المشاركة الأصلية كتبت بواسطة samofox
لا ياعصام اوعى تجيب مستعمل نصيحة من اخ ابعد عن المستعمل تماما..مع احترامى لكلام جميع الاعضاء اللى عايشين على امل ان العربيات ترخص..اقسملكو ان العربيات مش حترخص ولو رخصت حترخص كلام فارغ ميستحقش المعناة والتعب فالمواصلات والبهدلة..حملة خلوها تصدى مش حتعمل حاجة لان دى سياسة واسعار وفرق عملة ياجماعة عاوزين نبقى واضحين وصرحا مع بعضينا مافيش حد منا مبيتمناش الاسعار ترخص بالعكس كلنا عاوزين عربيات ونفسنا نركب زيرو ونتمتع بس فنفس الوقت لازم نكون فاهمين سياسة بلادنا كويس ونكون على مستوى اعلى من ذكاء الحكومة ..الجمارك مافيش فيها تخفيض اطلاقا فبالتالى العربيات حتتجاب وحتتدفع عليها نفس جماركها القديمة وكمان اليابانى سعرة طلع عشان زيادة الين واللى رخص شوية الاوربى عشان اليورو انخفض دلوقتى الشركات حتخفض انتاجها فالمعروض حيقل فالسوق ودة معناة ان العربية ام 5 حتبقى ب8 وب10 صدقونى يا جماعة كل دى اشاعات عشان الناس كلها تستنى وتشترى بالعالى وساعتها حتكون مجبرة وشوفو تصريحات المسؤلين الكبار فشركات السيارات وانتو تعرفو كلامى صح ولا غلط