العربية بتبطل منكم في المطلع الجامد ولا انا بس اللي كدة؟

انا عندي حاجة قرفاني ورخمة اوي ومنغصة عليا كل ماجي اعدي مزلقان لية مطلع ان العربية بتبطل مني سعات عند المطلع دة لانه رخم وعالي والواحد بيضطر يطلعه ببطء اوي عشان مطباته رخمة اوي وبتلاقي ديما عربيات قدامك ووراك ولازقين فبعض والطريق ديما بيقف في الحتة دي وانا بقي اول مبشوف المزلقان دة قلبي بيدوق خوفا للعربية تبطل زي مبطلت مني علي المزلقان دة قبل كدة وبتخيل نفسي العربية بطلت والقطر جاي وجرز شغال تين تين تين والقطر جة طيرني بالعربية :_Alshmokh11: فحد يقولي بقي احسن حل الواحد يعمله اية في مطلع زي دة انا بقيت ارفع الشفاط بتاع عربيتي بلونيز فبيعلي الاربي ام فمبيخليش العربية تبطل الا مرة كدة كنت انا متوتر فيها اوي وصورة التين تين تين دي فبالي اوي وترتني اكتر فبطلت مني

العربية عادة و لا اتوماتيك
العيب يا اما فى اسطوانة الدبرياج او كهربا الاسبراتير او انت بتبقى شوية خايف

هوة الشفاط حل كويس ...
بس طبعا لازم تزود معاه بنزين ... أقرص على دواسة البنزين قوي أكتر من المعتاد وشيل رجلك من على الدبرياج بالراحة جدا وماتشيلهاش لغاية الآخر أبدا إلا لما تعدي الحتة اللى انت بتخاف منها ... وخليك على النقلة الأولى برضه لغاية ماتعدي

وحبة حبة هاتتعود تعمل كده من غير ماتفكر حتى

dude, don't change anything in the car

learn how to do it, and you'll gain more experience every time you try to do it

don't be afraid, and don't be ashamed if
you didn't do it the right way

it's a common problem for new drivers

دوس بنزين اكتر شوية ومتشلشي رجلك من علي الدبرياج وشيلها ببطء

العيب حاجة من اتنين يا عيب سواق يا عيب عربية .. لو عيب سواق نو بربلم ..و دة هيتحل مع الوقت لما رجلك تاخد على العربية و تعرف تظبط توقيت رجلك مع البنزين و الدبرياج .
لكن لو عيب عربية يبقى حاجة من اتنين يا اما الموتور مش مظبوط يا اما الكهرباء مش مظبوطة .. لو الموتور مش مظبوط نو بربلم .. اى ميكانيكى هيظبطهولك
و لو الكهرباء يبقى محتاج تظبط الاسبراتير او تبص على البوجيهات احسن تكون متلتة ، يا اما بقى الدبرياج عندك عالى او واطى فلازم يتظبط ، و الله اعلم

شكرا ليكم انا جرربت المطلع اهوة من امبارح للنهردة كام مرة وفعلا انا مكنتش بركز خالص في حكاية اني اشيل من عالدبرياج بالراحة اوي دي لكن جربتها بقي ورفعت من الدبرياج ببطء خالص وحتي مشيلتش رجلي من عليه بالكامل لحد معديت المطلع والمزلقان وشكرا لنصايحكم الجميلة وشكرا ليكم جميعا ياجدع اعضاء

مبروك ويارب متبطلش ثاني واهم حاجه ان العيب مطلعش من العربيه وحاول انك تاخذ المزلقان ده على الاول علطول مع الدبرياج براحه والبنزين بزياده شويه وانت مع التعود هتكون ظبط الدبرياج مع البنزين

عادى معظمنا كان كده أول لما بدا يسوق بس العكننة الصح اللى بتبقى محرجة لواحد بقاله مدة بيسوق هى لما بتبقى مجموعة الدبرياج خربانة و شوية تلاقى الدبرياج عالى و شوية تلاقيه بقى واطى و انت وحظك بقى تيجى تطلع بسرعة تلاقى العربية تيك بطلت

متقلقش عادي جدا
حاول تضيط رجلك علي الدبرياج بس

اقتباس:

---

المشاركة الأصلية كتبت بواسطة dr_timo

شكرا ليكم انا جرربت المطلع اهوة من امبارح للنهردة كام مرة وفعلا انا مكنتش بركز خالص في حكاية اني اشيل من عالدبرياج بالراحة اوي دي لكن جربتها بقي ورفعت من الدبرياج ببطء خالص وحتي مشيلتش رجلي من عليه بالكامل لحد معديت المطلع والمزلقان وشكرا لنصايحكم الجميلة وشكرا ليكم جميعا ياجدع اعضاء

---

واضح ان الموضوع قلة خبرة من السائق

وده بيتحل بالتدريج لما يحصل توازن بين الرجل اللي علي البنزين واللي علي الدبرياج وفي هذه الحالة ممكن تستغني عن الفرامل للوقوف في المطلع او التحرك منه بس ده بيحمل علي اسطوانه الدبرياج


:k32:

مبروووووووك

الله يبارك فيك ياباشا اية ياعم ahmedkafas اية قلة خبرة من السائق دي مبحبش كلمة سواق متقول قائد مركبة زي كتاب المورور مبيقول اهي اظرف من سائق دي بتحسسني اني سواق تاكسي ههههه بهزر يامعلم طبعا قول اللي تقوله ان شالله تقولي ياسطة

خده على الغيار الأولانى و معتقدش حتبطل منك