إعلان بانذار عضو لتعدية على رمز اسلامي

بناء علي كلام العضو زعبولة في موضوع اهانة القرءان في هولندا
هو كتب الاتي
::::::::::::::::::::::::::

اقتباس:

---

المشاركة الأصلية كتبت بواسطة za3bolla

اظن ان لو الدنيا كلها قامت على القرآن مش واحد هولندي بس
ده مش هيقدر على المساس بيه نهائيا
ولا بتبديل حرف من حروفه
والقافلة تسير والكلاب تعوي...واي نمرة بتتعمل والسلام
و اهو الراجل ده عبيط والله..هوة فيه واحد ممكن يمنع كتاب؟؟و في هولندا كمان؟؟ده هولندا مفيهاش اي حاجة محرمة يا رجالة,و كللوا على عينك يا تاجر!!

بس الكوميدي هوة احنا...مش هوة

لأن احنا شعوب تافهة ولاموأخذة..ممكن ندي لواحد زي ده اهتمام ميستاهلوش..و بنعمل بالاهتمام ده دعاية اكبر
و نهلري و ننكت في نفسنا والموت للخونة والفسقة..و عليهم العنة ..و قاطعوا البضائع الهولندية...الخ

ها و بعدين؟؟

ننزل على مفيش

و كام يوم و قشطة..اردم على النمرة دي واللي بعده..و نقعد ندور على اى حركة قرعة او بشعر و نقفش فيها..و ناسيين الخيبة القوية اللى احنا زارعين نفسنا فيها

طب شوفوا امريكا كده..بنشتم فيها علني كل خطبة جمعة لدرجة ان واحد صاحبي امريكاني\مصري هلك من الضحك لما سمع خطبة الجمعة والراجل بيحزق كالعادة و بيقول:الموت لأمريكا والامريكان والصليبيين والكلام المهلبية اللي بقعد يقوله ده...و قالي حاجة ظريفة قوي:
الراجل ده لو استمر اكتر من كده كام جمعة ممكن يطقلوا عرق...لكن لو قعد 10سنين يعمل كده-توقعت اجابة مختلفة-ممكن يجلوا بواسير :D :D لكن امريكا مش هيوصلها صوته :D

و عرفت انهم هناك معتبرينا آفات ارضية...ولا يقيمون وزنا للكراهية ا بتاعتنا دي خالص لأن عندهم ما يشغلهم عنا

و شد السيفون على المنطقة العربية

والسلام عليكم و رحمة الله و بركاته

---

==============
الي هنا انتهى رده
واليك ردي عليك
يا عضو زعبولة ايه الاسلوب القذر اللي بتتكلم بيه علي ائمة المساجد ده
يعني ايه الراجل بيحزق !!!!!
ليه هو قاعد فين ؟؟؟؟
مش في خطبة جمعة زي ما بتقول
ازاي تقول علي عالم طلع علي المنبر بيحزق وتقعد تتريق عليه بالاسلوب ده
انا لا اقبل تماما الاسلوب المهين ده في اهانة رمز من رموز الاسلام
مش مهم يوصل صوتة لامريكا
المهم بيوصل للي خلقة وخلق امريكا
وايه شد السيفون دي
دي تكملة لكلام الحزق بمناسبة التواليت اللي انت قاعد فيه

ده انذار بعدم التحدث بهذا الاسلوب عن رمز اسلامي (خطيب الجمعة)

ولو تكلمت بمثل هذا الاسلوب سامنعك من دخول هذا المنتدي المحترم تماما
وانا بكلمك بصفتي الرئاسية للمنتدي مش بصفتي عضو

كريم منير
مدير الموقع

لا تعليق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!

:cry: :cry: :cry: :cry: :cry: :cry: :cry: :cry: :cry: :cry: :cry: :cry:

نرجو من الاخوة الاعضاء التأني في الردود والتأكد من ان الرد لا يجرح او يؤذي مشاعر الاخرين

عاوز ايه من واحد ارسل لينك لمنتدى ........ :evil: حسبى الله ونعم الوكيل

نا بأحييك يا كريم على ردك على الأسلوب المستفز اللي اتكلم بيه اخينا ده واللي ما يصحش يتقال وهو طبعا شيئ متوقع من انسان محترم ومتدين بيغير على دينه مثلك ويمثل الأغلبية المحترمة بهذا المنتدى.

لكن انا كمان بأحييك على انك طرحت الموضوع على الجميع ولم تقوم بحذفه الى سلة المحذوفات مباشرة وهو ما يمثل الكثير من الشفافية ويجعل جميع الاعضاء شاهدين على ما قاله هذا العضو كما انه يعطي مثالا حيا على ان هذا الاسلوب غير مقبول في هذا المنتدى وبالتالي ينبه الاعضاء الذين قد يسرحوا في الكلام او يخرجوا عن النص ويقولوا كلام غير مقبول ويقوللهم "خلوا بالكم".

انا متأكد ان العضو ده اذا دخل هنا تاني او شارك سيكون في غاية الكسوف والاحراج واذا لم يدخل فده دليل على انه شعر ان اسلوبه مش هيمشي مع المنتدى ده والله يسهله الباشمهندس زعبولة ده.

شكرا يا كريم انك خلتنا في الصورة.


اخيك محمد النجار بس مش اللي بيقعد في الاجتماع جنبك :lol:

الأستاذ المحترم كريم منير
إسمحلى
حضرتك بتبالغ فى رد فعلك أنا أتفق معك فى إن كلام الراجل فيه شويه تجاوز لكن أنا أتفق مع رأيه
وأحب أضيف إن كلمات الأستاذ زعبله وإن كانت لا تليق بهذا المنتدى المحترم لما فيها من كلمات خادشه للحياء خاصه وأن المنتدى ليس مقصورا على الرجال إلا أنها (أى الكلمات ) وللأسف أصبحت جزءا لا يتجزأ من ثقافه الشعب المصرى وأصبح من العادى إنك تسمعها يوميا مع التشديد على رفضى لهذه الكلمات البذيئه
والشىء الآخر وهو أن ائمه المساجد ليسوا رموزا للإسلام حاليا بحكم تحولهم إلى موظفين حكوميين وقد لا تعلم أنه تأتيهم فى كثير من الأحيان تعليمات بموضوع الخطبه

اقتباس:

---

وأحب أضيف إن كلمات الأستاذ زعبله وإن كانت لا تليق بهذا المنتدى المحترم لما فيها من كلمات خادشه للحياء خاصه وأن المنتدى ليس مقصورا على الرجال إلا أنها (أى الكلمات ) وللأسف أصبحت جزءا لا يتجزأ من ثقافه الشعب المصرى وأصبح من العادى إنك تسمعها يوميا مع التشديد على رفضى لهذه الكلمات البذيئه

---

معنى ان الكلمات اصبحت متداولة فى الشارع لا يعنى اننا نسمعها هنا

المنتى هنا ما شاء الله ملىء بناس على احسن ما يكون من ادب و اخلاق و احترام

و مستوى الحوار كمان راقى, فلا يصح اننا بعد كل ده نقول ان بما ان الكلام ده متداول, يبقى يتقال عادى

اقتباس:

---

والشىء الآخر وهو أن ائمه المساجد ليسوا رموزا للإسلام حاليا بحكم تحولهم إلى موظفين حكوميين وقد لا تعلم أنه تأتيهم فى كثير من الأحيان تعليمات بموضوع الخطبه

---

المفروض انهم ائمة, و معنى انهم فى هذا الزمن بعض منهم او نسبة معينة سمحت انها تبقى موظفين عند الحاكم و نسوا ما تعلموه فهم يتحملون وزره, و منقدرش نعمم لأن حتى يومنا هذا فى ائمة بترفض التدخل, و بتخطب اللى يملى عليها تعاليم دينهم و ضميرهم

أستاذ ديدو انت كتبت:

اقتباس:

---

وأحب أضيف إن كلمات الأستاذ زعبله وإن كانت لا تليق بهذا المنتدى المحترم لما فيها من كلمات خادشه للحياء

---

في اتفاقية تسجيل بتحتوي على قوانين المنتدي وانا وانت وزعبلة وافقنا عليها عند التسجيل، اذاً يجب ان يلتزم الجميع بما وافق علية من قبل احنا مخترعناش حاجة جديدة من عندنا وبنلزم بيها حد.

اقتباس:

---

والشىء الآخر وهو أن ائمه المساجد ليسوا رموزا للإسلام حاليا بحكم تحولهم إلى موظفين حكوميين وقد لا تعلم أنه تأتيهم فى كثير من الأحيان تعليمات بموضوع الخطبه

---

دة بقي موضوع تاني لا مجال للنقاش فية هنا.

اقتباس:

---

الأستاذ المحترم كريم منير
إسمحلى
حضرتك بتبالغ فى رد فعلك أنا أتفق معك فى إن كلام الراجل فيه شويه تجاوز لكن أنا أتفق مع رأيه

---

اسمحلي يا اخ ديدو كلام الباشمهندس كريم لا فيه تجاوز ولا حاجه و دا اقل شئ يقال لانسان غلط الغلط دا في الدين و في الشعوب العربيه اللي احنا منها و وصفها انها شعوب (تافهه لامؤاخذه)!!!! علشان ايه بقي؟
علشان احنا لما هما بيعملو كده بنقاطعهم و ندعي عليهم و نلعنهم بقينا شعوب تافهه لا لمفروض من وجهه نظره يبقي عندنا لا مبالاه باللي بيحصل و كمان ناخدهم بالحضن ما دا اللي ناقص!!!!!
لا يا استاذ زعبله احنا بنعمل اللي يقدرنا عليه ربنا او بنعمل اللي في ادينا و ربنا لما يلاقينا جادين هو حيساعدنا من عنده.

اقتباس:

---

وأحب أضيف إن كلمات الأستاذ زعبله وإن كانت لا تليق بهذا المنتدى المحترم لما فيها من كلمات خادشه للحياء خاصه وأن المنتدى ليس مقصورا على الرجال إلا أنها (أى الكلمات ) وللأسف أصبحت جزءا لا يتجزأ من ثقافه الشعب المصرى وأصبح من العادى إنك تسمعها يوميا مع التشديد على رفضى لهذه الكلمات البذيئه

---

بصراحه الجمله دي مش فاهما اولا بتقول انك بتأيد الاخ زعبله في كلامه و تقول ان كلامه بقي بيتقال في الشارع و كلامه عادي و بتشدد علي رفضك لهذه الكلمات البذيئه!!!!!!! طب ازاي مؤيد و ازاي بتشدد علي رفضك.
حتي لو كان الكلام زي ما انت بتقول منتشر في الشارع ف الكلام دا مش منتشر في كل الطبقات يعني الطبقات المثقفه ما بتقولش الكلام دا ولا بتستعمل الافاظ دي و عن نفسي انا بيني و بين زمايلي او اصحابي او قرايبي ما بنستعملش الفاظ زي دي.طب هل الالفاظ دي تقدر تقولها قدام اهلك او والدك او والدتك؟متهيالي لاء يبقي الافاظ دي فيها حاجه غلط.
حتي يا اخي لو بنستعملها في الشارع كلنا كشعب ليه ما يبقاش لينا مكان نضيف نتكلم فيه من غير الالفاظ دي عيب ولا حرام يعني اننا نتكلم بالفاظ متحضره!!!!!!

اقتباس:

---

والشىء الآخر وهو أن ائمه المساجد ليسوا رموزا للإسلام حاليا بحكم تحولهم إلى موظفين حكوميين وقد لا تعلم أنه تأتيهم فى كثير من الأحيان تعليمات بموضوع الخطبه

---

و الله دي حاجه مالناش دخل بيها و سواء بيقولو اللي الحكومه بتقوله ليهم او عكس كده ف دول حسابهم علي ربنا.
و متهيالي الحكومه مش حتقول لشيخ اشتم في امريكا ولا انت رايك ايه؟؟؟

عندك حق يا استاذ منير

أنا أتفق معكم فى رفض الأسلوب واللغه لا خلاف أن هذا لا يليق
لكن أنا أتفق مع الأستاذ زعبله فى أن الإسلام أكبر وأعظم من أن يأتى أى إنسان قل شأنه أو عظم بكلمات تقلل من عظمته أو عظمه القرآن الكريم أو عظمه الإسلام واتفق معه أيضا فى أن إعطاء أهميه لهذه الكلمات لها من الضرر أكثر من النفع علينا عن طريق إبراز هذه الكلمات الأمر الذى يؤدى إلى تضخيمها وإعطائها شهره لم تكن لتحصل عليها لولانا بالإضافه إلى إعطاء أهميه لقائلها وتعاطف الغرب معه والإساءه إلينا عن طريق إظهارنا بمحاربى الرأى والفكر الأمر الذى يسهم فى تشويه صورتنا أمام الغرب أكثر من ما هى مشوهه
وبالنسبه للأئمه فأنا أكن لهم كل إحترام لكن للأسف وهذا شىء لا ذنب لهم فيه فإنهم أصبحوا جزءا من الإعلام الموجه للدوله ولا شك أن التدخل فى موضوع الخطبه بهذه الطريقه يفقد الأمر قدسيته وشرعيته ويحول هذه الشغائر العظيمه الى مجرد عمل روتينى وأقسم أننى حضرت خطبه لأحد الأئمه وكان يقرأ الخطبه من ورقه
وأخيرا وليس آخرا فإننى أدعو الأستاذ زعبله للإعتذار عن ما بدر منه فى حق المنتدى والتعهد بعدم العوده إلى مثل ذلك الفعل مستقبلا
محمد إبراهيم

ممكن منخلقش جدل حول الدين لان الدين الاسلامي فوق هذا الجدل
التعدي علي الأئمة مرفوض نهائيا الا ان يقول ما يخالف الشريعه
اما ان يناقش العامة و اشدد العامة اللي هما احنا مواضيع فقهيه او آراء فقهيه فهذا لا يجوز
و اذا كان رأي أي امام مش عاجي زعبلة معندوش امام تاني يسمعله :x
لو معندوش ممكن أقوله علي اماكن لأئمه كتير يختار منهم اللي يعجبه
الأئمة معصومون ليس في شخصهم و لكن في ما يقولون لأنه منزل و شرح لقول الله عز و جل
الموضوع لا يحتمل الجدل لان اي حد عايز يتسلي بيفتح مواضيع زي كده (وتحسبونه هيناً و هو عند الله عظيم)
الإنذار محترم و خاصة انه شرح الموقف و بالتالي لا يوجد اسباب غير معلومة لأي حد
و لا حول و لا قوة الا بالله

معلش يا أخوانى هخرج عن الموضوع شوية بس بجد بجد أنا عاوز حد يقولى يعنى ايه زعبله؟

يا استاذ ديدوا مع احترامي وموافقتي لكلامك وكلام الأستاذ كريم
ولكن مهما حصل من الأئمة وانهم موظفين حكومهم ولكن هم في بلدنا رمز للدين
والتعدي عليهم بهذا الشكل يؤدي لعدم احترام الناس لهم مما يؤدي بالتالي لأشياء لا تحمد عقباها

ونحن ليس بصدد الدفاع عن الأئمة ولا غيرهم ولكن هذا له علاقة بالدين ويجب احترامهم مهما حدث ولا يليق بأنك أصلا تقول مثل هذا الكلام عن شخص عادي فضلا عن انه يكون شيخ او امام

اقتباس:

---

المشاركة الأصلية كتبت بواسطة dido

الأستاذ المحترم كريم منير
إسمحلى
حضرتك بتبالغ فى رد فعلك أنا أتفق معك فى إن كلام الراجل فيه شويه تجاوز لكن أنا أتفق مع رأيه
وأحب أضيف إن كلمات الأستاذ زعبله وإن كانت لا تليق بهذا المنتدى المحترم لما فيها من كلمات خادشه للحياء خاصه وأن المنتدى ليس مقصورا على الرجال إلا أنها (أى الكلمات ) وللأسف أصبحت جزءا لا يتجزأ من ثقافه الشعب المصرى وأصبح من العادى إنك تسمعها يوميا مع التشديد على رفضى لهذه الكلمات البذيئه
والشىء الآخر وهو أن ائمه المساجد ليسوا رموزا للإسلام حاليا بحكم تحولهم إلى موظفين حكوميين وقد لا تعلم أنه تأتيهم فى كثير من الأحيان تعليمات بموضوع الخطبه

---

يا استاذ محمد يا اسمك على اشرف خلق الله واول من صعد منبرا في الاسلام

اولا انا مش ببالغ انما بادي كل حاجة حقها لان كلام زعبولة في تجاوزات كتر واهمها على الاسلام في صورة خطيب الجمعة
خطيب الجمعة ده مش رمز اسلامي ده المفروض انه عالم
هو ما يعرفش ان لحوم العلماء مسمومه واعراضهم عند الله غالية
كل من صعد الى المنبر وجب علينا اتباعه حتي ولو على خطأ ولا يجوز لنا كمسلمين مقاطعه العلمة او ردهم فما بالك بالاستهزاء بهم
لا يعني ان قلة من الائمة تفعل اشياء لا تعجبني فانا اذهب لمن احب ان استمع اليه ويفدني في دنياي واخرتي
ان اثم فذنبه عليه وان اصاب فقد جنى خيرا كثيرا

اما عن الثقافة الخادشة لحياء اللي انتشرت دي ثقافة شوارع ولا نريدها لا انا ولا اي من اعضاء المنتدي المحترمين
انما عينة زعبولة اللي حاسس انه اسمه اللي بيدل على الدونية لما يتطاول على الاسلام لن يجد مني سوى كل حسم في ردودي علية

استمحيكم عذرا ان انفعلت فانا غيور على ديني

كريم منير

كالعادة المزيد من المضمون الجيد لكن اسلوب سيء

يا جماعة انا معجبنيش خالص اسلوب زعبلة , لكن للأسف هي دي الصورة الي محدش راضي يصدقها !

انتوا بتدوا اهتمام لحجات لو مبصتوش ليها اصلا حتنتهي لوحدها !

و عفوا يا زعبلة انا اتفق معاك في مضمون موضوعك و لكني اعاتبك على بعض الألفاظ الي استخدمتها

بس احب و اقول تاني بردة , الموضوع اتفه من كدة بكتير و دي وجهة نظر شخص مصري زيك , استنكرت الفاظه , وانا معاك .. بش مش لازم كل الحساسية دي


يامتن انا ارجح توقفوا الكلام عن الدين و السياسة نهائي , لان واضح لن في تعصب و تمسك من كل الناس بصرف النظر من الصه و مين الغلط

بس ياريت بلاش مواضيع دينية من اساسه , ده منتدى سيارات , وانا لاحظت ان الكلام عن السياسة و الدين بقى محور الكلام في كل حاجة ....

وبلاش مواضيع فيديو اليوتيوب ! و لا السب في القرآن ... لأنك انت كدة بتحقق غرض الحيوان الي عمل كدة...

ومش لازم تتقوا معايا في الرأي .. بس انا شخصيا .. دي اخر مرة اشترك في اي حوار ديني او سياسي , لانه لا يجدي هنا !

قصه من الأثر
كان احد الناس يعبد الله في عزلة في بلد كلها شرور
فأمر الله الملائكة أن يخسفوا أهل البلدة
فقال الملائكة لله عز و جل - ان فيها فلان يعبدك
فقال المولي عز و جل - ابدؤا به فإنه لم يتمعر خده في مرة

يتمعر : يحمر من الغيرة

استميحكم عذرا فهذا معني القصة و ليست نفس الكلمات

أولاً أشكر أخي كريم على اهتمامه والذي أؤكد وبشدة أنه في محله
ثانياً وبدون دخول في التفاصيل عايز أقول للمدعو زعبلة عيب عليك أسلوبك دا ولن أزيد عن هذا لأن الجدال معك لايجوز !!!!!!+ (افهمها انت بقى)
ثالثاً كلامي عام لجميع الأخوة اللي شايفين إن كريم مبالغ شوية أو إن كلام زعبلة دا (والله مكسوف وأنا باكتب زعبلة) عادي ، ياجماعة كريم مش مبالغ بالمرة ، دا إنسان غيور على دينه يبقى يستحق الشكر، وكلام زعبلة قد يكون من الكلام الدارج على ألسنة الناس في هذه الأيام، ولكن ليس معنى هذا تركه وإنما يجب محاربة أي تطاول على الدين ورموزه سواء كان هذا التطاول صغيراً أم كبيراً ، فمعظم النار من مُستصغر الشرر

اقتباس:

---

المشاركة الأصلية كتبت بواسطة CryptonX

كالعادة المزيد من المضمون الجيد لكن اسلوب سيء

يا جماعة انا معجبنيش خالص اسلوب زعبلة , لكن للأسف هي دي الصورة الي محدش راضي يصدقها !

انتوا بتدوا اهتمام لحجات لو مبصتوش ليها اصلا حتنتهي لوحدها !

و عفوا يا زعبلة انا اتفق معاك في مضمون موضوعك و لكني اعاتبك على بعض الألفاظ الي استخدمتها

بس احب و اقول تاني بردة , الموضوع اتفه من كدة بكتير و دي وجهة نظر شخص مصري زيك , استنكرت الفاظه , وانا معاك .. بش مش لازم كل الحساسية دي


يامتن انا ارجح توقفوا الكلام عن الدين و السياسة نهائي , لان واضح لن في تعصب و تمسك من كل الناس بصرف النظر من الصه و مين الغلط

بس ياريت بلاش مواضيع دينية من اساسه , ده منتدى سيارات , وانا لاحظت ان الكلام عن السياسة و الدين بقى محور الكلام في كل حاجة ....

وبلاش مواضيع فيديو اليوتيوب ! و لا السب في القرآن ... لأنك انت كدة بتحقق غرض الحيوان الي عمل كدة...

ومش لازم تتقوا معايا في الرأي .. بس انا شخصيا .. دي اخر مرة اشترك في اي حوار ديني او سياسي , لانه لا يجدي هنا !

---

متفق معاك 100 /100

شاكر لكم هذا الكم من المشاركة وان دل يدل على اننا ما زلنا كمسلمين ما زلنا هو المحرك الاول لنا والحمد لله
اما كل من لم يهتم واعلن عن عدم اهتمامنا بالامر يا رريت يقرا قصة استاذ وائل عطية بتمعن ويوف كيف سيكون حالنا يوم لا ينفع مال ولا بنون الا من اتى الله بقلب سليم

اخوكم في الله
كريم منير

محتوى الموضوع وفكرته تمثل رأياً لابد من الاستماع اليه ......... بالنسبه لاسلوب الكتابه زودها حبيتين في استخدام تعبيرات قد يمكن السماح بها لما نسمعها ..... بس لما بتقراها بتبقه تقيله شويتين
وفي رأي كان من الممكن مخاطبه الكاتب على الخاص ومطالبته بتخفيف حدة كلماته واختيارها ....... وهذا هو أسلوب النصيحة .
معلش ي كريم انت حبيبي بس انا شايف ان كده جرستله جامد وكمان العنوان تقيل قوي ..... (وممكن لو في حد من تنظيم القاعده دور شويه على النت) ها يهدر دمه ...
وبالنسبه لردود باقي الاعضاء بلاش مزايده في موضوع الغيره على الاسلام ده .....عشان الغيره على الاسلام مش بالكلام
وبس........ وبعدين بصراحه اللي بيقول انه مكسوف وهو بكتب زعبوله برضه مزودها قوي :lol: عادي يعني
زعبلوله ...زعبوله ... ما فيش كسوف ولا حاجه ...

لاء يا ماجد لما يتعدي على خطيب مسجد ويوقل بيحزق ويجيلة بواسير وكلام فاضي ما يتسكتلوش ابدا
ده لو بيتكلم علي عضو معانا كنت اديتلة الانذار عشان الاسلوب فما بالك بخطيب وامام مسجد
والله انا كل ما اراجع نفسي اندم اني ما وقفتش عضويتة فورا
بس معلش لو زودها مش هارحمه
انا عن اسمه هو حر فيه
بس هل انت تبقي مبسوط وانت عضو في مكان اسماء اللي فيه زعبووووولة
ابنك يقولك انت صاحب زعبوووولة
:shock: :shock: :shock: :shock:

اقتباس:

---

المشاركة الأصلية كتبت بواسطة Mgio

وبالنسبه لردود باقي الاعضاء بلاش مزايده في موضوع الغيره على الاسلام ده .....عشان الغيره على الاسلام مش بالكلام
وبس........ وبعدين بصراحه اللي بيقول انه مكسوف وهو بكتب زعبوله برضه مزودها قوي :lol: عادي يعني
زعبلوله ...زعبوله ... ما فيش كسوف ولا حاجه ...

---

بص يا سيدي الفاضل .. مفيش مزايدة ولا حاجة ، دا كلام الواحد بيبتغي بيه رضا الله لا أكثر
الغيرة على الإسلام ..انت بتقول إنها مش بالكلام ، طيب يا سيدي إنت بقى بتطبقها ازاي إذا كنت حتى مش عايز الواحد يغار على دينه بأضعف الإيمان !! ياراجل دا كلام !!

ثانياً حضرتك بتقول "اللي بيقول انه مكسوف وهو بكتب زعبوله برضه مزودها قوي " اللي بيقول دا إسمه وائل عطية !!!!!!!!!

اقتباس:

---

حضرتك بتقول "اللي بيقول انه مكسوف وهو بكتب زعبوله برضه مزودها قوي " اللي بيقول دا إسمه وائل عطية !!!!!!!!!

---

يا عم وائل خليك ايزي انا قريت الردود كلها و بعدين كتبت الرد ومكنتش بصراحه مركز في اسم اللي كتب .... عموما ما تزعلش ... حقك عليه

اقتباس:

---

كالعادة المزيد من المضمون الجيد لكن اسلوب سيء

يا جماعة انا معجبنيش خالص اسلوب زعبلة , لكن للأسف هي دي الصورة الي محدش راضي يصدقها !

انتوا بتدوا اهتمام لحجات لو مبصتوش ليها اصلا حتنتهي لوحدها !

و عفوا يا زعبلة انا اتفق معاك في مضمون موضوعك و لكني اعاتبك على بعض الألفاظ الي استخدمتها

بس احب و اقول تاني بردة , الموضوع اتفه من كدة بكتير و دي وجهة نظر شخص مصري زيك , استنكرت الفاظه , وانا معاك .. بش مش لازم كل الحساسية دي

---

كلام موزون و 100 % ..... ربنا يباركلك يا ابني

شكرا ليك يا استاذ ابو نورا , شكرا ليك يا استاذ MGIO
وانا اتفق برده مع كلامك .

انا اسف لن اعلق على قصة الأستاذ وئل ولو اني ردي حيكون واضح و قاطع و بثبت وجهة نظري
.. ولكن انا احترم كلمتي , واني مش حناقش موضوع ديني او سياسي هنا تاني .. ذي ما قلت ز

كنت أول من رد علية ولكن الموضوع كلة اتحذف"ارض الرمال"!

مش مهم مين الاول بس المهم الاخوة الاعضاء كالوا لة من الكلمات ما يستحق!

السلام عليكم ورحمة الله وبركاته
انا اتفق تماما مع ا / كريم واسجل اعتراضي علي اسلوب زعبلة
واعتراضي ياتي من باب حديث الرسول صلي الله عليه وسلم" من راي منكم منكرا فليغيره بيدة فان لم يستطع فبلسانه فان لم يستطع فبقلبه وذلك اضعف الايمان " صدق رسول الله صلي الله عليه وسلم
وانا شايف ان الاستاذ / كريم يحاول تغيير المنكر وهو الاستهزاء علي عالم دين بصرف النظر عن وجهات النظر اللي بتقول انهم موظفين حكومة او لا
ويا ريت نتقبل النصيحة من بعض بصدر رحب ومش عيب ابدا اني اكتب موضوع ويطلع موضوع شائك ويتضح اني غلطان لكن العيب والحرام اني اتمادي في الدفاع عن الخطأ عشان مبقاش غلطان ومخطيء

بيتهيألي الموضوع أخد اكتر من حقه و كفاية كدة طالما الجميع متفق علي انكار اسلوب (زعبلة)
اللهم اغفر لنا و له

اقتباس:

---

المشاركة الأصلية كتبت بواسطة Islam_galal

بيتهيألي الموضوع أخد اكتر من حقه و كفاية كدة طالما الجميع متفق علي انكار اسلوب (زعبلة)
اللهم اغفر لنا و له

---

انا موافقك تماما يا استاذ اسلام واحمد الله تعالى حمدا كثيرا على ان عدد اللي شايفين ان الموضوع يستاهل وقفة اكثر بكثير من اللي شايفين ان الموضوع يمر مرور الكرام زي عشارت الاحداث اليومية (سب الدين في الشوارع-اهانة او الاستهانة بكلام الله تعالى المكتوب باوراق الجرائد وتلقى في القمامة - التلفظ بالفاظ تخالف الشرع يوميا ومنافقة الاخرين والاستهزاء برموز الدين وعشرات المخالفات اليومية الصريحة ) احب اقول الكلمتين دول عشان اقفل بيهم الموضوع

قَالَ اللَّهُ تَعَالَى { : وَلْتَكُنْ مِنْكُمْ أُمَّةٌ يَدْعُونَ إلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ وَأُولَئِكَ هُمْ الْمُفْلِحُونَ }

وَقَالَ اللَّهُ تَعَالَى { : وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ وَيُقِيمُونَ الصَّلَاةَ }

اقتباس:

---

اقتباس:

---

المشاركة الأصلية كتبت بواسطة karim_monir

اقتباس:

---

المشاركة الأصلية كتبت بواسطة Islam_galal

بيتهيألي الموضوع أخد اكتر من حقه و كفاية كدة طالما الجميع متفق علي انكار اسلوب (زعبلة)
اللهم اغفر لنا و له

---

انا موافقك تماما يا استاذ اسلام واحمد الله تعالى حمدا كثيرا على ان عدد اللي شايفين ان الموضوع يستاهل وقفة اكثر بكثير من اللي شايفين ان الموضوع يمر مرور الكرام زي عشارت الاحداث اليومية (سب الدين في الشوارع-اهانة او الاستهانة بكلام الله تعالى المكتوب باوراق الجرائد وتلقى في القمامة - التلفظ بالفاظ تخالف الشرع يوميا ومنافقة الاخرين والاستهزاء برموز الدين وعشرات المخالفات اليومية الصريحة ) احب اقول الكلمتين دول عشان اقفل بيهم الموضوع

قَالَ اللَّهُ تَعَالَى { : وَلْتَكُنْ مِنْكُمْ أُمَّةٌ يَدْعُونَ إلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ وَأُولَئِكَ هُمْ الْمُفْلِحُونَ }

وَقَالَ اللَّهُ تَعَالَى { : وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ وَيُقِيمُونَ الصَّلَاةَ }

---

---

أتفق معك من البداية للنهاية
و لا أجد أي شئ ممكن أضافته لم تذكره أنت
مسئولية مدير الموقع مسئولية كبيرة تقوم بها علي أحسن وجه جعلها الله في ميزان حسناتك وأعانك الله علي الأستمرار.


تم تعديل كود الاقتباس بمعرفتي
Nader
15-5-2007 10:56 am

جزاك الله كل خير اخي الحبيب ابو عبدالله (اللي ما شوفتوش ولا شوفتش عبدالله) بس قطعا احبك في الله

كريم منير

أضحكوا .. قولوا ضحكنا ..
نبدأ باسم النبي عليه الصلاة والسلام ..
الاسم ( زعبولة ) نفسه يحكي الحكاية ويرد علي الموضوع ( مدركا بالقطع أنه ليس أسم العضو المحترم ولكنه الاسم المستعار الذى اختاره للدلالة علي شخصه الكريم ) .
فاسم زعبولة يلخص حكاية شخص ضئيل الحجم شديد الحركة أسمه حسن من شدة اندفاعه وتهوره وقع في القلة المستخدمة للشرب فأخذ يكافح للخروج من الماء .. مثيرا زوبعة كبيرة جدا .. لا تتناسب وحجم القلة .. ( أغنية : حسن زعبولة وقع في القلة )
وتم استخدام هذه الحكاية الفلكلورية للتدليل علي مدى التناقض مابين ضآلة حجم الشخص وقدرته علي إثارة زوبعة من لا شئ لمدارة الورطة التي وقع فيها .
ويمكن أن تكون كلمة زعبولة هي مركب لكلمتي زعبيبة بمعني عاصفة وقلة ( محل الزعبيبة ) فبقت زعبــ .. وله .. وبالمعني المثقف عاصفة في فنجان .. وزعبيبه في القلة بالبلدى ..
وهنا نصل إلي الحكمة في ربط الاسم العبقري بالحكاية العبقرية .. أن الموضوع كله عاصفة في فنجان .. بلا معني وبلا هدف إلا لمجرد التواجد علي صفحات المنتدى ..
ومع احترامي لوجهة النظر التي تقول بأنه من الواجب عدم تضخيم المسائل .. لأن فعلنا في النهاية كشعوب ينتهي علي لاشئ .. مهما قاطعنا ومهما فعلنا بل يتم استخدام ردود أفعالنا التلقائية والعشوائية بشكل عكسي وبكثافة دعائية ممنهجة مسبقا ضدنا ..
مع احترامي لوجهة النظر هذه فأنا ضد ( وأظن أن قواعد المنتدى أيضا ) .. ضد الألفاظ التي انتشرت كالنار في الهشيم خاصة من خلال الإنترنت .. وهذا ليس ركوبا للموجة الموجهة ضد الأخ زعبولة .. لإعتقادى الشخصي بأنه مقصده غالبا لم يكن سيئا .. وأن له وجهة نظر .. قد يختلف معه فيها الكثير ..
أما بخصوص الرموز الإسلامية .. فمن الأفضل عدم المساس بها وجعلها هي محور السخرية في الحدث وهي رمز وسبب الفشل حتي لا يحدث نوع من الإسقاط علي كل داعية في مسجد .. وخطيب في جامع .. ومن الغرابة أن تجد أن أسهل شخص يمكن السخرية منه دون رادع هو الرمز الديني .. والكتاب الديني والمؤلف الديني .. وكأن الدين ليس له صاحب .. وكنت أتمني أن يجرؤ أحد في السخرية من طبيب أو محام أو مهندس أو أيا ما كان ( ولن أقول ضابط أو مسئول سياسي أو عضو مجلس الشعب ) .. بمثل السهولة التي يتم السخرية بها من الوعاظ والدعاة وحملة القرآن .. وليرى كم النيران التي سوف تفتح عليه ..
نهاية كنت أتمني عدم تضخيم الموضوع .. والرد بلباقة علي العضو .. أو إلغاء المداخلة .. ثم التنويه باقتضاب علي شروط المنتدى .. وعدم الوقوع في براثن التحديات ..

مع خالص الشكر والتقدير .. تقبلوا تحياتي ..

والله انت اجدت بكل مقايس الاجادة شرحا وتحليلا وعرضا وبيانا ولفظا وفكرا وانا معاك بشده في اخر سطر

اقتباس:

---

نهاية كنت أتمني عدم تضخيم الموضوع .. والرد بلباقة علي العضو .. أو إلغاء المداخلة .. ثم التنويه باقتضاب علي شروط المنتدى .. وعدم الوقوع في براثن التحديات ..

---

اولا : انا متفق مع الاخ كريم منير واشكر له غيرتة على دينة ورجال الدين الذين مهما اختلفنا معهم فيجب احترامهم وتقديرهم
ثانيا : بالنسبة للسيد زعبلة بتاع القلة ( هذا اسم لمن لايعرف مسمى لبتوع القلل القناوى لان من اوائل الذين قاموا بتصنيع القلل هو السيد المسمى زعبلة ) :lol: ههههههههههه
اقول له اتقى الله ياسيد زعبلة فيما تقول عن الائمة المحترمين سواء اعجبتك كلماتة او لم تعجب ! وكيف تعجب هذا المتئمرك الشارد فى افكارة والضال فى مشاعرة
اما بعض الاخوة الذين يطالبوا بقصر المنتدى على السيارات فهذا شىء جيد ولكن المنتدى هو فرصة طيبة لنا جميعا لتبادل الافكار وان غلب عليها الناحية الفكرية والعملية السيارات ولا اؤيد الاتجاة بقصر الافكار والكلمات عن السيارات لاننا نعتبر المنتدى فرصة كبيرة لتبادل الافكار والموضوعات فى كل ما هو مفيد لنا جميعا طالما انها فى حدود الادب واللياقة
وفى النهاية اكرر اننى اؤيد الاح كريم منير بشدة فى دفاعة وايقافة هذا العضو المنحنى واتمنى ان يصوب كلماتة لان كافة الاعضاء بالمنتدى على قدر كبير من الاحترام والتقدير والكرامة

شكرا جزيلا علي المجاملة الرقيقة يا أبو نورا .. وربنا يخليها لك يا باشا ..

اقتباس:

---

المشاركة الأصلية كتبت بواسطة محمد المشد

اولا : انا متفق مع الاخ كريم منير واشكر له غيرتة على دينة ورجال الدين الذين مهما اختلفنا معهم فيجب احترامهم وتقديرهم
ثانيا : بالنسبة للسيد زعبلة بتاع القلة ( هذا اسم لمن لايعرف مسمى لبتوع القلل القناوى لان من اوائل الذين قاموا بتصنيع القلل هو السيد المسمى زعبلة ) :lol: ههههههههههه
اقول له اتقى الله ياسيد زعبلة فيما تقول عن الائمة المحترمين سواء اعجبتك كلماتة او لم تعجب ! وكيف تعجب هذا المتئمرك الشارد فى افكارة والضال فى مشاعرة
اما بعض الاخوة الذين يطالبوا بقصر المنتدى على السيارات فهذا شىء جيد ولكن المنتدى هو فرصة طيبة لنا جميعا لتبادل الافكار وان غلب عليها الناحية الفكرية والعملية السيارات ولا اؤيد الاتجاة بقصر الافكار والكلمات عن السيارات لاننا نعتبر المنتدى فرصة كبيرة لتبادل الافكار والموضوعات فى كل ما هو مفيد لنا جميعا طالما انها فى حدود الادب واللياقة
وفى النهاية اكرر اننى اؤيد الاح كريم منير بشدة فى دفاعة وايقافة هذا العضو المنحنى واتمنى ان يصوب كلماتة لان كافة الاعضاء بالمنتدى على قدر كبير من الاحترام والتقدير والكرامة

---

اخي في الله والله انى لافرح كلما وجدت مسلمين ما زالو على الفطرة السليمة في غيرتهم على دينهم
ولا اجد اي كلام خير من كلام الحق سبحانة وتعالى اللي قلتة سابقا :

اقتباس:

---

المشاركة الأصلية كتبت بواسطة karim_monir

قَالَ اللَّهُ تَعَالَى { : وَلْتَكُنْ مِنْكُمْ أُمَّةٌ يَدْعُونَ إلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ وَأُولَئِكَ هُمْ الْمُفْلِحُونَ }

وَقَالَ اللَّهُ تَعَالَى { : وَالْمُؤْمِنُونَ وَالْمُؤْمِنَاتُ بَعْضُهُمْ أَوْلِيَاءُ بَعْضٍ يَأْمُرُونَ بِالْمَعْرُوفِ وَيَنْهَوْنَ عَنْ الْمُنْكَرِ وَيُقِيمُونَ الصَّلَاةَ }

---

اسال الله لي ولك ولسائر الغيورين على دينهم ان نكون من المؤمنون المفلحون

اخوك في الله
كريم منير