مضبوط
كورولا 1.6 F/O A/T 2009 152900
كورولا 1.6 A/T 2009 138900
كورولا 1.4 M/T 2009 123900
كورولا 1.6 M/T 2009 129900
كورولا 1.4 F/O M/T 2009 134900
كورولا 1.6 F/O M/T 2009 145900
يا جماعة بركولى انا اشتريت تويوتا كرولا 2009 كاملة مانيول هى فعلا فوق الممتازة انا كان معايا قبلها كرولا برضه 2007 مانيول بس 2009 الجنوب افريقى ممتازة وفعلا حسيت بفرق كبير فى الكماليات عنها عن 2007 بالرغم من انى كنت جايبها كاملة برضه بس مانيول لانى بحب السواقة المانيول وبستمتع بيها جدا فهيا فعلا عربية محترمة جدا انا عامل بيها دلوقتى حوالى 2700 كم وهى ممتازة
الكورولا الهاى لاين mmtعاملة دلوقتى 150الف جنية عند موزع معروف وفى موزعين بيبيعوها ب149الف جنيه وانا ساعة ماجبتها كنت جايبها2008 ب165الف فياريت اللى يقرر يشترى يدور على اقل سعر للعربية ويفاصل مع التاجر او الموزع ويختار اللون اللى هو عاجبه وحبه لأن العربية موجودة بوفرة عند الموزعين وساعات فيه موزعين وتجار بيستهبلوا ويقولوا ان اللون مش موجود عشان يعلو تمن العربية وده حصل معايا لما جيت اشترى العربية..
هى فعلا والله روعة والحمد لله ان ربنا وفقنى فى العربية دى ومتشكر جدا لكل اللى قال مبروك واى حد عايز يعرف حاجة عنها يقولى وإن شاء الله اجوبه
شكرا للجميع على هذا الحوار الراقي و المفيد
انا مشترك جديد بالموقع و ان شاء الله ناوي اشتري تويوتا كوروللا اوتوماتيك أول سنة 2010
و عايز اعرف رايكم فيها و سعرها كام من مستر ,وليد و الف مبروك و ربنا
يحفظك و يحفظها
و لو سمحتم حد يشرحلي الفرق في الفتيس الجديد mmt بالتفصيل و هل التويوتا الجديدة ستكون ياباني ولا غير
و شكرا لكم جميعا
الف مبروووك يا وليد باشا
ربنا يديلك خيرها ويكفيك شرها
ان شاء الله
في المجمل مرتاح لها جدا ماعدا انها ناشفة في الارض الخشنة او النقعر بسبب الميه او الحفر اللي بيعملها لما بينصبوا صيوان ودا راجع للجنط 16 انا مشيت بيها حتى الان 6 الاف كيلو والتقيم النهائي بعد مااغير الجنط ل15 واكون على الاقل مشيت بيها 15 الف هشرح بالتفصيل المميزات والعيوب بإذن الله
يا جماعه انا بسبب العربيه دى كرهت عربيتى !! كانت معايا لمدة خمسة ايام سافرت بها مطروح من اليكس و لما رجعت بعت عربيتى الابيزا .. العربيه تحفه و الفتيس عادى يعنى عملية تاخير النقله من الاولى الى الثانيه و البطئ بعض الشيئ فى الاستجابه .
من الاخر الجنوب افريقي مواصفات وكماليات عالميه بعكس الخليجي فقيره من حيث الثبات الكماليات قوة البودي والموطور اضعف في الخليجي طبعا
العربيه جميله
وكمالياتها حلوة جدا
بالنسبه لموضوع الفتيس
مش ماثر معايا خالص ومش حياثر مع اي حد بيسوق منيوال و اتوماتيك الموضوع محتاج شوية سينس وانت سايق
البروبلم كله في موضوع الصيانات لان كل الناس بتتفزلك وبالذات مع الحاجات المكروهه
زي الرينو والفيات الجديد
مشكلة قابليتني في العربية
بتقطع بنزين بعد مشوار كبير وتدخل في زحمه ترج لغاية اما تبطل
لازم اركن واستني بتاع ساعه كده والدنيا تشتغل تاني زي الفل
مش عارف ده عيب طرمبة بنزين ولا بوابة
لو لقيت لها حل او حد يعرف يقولي
العربيه ممتازه جدا في كل تفصيله صغيره وكبيره فيها
الفتيس بيحتاج يغير اسطوانه وحاجات بتستهلك كدا كل فترة لانه مانيوال
توكيل تويوتا من يوم ما جبنا العربيه هو اللي بيتحمل اي شغل في الفتيس لحد النهاردة
من فترة اشتكيت من رعشه في العربيه مع الطلعه وغيروا الاسطوانه وزيت الفتيس وبرضو كانت موجودة واشتكيت تاني غيرولي الفتيس كله بفتيس معدل وكله على حسابهم
للاسف مش الفتيس
لان موضوع الفتيس ده
النقل يفصل بس الماتور يفضل شغال
انما اللي بيحصل معايا الن العربية تقطع بنزين
الفتيس ال mmt تويوتا لغته تماما حسب معلوماتي ولو أنا غلطان حد يصححلي
الظاهر إنه كان غلطة كبيرة
ـ
الفتيس mmt نزل في موديلات 2008 و2009 الجنوب افريقي فقط واتوقف بعد كده
لو سمحتم هو مقاس الجنوط ال 16 بتاعتها كام 5 100 ولا 5 * 114 ؟ والخليجي كام لو سمحتم
سلام عليكم كل عام وحضراتكم بخير ايه رايكم في كورولا جنوب افريقي 2008 او 2009 انا بفكر اجيبها بس قلقان من موضوع الفتيس وبقارن بينها وبين الينترا الجمل 2009 او 2010 ايه رايكم ؟