المشاركة الأصلية كتبت بواسطة SAMER_ENGINES
و ياريت نسيب التعصب في الكورة او الدين او اللون او اي حاجة علي جنب دلوقتي احنا بنحب العربيات و داخلين الموقع هنا نتكلم عن حاجة بنحبها كلنا فمفيش داعي للعصبية
و بصراحة فكرتوني كنت مرة اتخانقت مع واحد (دمه يلطش) في جمرك بورسعيد مع اني بحب بورسعيد اوي و بعد ما كنت حابب بورسعيد و مصر اني اروح تاني و تالت و رابع رجعت متضايق جداا و بحكي لصديقة ليا و بقولها تخيلي حصل كذا كذا معايا و اتضايقت من بورسعيد كلها (المصيبة بقي انها طلعت بورسعيدية أصلاً) و قالت لي يا بني بقي عشان واحد اتخانق معاك تقوم تحكم علي بلد بحالها!!
ففعلا من ساعتها قلت لازم الواحد يكبر دماغه و مش كل واحد مجنون و لا متخلف يقابلنا و يعمل معانا موقع او يضايقنا يبقي نحكم علي الناس كلها.