لو سمحتو اى حد من اصحاب الإلنترا الجديدة وياريت المانوال يدينا تقييم مفصل عنها
انا مش عايز كلام إعلانات (كام سى سى وكام حصان والكلام ده ) لأ انا عايز تقييم واحد مستخدم إستهلاك بنزين وعفشة وعزل وسحبة واقصى سرعة وتكييف وخلافه والف شكر مقدمآ
عرض للطباعة
لو سمحتو اى حد من اصحاب الإلنترا الجديدة وياريت المانوال يدينا تقييم مفصل عنها
انا مش عايز كلام إعلانات (كام سى سى وكام حصان والكلام ده ) لأ انا عايز تقييم واحد مستخدم إستهلاك بنزين وعفشة وعزل وسحبة واقصى سرعة وتكييف وخلافه والف شكر مقدمآ
سيادتك قريت المشاركة دى ... فيها كل ما تريده من تقييم للألنترا كاتبها ...أخونا أ/ معتز سليم ... والحقيقة فيها تقييم شامل لها ...
http://www.nilemotors.net/Forum/viewtopic.php?t=5451
وستجد أيضاً هنا مقارنة بين الألنترا والانسر ... به معلومات مفيدة عنها ...
http://www.nilemotors.net/Forum/viewtopic.php?t=1830
وفى حالة وجود أستفسارات أخرى ... تحت أمرك ...
تحياتى للجميع ...
م / حسام منير
الف شكر يا بشمهندس انا فعلا مكنتش شفت الموضوع الاول قبل ما أحط موضوعى وفى بس سؤالين الاول عن استهلاك البنزين والتانى هل فعلا حجم العربية كبير اوى يخلى سواقتها وركنتها مشكلة وشكرا مرة تانية
بص يا سيدى ...
أنا معايا الأتوماتيك ... والمفروض انها بتاكل بنزين أكثر من المانيوال ... ولكن أنا عامل ليها معدلات يا رب تفيدك ...
1- فى حالة السير جوه البلد مع عدم تشغيل التكييف ... بتعمل معايا ... 220 كم للصفيحة (20 لتر بنزين)
2- فى حالة السير جوه البلد مع تشغيل التكييف المستمر ... بتعمل معايا ... 200 كم للصفيحة ( بالعافية ... بعنى ممكن تبقى 190 كم ... بس بصراحة أنا ممكن أكون بقرص شوية فى السواقة)
3- فى حالة السيرعلى الطرق السريعة مع عدم تشغيل التكييف ... لسة ما جربتهاش
4- فى حالة السيرعلى الطرق السريعة مع تشغيل التكييف المستمر ... بتعمل معايا 205 كم للصفيحة
هيا دى المعدلات اللى أنا أستنتجها من حسابات كثيرة جداً ... وعلى فكرة أنا بأستخدم بنزين 92 على طول من ساعة ما أستلمت العربية ...
بالنسبة لحجم العربية ... أنا الحقيقة العربيتين اللى كنت راكبهم ... كانوا أصغر شوية من العربية دى ... فطبعاً ... واجهت مشكلة فى الأول ... لحد ما عرفت أسيطر على أبعاد العربية ... وخاصة انك مش شايف لا الكبوت ... ولا الشنطة ... يعنى كله بال Sense ... بالأضافة انها عريضة ... وده كان بيخلينى بعد ما اركن موازياً للرصيف أحس أن العربية مرفرة إلى الخارج ... لو قارنتها بالعربية اللي واقفة أمامي ... بس بعد كدة ابتديت أتعود عليها ...
تحياتى للجميع ...
م / حسام منير
العربية كما قال عنها الأخ العزيز حسام و المقارنات في اللنك و لكن أحب أضيف علي ذلك إن أداء العربية ممتاز بالنسبة للأتوماتيك و طبعا أفضل للنقل اليدوي ولكن مش عارف النقل ناعم و لا خشن و عيب العربية الوحيد ( بالذات و هي جديدة ) مش بتشوف شنطة العربية و أنت بتركن بالنسبة للعفشة لا يستطيع حد يحكم عليها قبل مرور علي الأقل عام إن كانت معمرة أو لأ و ألف مبروك مقدما