الشاهين 1400 ولا اللادا 2110

يا جماعه
ايه رأيكو فى العربيتين دول
الشاهين 1400 ولا اللادا 2110
انا عاوز اشترى عربيه
و محتار بين العربيتين
خاصا انهم نفس السعر
بس اللادا مكيفه و كمان 1600 سى سى
و الشاهين من غير تكييف و 1400 سى سى

العربيتين فى الشكل معقولين و عاجبنى
بس انا محتار
خاصه انى مش ناوى اغيرها لمده 10 سنين على الاقل
لو ربنا ادانى العمر

عاوز اعرف رأيكو فى العربيتين من حيث
الاداء والنعومه و اسعار قطع الغيار و توافرها

يعنى من الاخر اشترى مين فيهم
اللادا 2110 ولا الشاهين 1400 سى سى
ملحوظه : الاجابه تكون عن تجربه للعربيه

و لكم جزيل الشكر

انا اعتقد ان مكان السؤال دا فى قسم اللادا يكون افضل
انا بصراحة معنديش فكرة عن اللادا 2110 انامعايا 2107 فمش حقدر افيدك وربنا يلهمك للقرار الصائب

الشاهين اوفر في استهلاك البنزين وانعم "شوية" من اللادا والاتنين دفع خلفي بس اللادا "دبابة" يعني جامدة بس تقيلة في نفس الوقت والمناورة بها مش زي الشاهين الشاهين تكسب ومش هتحس بفرق في القدرة الحصانية.

اقتباس:

---

الأستاذ نادر قال:
الشاهين اوفر في استهلاك البنزين وانعم "شوية" من اللادا والاتنين دفع خلفي بس اللادا "دبابة" يعني جامدة بس تقيلة في نفس الوقت والمناورة بها مش زي الشاهين الشاهين تكسب ومش هتحس بفرق في القدرة الحصانية.

---

أنت فهمت غلط يا أستاذ نادر
الراجل بيتكلم على اللادا ال2110 مش 2107 والفرق بينهما شاسع

فعلاً انا مخدتش بالي :) بس الـ2110 دي عربية نادراً ما بشوفها في الشارع يعني مش منتشرة خالص، بلاش منها احسن وخليك في المضمون.

يا ريت يا استاذ عمرو توضح انت عاوز تشترى مستعمل ولا زيرو حتى تكون النصيحة فى محلها

اشتري الادا............. الشاهين عيوبها كتير....
1- سحبها ضعيف
2- مفهاش تكييف
3- مصنوعةن مواد خام مش حلوة
4- قطع غيرها رخيصة بس ممبتستحملشي
انا كان عندي شاهين 1400 وكنت شلريها زيرو موديل 1998 وطلعت عيني

اللادا بدون أدنى تردد بشرط واحد
لازم الروسي مش المصري
بلاش تحاول توفر
الفرق كبير فعلا
و أنسى الشاهين
أنا شاريها زيرو موديل 2005 و قرفتني أخر قرف
عيوب تصنيع و تقفيل و خامات زبالة و صيانة متخلفة و توكيل مرتزقة و ... و ...
اللادا 2010 عربية محترمة و ليها مستقبل
بشرط واحد زي ماقلتلك
لازم روسي