارف إن حالنا أفضل من دول كتير و الحكومة بتبذل أكبر مجهود عشان تقضى على المجموعات دى لكن فيه مجموعات إرهابية فى مصر ... بدليل هجمات شرم و دهب و طابا و متقوليش ده دفاع عن الوطن لأننا مش فى حالة حرب و اللى ماتوا كانوا ناس أبرياء و برضه متقوليش نبذوا العنف .. لو حضرتك بتتكلم على الإخوان تبقى غلطان بدليل اللى حصل فى الإنتخابات و فى جامعة الأزهر و غيره .. لو بتتكلم على الجهاد برضه غلطان لأن حركة الجهاد دى لو أتيحت الظروف ليها إنها ترجع للعنف هترجع ... لكن حالياً لأنها فقدت شعبيتها فبتعمل زى ما تقول بتجر واطى .. عشان ميتقضيش عليها تماماً.

أما بالنسبة للعراق ... فى أول الحرب كانت مقاومة صحيح لما فقد الجيش العراقى دوره إضطر الناس يدافعوا عن بلدهم.
لكن لو اللى بيحصل دلوقتى ده مش إرهاب يبقى إيه الإرهاب ...... شوف حضرتك كم واحد عراقى بيموت كل يوم ... ملهمش أى ذنب غير إنهم غلابة و مش قادرين يخرجوا بره البلد .. و عدد الجنود الأجانب اللى بيموتوا لا يذكر .. يبقى ملهاش لازمة الهجمات دى ... الهجوم على مستشفى و مدرسة ده يبقى دفاع عن الوطن ... كأنه عايز يثبت إن الحرب على العراق فشلت بدليل إن مفيش أمن و كل يوم ناس بتموت أهه .. لكن للأسف الوسيلة اللى إستخدمها عشان يثبت الكلام ده رخيصة و دنيئة ... لما بشوف منظر الناس بعد الهجمات فى العراق بعرف قد إيه اللى بينفذ الهجوم ده فقد كل شىء يثبت إنه إنسان.

و بالنسبة للتفكير فى الهجوم على مصر أنا مقلتش مستحيل .. أنا قلت مستبعد فى الوقت الحالى .. لكن الواحد ميعرفش إيه اللى ممكن يحصل فى البلد و يكون حجة لأمريكا لدخول مصر فى المستقبل.