Thanks
for your encourage
يا راااااااااااااااااااااااا اااااااااااااااجل حرام عليك
اولا شكر خاص وكبير جدااااااااااااااااااااااا اا ليك
ثانيا انا مصري مقيم في المانيا وكان شاغلني موضوع استيراد السيارات ده وقمت بمحاولات لارسال اوبل فكترا 2008 وسكودا اكتافيا 2008 لاحد اقاربي
واثراء للموضوع حذكر مثال واحد وهو الابل فكترا
السيارة: Opel Vectra 1.6 Caravan Edition
السعر : € 18.790 ديسمبر الماضي
تكلفة وضع ارقام تصدير + الشحن من المانيا الي ميناء الاسكندرية 1100 يورو
الجمارك والضرائب وخلافه بنسبة 61% (للسيارات 1600 سي سي واقل) محتسبة علي اساس سعر 13200 يورو -ما يطلق عليه في الجمارك سيف وارد- (سعر المصنع) = حوالي 60 الف جنيه مصري
اجمالي السعر بعد التسليم حوالي 160 الف جنيه مصري
الا ان طبقا للقانون الالماني يمكن استرداد قيمة الضرائب علي السيارة بعد تصديرها والمقدرة ب 19% من الثمن المدفوع (حوالي 25 الف جنيه مصري) وبالتالي يكون اجمالي سعر السيارة حوالي 135 الف جنيه مصري بعد استرداد الضرائب بالكامل
كل الاسعار محتسبة علي اساس ان سعر اليورو = 7.5 جنيه
الاوراق التي كانت مطلوبة
1-اوراق تسجيل السيارة في المانيا باسم صاحبها واعتمادها من مرور الدولة كاول مشتري ويجب ان تكون موديل السنة
2-اعتماد الاوراق من السفارة المصرية
3-شهادة الشحن
4- يقوم بالتخليص مخلص جمركي معتمد
هذا فقط
الفائدة في الاستيراد ليس فقط في السعر ولكنك ستحصل علي امكانات افضل وكماليات اعلي بكتيييييييييييييييييييييي يييييييييييييييييييير
اعتقد في حالة شحن اكثر من سيارة ستكون الاسعار اقل خاصة في الشحن
العيوب
الضمان يفقد وانا اري ان ليس له اي فائدة في مصر بلدنا الجميلة
المشكلة الوحيدة اللي قابلتني وخلتني اتراجع في اخر وقت ان كتير من المهندسين اصدقائي ومندوب مبيعات الشركة الام حذرني من ان بعض الاجزاء في السيارة غير مصممة للعمل في الجو الحار!!!!!!!
زي الاويلسيل والكوتشات والجوانات وقرب المياه والكاوتش ومستر وتيل الفرامل والويرات والردياتير والسيور والدهانات .
والحجات دي كلها مصممة لتحمل البرودة العالية في المانيا والعمل بكفائة في درجات حرارة (تحت الصفر) وحذرني انها لم تختبر في الحرارة العالية (هو مقلش انه متنفعش في الحر انما كان دقيق وقال لم تختبر في الحرارة العالية) ولكن بتستبدل باجزاء اخري متلائمة مع الحرارة العالية طبقا للمواصفات الخليجية
لذلك قررت اني اتجه للخليج اضمن
حاجة مفجعة عرفتها من الوكيل هنا:
كنت طلبت منه شهادة صادرة من الشركة الام تلزم وكيلهم في مصر بضمان السيارة (ست سنوات او 300 الف كيلو ايهما اقرب) وبعد الاستلام الشركة الام بعتت خطاب كان مفاجاة
الاستاذ الفاضل منصور محمد منصور مبيجبش العربيات الابل فكترا من المانيا
بتوصله من مصنع تاني تقريبا في جنوب افرقيا
ثانيا العربيات بتجيله مش كاملة
بدون مرايات جانبية ومراية الصالون وبدون سنتر او انزار وحجات تانية كتير وهو بيحط ده في مصر
وبالتالي سيارة ابل فكترا مصر غير مطابقة للمواصفات الالمانية !!!!!!!!!! ومركز الخدمة غير مؤهل لصيانة الاجزاء الاضافية اللي في السيارة اللي كنت حستوردها ومعندوش قطع غيار ليها وبكده هم ميقدروش يلزموه بضمان السيارة!!!!!
تحيا مصر
يا اخونا
الشفروليه اللانوس هنا فيها Abs, Ab وكساحات جليد وعوازل صوت وكمبيوتر ملاحة وكراسي قابلة للتعديل وعجلة قيادة متعددة المستويات وبور ستيرنج كهرباء وكاسيت بيلد ان في التابلوه ....... الخ
شوف انت بقي ده يفرق اد ايه
يا راجل حرام عليك فعلا ركز كدا مثلااقتباس:
و اخذنا بالاسعار دى و خصمنا منها 19% الضرائب
ثم اضفنا عليها الجمارك و الشحن و مكسب الوكيل يبقى كدة اسعار السيارات فى مصر رخيصة !!
حد فاهم حاجة.. انا مش فاهم .. و النبى لو حد فهم حاجة يفهمنى
Skoda Octavia 1.6 12400
12400*81/100=10044
10044*1.61=16170
16170*7.5=121280
يعنى سعر السكودا الاوكتافيا 121 الف جنيه , دى سعرها فى مصر 150 المانيوال
جرب فى كذا عربية الاول هتلاقى الاسعار فى مصر مبالغ فيها جداااااااا.
شكرا على الاسعار , معلش كنت عايز اسال ال316 موجودة فى المانيا 2009؟ اصل انا مش شايفها فى الpricelist بتاعتهم , شايف من اول ال318 بس.
دا من غير ما تشيل الضرايب 19% كمان
BMW 316 I XENON NAVI PRO EU 24445اقتباس:
شكرا على الاسعار , معلش كنت عايز اسال ال316 موجودة فى المانيا 2009؟ اصل انا مش شايفها فى الpricelist بتاعتهم , شايف من اول ال318 بس.
http://pic.autoscout24.net/images/34...6490346001.jpg
مزودة بمصابيح زنون اضافية وجهاز ملاحة الي ومواصفات رياضية اوروبية
انا كدا شلتهم بس حسبت الجمرك على اساس سعر البيع للمستهلك مش على اساس سعر المصنع و دا هيعمل فرق طبعااقتباس:
دا من غير ما تشيل الضرايب 19% كمان
شكرا على الرد
صحيح
عفوا ماخدتش بالي وانت بتضرب في 0.81
لكن حتضيف حوالي 8000 جنيه شحن ومصروفات
فيبقي السعر النهائي حوالي 130 الف
اقل من سعر الوكيل في مصر ب 20 الف وكماليات اكتر بكتير ومواصفات احسن
اولا حضرتك تستحق الشكر على مشاركاتك القيمة
ثانيا : انا فى الاول شفت مشاركة الاخ som3a اللى رد فيها على ، و قعدت احسب لغاية لما لقيتة مش حاسب الشحن و لسة هعمل رد ، و بنزل لتحت لقيت مشاركتك اللى خلصت النقطة دى .
و فى النهاية طلع الفرق 20000 جنية و دة ميزة فى مقابل حاجات تانية زى اية :
1- الضمان - مفيش ضمان
2- ما ذكرتة من عدم ملائمة السيارات المصنعة للاستهلاك الاوربى و الجو البارد لاستخدامها فى مصر ذات الجو الحار
3- بعض الامكانيات لا يمكن استخدامها مثل كساحات الثلج اللى حضرتك قلت عليها و ان كانت ممكن تنفع فى كسح المجارى عندنا فى مصر
4- متنساش ان الوكيل يقوم بعمل عروض احيانا تعتبر ضمنيا نزول فى السعر بطريقة غير مباشرة يعنى الاوكتافيا االى حسبناها سوا دى منزلين عليها عرض سنتين صيانة مجانية و ترخيص 3 سنوات مجانا
يعنى نقدر نقول صيانة سنتين حوالى 5000 على الاقل + ترخيص 3 سنوات حوالى 2000 جنية يبقى ثمن العربية نزل 7000 جنية
5- اعتقد هتلاقى مصاريف اضافية للى حسبناة و هتطلع بشكل غير رسمى عشان حضرتك تستلم العربية و تخرجها من الجمرك - طبعا كلنا عارفين النظام
6- الاجراءات و العطلة و القلق اللى الواحد هيبقة فية لحد ما يستلم عربيتة .
7- قطع الغيار اللى ممكن متلاقيهاش فى التوكيل و تضطر تبعت تجيبها من برة .
مش عارف مين يقبل كل السلبيات اللى فاتت فى مقابل انة يوفر 13000 جنية ( دة لو مفيش مصاريف اضافية ) و هو اصلا دافع 130000
علما بأن 13000 منهم مكسب الوكيل شاملة الضمان للسيارة 5 سنوات .
و اشكر حضرتك للمرة الثانية بس انا كنت فاكر الفرق هيبقى يستاهل على الاقل 25%
معلش انا نسيت الشحن و كدا بس برده انا حسبت على اساس الجمرك على تمن البيع للمستهلك بس هو فى الحقيقة بيتحسب على الجملة و دى تفرق كتير .اقتباس:
اشكر حضرتك للمرة الثانية بس انا كنت فاكر الفرق هيبقى يستاهل على الاقل 25%
ثانيا الاوكتافيا اللى ب150 الف فى مصر دى اول فئة فاضية مانيوال بدون جنوط و لا فرش جلد و لا اى حاجة خالص , الاوكتافيا بتوصل ل 230000 الف قى مصر حسب الoptions.
ثالثا الفكرة برده فى مبالغة التوكيل فى مكسبه لانها بتقف عليه باقل من السعر بتاعنا دا يكتير , فى توكيلات كتير بتقبل صيانة العربيات اللى جاية من بره.