كل شئ عن سيارات كســـر الزيرو

يا ريت يا جماعة أي حد لو يعرف أي حاجه عن متوسط أسعار السيارات كسر الزيرو يقول الله يكرمكم ولكم جزيل الشكر ..
يعني لو في سيارات في كسر الزيرو يحددها حسب الفئات مثلا الأربعينات في كذا و الخمسينات في كذا والستينات ... وهكذا يعني . لتحقيق الإفاده لأن في ناس كتيرة في الأونه الأخيرة كانت بتسأل على السيارات دي ..

ونخلي الموضوع ده مرجع عن هذه السيارات للرجوع إليه إذا سمحتم .
سؤالي بقى إذا سمحتم الفيرنا 1600 و 1500 والانوس الكسر في حدود كام كامله ومانيوال وأتوماتيك لو في ولو حد يعرف ؟؟؟
أعذروني عالأطاله وعلى أسألتي ....

يقال إن العربية بمجرد تعليق ترخيصها فى المرور حتى لو لو العداد 100 كم تمنها يقل 5 ألاف جنيه، على اساس انك بتاخد عربية تانى يد، وكمان اجراءات التسجيل بتتكلف حوالى ألفين جنيه، وكمان بتأخد المخاطرة انك تشترى عربية ممكن يكون العداد فية لعب، وإذا قطعت السيارة من 1000 ل 5000 كم تقريبا تنزل حوالى ألفين جنيه، ولو أكتر من 10 ألاف كم تقريبا تنزل حوالى 10 ألاف جنيه من إجمالى ثمنها الزيرو. (طبعا الكلام دا على أساس إن العربية تمنها الزيرو حوالى 100 ألف جنيه)
ومن متابعتى لأسعار الهيونداى ماتريكس المانيول كسر الزيرو، فابريقة برة وجوة (بعد 10 آلاف كم)
2007 تقريبا من 70 إلى 72 ألف جنيه
2006 تقريبا من 68 إلى 70
2005 تقريبا من 66 إلى 68
وبرضو السوق له عوامل تانية يعنى لو فى عربية نضيفة قوى وانت شايف انها هية العربية اللى انت بتدور عليها، ممكن تزود على ثمنها ألف أو ألفين جنيه زيادة عن ثمنها، ولو العداد أقل من 10 آلاف بيكون كلام تانى.

تم تعديل العنوان بمعرفتي

Nader
15-8-2007 10:25 am

متشكر لأهتمام حضرتك يا أستاذ wlng76 ؟؟؟؟ طيب حضرتك كده ما تعرفش حاجه عن الفيرنا ؟ :oops: