فتيس بوينتر 2004

**ahmedalian** · 07-01-2009 08:14 PM

السلام عليكم ورحمة الله وبركاته،
تعرضت لمشكلة في فتيس سيارتي أكثر من مرة حيث إنه كان (بيعض) ثم قفش تماما على السرعة الخامسة وعندما سحبت عصا الفتيس بقوة خرجت العصا لوضع النيوترال وظل الترس الخامس معلقا .. وبعدين قام ميكانيكي بإصلاحها عند واحد بتاع فتيس مش عارف هو فين لكن يعني تصليحة نص كم .. يعني من الآخر الفتيس من الداخل تقريبا باظ والحمد لله على كل حال .. أنا الآن أبحث عن مكان أشتري منه فتيس جديد لهذة السيارة التي غلبتني وفلّستني فهل يعرف أحد من أين أحصل على فتيس خارج التوكيل؟ وهل لديكم أية نصائح بشكل عام لهذا الموقف؟

ملحوظة: سبب المشكلة أني أهملت في زيت الفتيس ولم أكن أعلم أنه يتم تزويده .. وعندما زودته لأول مرة بعد أكتر من 30 ألف كيلو زودته بزيت خطأ مما سبب هذا التآكل وهذة المشكلة.

**mangaa** · 10-01-2009 08:58 AM

يااهل الخبرة حد يرد علي الراجل ,, السؤال ده مطروح من فترة . . .

**mangaa** · 19-01-2009 08:18 AM

هو للدرجه دي محدش له في العربيه دي خالص كده ؟؟؟ ,,,, في ايه يا شباب انتو فييين ؟ ؟

**survey** · 20-01-2009 10:14 PM

يا نهار اغبر انا العربية عندي بوينتر وعاملة لحد دلوقت 36000 كيلو وعمري ما غيرت زيت الفتيس او زودته ولا اعرف اساسا انه بيتزود
مع العلم اني بعمل للعربية صيانة دورية في التوكيل و ماحدش قال لي عن الموضوع ده حاجة خالص

**umoussa** · 20-01-2009 11:51 PM

بكل أسف!!
حظك سيئ، شوف يا سيدي الصورة دي بتقولك رقم الجزء الخاص بالفتيس بتاع عربيتك، والويندو المفتوحة بتقول الفتيس دا بيركب على عربيات تانية أيه، ولأن الفتيس ده مبيركبش إلا على العربية دي وبما أن العربيات دي أصلاً مش موجودة في أوروبا أو اليابان يعني مفيش منها استيراد يبقى حضرتك حتتمرجح في التوكيل أو تروح بقى للاختيار الصعب وهو انك تجيب طقم بلي وتروس وحد يفك الفتيس ويلعب فيه ولازم تعرف ان ده حيكلفك مش أقل من 5000 جنيه وكمان الفتيس مش حيرجع زي الأول.

بالنسبة لزيت الفتيس، أنا كنت شرحت للناس قبل كده مفروض يتغير امتى والفترة والنوع الأنسب، لو عايز تعرف المعلومات دي، على الخاص وانا اشرحلك تاني

**mangaa** · 24-01-2009 11:41 AM

والله الف شكر يا باشا بس ياتري حد تاني واجه المشكله دي ؟ ؟ ؟. . .

**mohammedtarekhassan** · 04-02-2009 04:11 PM

انا عندى نفس المشكله وعلجتها عند واحد فى بورسعيد ب 800 جنيه

**mohammedtarekhassan** · 04-02-2009 04:13 PM

لو عايز كلمنى وانا اوصف لك المكان 0103705346

**nasser2oo2** · 14-02-2010 03:07 PM

محل الحرمين فى الحرفين
ش احمد ممدوح بلوك 8 بجوار صيدلية النزلة بجوار شيكو
مدحت =0122914868 ظاظا - 0105694154
عنده كل حاجات الباراتى والبيونتر والفولكس الستعمال