استعدال الجنوط

**sss2000** · 08-01-2009 12:16 AM

السلام عليكم انا عندي سويفت 94 لسة شاريها قريب اية رايكم فيها واحد بناع كاوتش شاف الجنوط قالي عايزة حد يستعدلها فهل دة صحيح واروح لمين علما اني من العبور فهل يوجد حد قريب مني وشكر لكم

**MotorX** · 08-01-2009 12:20 AM

المشاركة الأصلية كتبت بواسطة sss2000

السلام عليكم انا عندي سويفت 94 لسة شاريها قريب اية رايكم فيها واحد بناع كاوتش شاف الجنوط قالي عايزة حد يستعدلها فهل دة صحيح واروح لمين علما اني من العبور فهل يوجد حد قريب مني وشكر لكم

احسن واحد بيعمل الموضوع ده موجود فوق نفق الملك الصالح

تحياتي

**ihab** · 08-01-2009 10:00 AM

انا مش مع حوار استعدال الجنوط لان النتيجة متبقاش كويسة و ده عن تجربة و كانت النتيجة انى جبت اربع جنوط استيراد
و بعدين لو حسبتها حتلاقى استعدال الجنط بكام و ثمن واحد استيراد بكام حتلاقى العملية مش فارقة
و حط فى اعتبارك انك ممكن تستعدل الجنط و بعدين تطلع النتيجة مش كويسة و تضطر تروح تجيب جنط استيراد ( يبقى كده الجنط الاستيراد وقف عليك اغلى من ثمنه بفرق الاستعدال )
و ده رأيى الشخصى و لك مطلق الاختيار

**ringoo84** · 08-01-2009 03:55 PM

بس فعلا الي فوق نفق الملك الصالح ممتاز وانا جربته والجنوط رجعهالي ممتازه بس انا ماكنش فيها تنيات كثير كانت بسيطه مكان تغيير العجل .........

**sss2000** · 08-01-2009 06:53 PM

شكرا علي اهتمامكم

**Ahmed REDA** · 08-01-2009 07:03 PM

لسة مستعدل جنطين كانو واخدين خبطتين في الحادثة عند نفس الراجل فوق نفق الملك الصالح اسمة الحج صالح بس هو اتوفي و اللي شغالين دلوقتي اولادة و الصراحة ضبطوا الجنطين كويس و اسعارهم معقولة
و انا برصص في بريدجستون قالولي انهم بقوا كويسين (بانت و هو بيلفهم علي المكنة)

الجنط لو مفيهوش شغل كتير ياخد منك 50 جنية استعدال

حد يعرف اسعار الجنوط الاستيراد كام و منين ؟

**ihab** · 11-01-2009 08:35 AM

الجنط الاستيراد من 70 - 150 حسب حالته و فى اقل و فى اكثر و ده بالنسبة للجنط العادى ( مش الاسبور ) و حتلاقيه فى الحرفيين و فى عزبة شلبى و وكالة البلح و عند اى حد بيبيع قطع غيار استيراد .
و فى ناس بتروح تركب جنوط اسبور و تسيب الجنوط القديمة عند محلات الكاوتش و الجنوط فا ممكن تلاقى عندهم حاجة زى كده .