معقولة سعر السيارة دي كدة؟؟؟

**Mido80** · 08-01-2009 07:20 AM

وانا باتصفح موقع car100100 اليوم شوفت السيارة الحلوة دي (مرسيدس عيون E200 - موديل 96) بس اتجننت لما شفت سعرها. نفسي اعرف لية اسعار السيارات اللي فوق 1600 سي سي غالية كدة؟

عارفين السيارة دي سعرها هنا في قطر كام؟ 25 الف ريال قطري ما تزيد درهم واحد (يعني حوالي 38 الف جنية مصري). لية بقي سعرها ربع مليون جنية في مصر؟

انا في يوم طقت في دماغي اركب BMW بالصدفة قابلت واحد صاحبي اردني وقلت لة عاوز بي ام، قالي عندي واحدة و رحت عندة البيت وراني BMW الفئة السابعة موديل 2004 صاروخ...تخيلوا قالي عاوز فيها كام؟ قالي هي بتاعة واحد صاحبة وهو بيبيعهالة وطالب فيها 75 الف ريال (125 الف جنية مصري) كلام فارغ يعني. فياريت الوضع بتاعنا يغير من الدول دي ويعملوا زيها
http://car100100.com/car_details.php?car=6395

**mixd99999** · 08-01-2009 07:31 AM

اقوولك على حاجة من الاخر
هما مش بيقولو ان مصر ام الدنيا
يبقى لازم ام الدنيا تكون غير كل الدنيا

ده اللي اقدر اقولهولك
وحسبي الله ونعم الوكيل في كل ظالم

**dr_abooody** · 08-01-2009 07:47 AM

اكيد في ناس كتير زيك مش عارفين لحد دلوقتي

الواحد هنا في مصر لما يشتري عربية 1600 سي سي بتنصب علية في 61 % من تمن العربية جمارك
لما تكون 2000 بيتضحك علية في 235 % جمارك

و اللي راكب زلموكة دة يبقى جامد اوي
امال اية دة مرسيدس يابا
و يبيع العربية اللي بقالها 20 سنة و بقت كهنة ب 120 الف و هو صاحبها اصلا كان شاريها ب 50 الف

**tutankhamoun** · 08-01-2009 07:51 AM

و الله أحوال مصر الاقتصادية لا تسمح بالنزول بأسعار السيارات و إنتشارها كما في دول الخليج صغيرة السكان الكبيرة في شبكات الطرق و الغنية بالبترول

و إن كنت أعتب على الحكومة عتاب كبيــــــــــــــــــــــ ـــــــــــــــــــــــــ ــــــــــــــــر
لعدم إهتمامها بالمواصلات العامة و تحسين حالة الطرق و تبسيط حياة الناس

إنما سيارات كثيرة :
1 زحام شديد في طرق غير مصممة لإستيعاب هذا العدد من السيارات كما يحدث الآن و السيارات غالية ( طيب لو رخصت أيه اللي هايحصل ؟؟؟؟؟ )
2 إستهلاك عالي جد لموارد البلد من البترول و البنزين ( اللي أحنا أصلا بنستورده من دول الجوار ) بسبب عدم كفاية حصتنا من الإنتاج المحلي !!!!
3 تدمير البيئة ( تلوث رهيب للبيئة ) و تغير مناخ الأرض و طبعا عارفين ان الولايات المتحدة الصهيونية Zionist USA مسئولة مسئولية كبيرة جدا عن التلوث نظرا لرفاهية الشعب الصهيوني هناك The Zionists of America .
و طبعا لو كل الشعوب حذت حذو الشعب الصهيوني الأمريكي Zionists of America هانلاقي أن القطب الشمالي و الجنوبي هايذوبوا بطريقة أسرع و تختفي الدلتا المصرية و ما بها من مدن و أحتمال كبير أن القاهرة كمان تختفي لأن مصر دولة مسطحة و لا يوجد بها جبال و هضاب و نحن قريبون جدا من مستوى سطح البحر .

دي بقى الأخطار الناتجة عن التلوث اللي السيارات مسئولة عنه بنسبة تزيد عن 80 % نظرا للعوادم الرهيبة و ثاني أكسيد الكربون الخارج من عوادمها !!!!

يلا ......... الحكومة تنزل أسعار العربيات و الشعب كله يركب عربيات 2000 سي سي علشان نتمتع بالسرعات العالية و نغرق كوكب الأرض و نغرق مصر في مياة البحر المتوسط لتزحف حدود و شواطئ البحر المتوسط إلى القاهرة
و بدلا من أن نذهب إلى الأسكندرية للتصييف .......... نطلع طلعة صغيرة كام كيلومتر ......... و ناخد كام غطس في البحر و نرجع الشغل تاني من غير ما نسافر 220 كم ..!!!

للآسف هي دي الحقيقة اللي الحكومة الأمريكية الصهيونية Zionist American Government تحاول الهروب منها بغض النظر عن تحذريات رجال الطقس حول العالم و حتى رجال ناسا ووكالة الفضاء يحذرون من ذلك .

و طبعا الصهاينة Zionists ودن من طين وودن من عجين زي حالهم في فلسطين بالظبط Zionists of Palestine 1948

**Samir Elshahawy** · 08-01-2009 02:24 PM

يلا ......... الحكومة تنزل أسعار العربيات و الشعب كله يركب عربيات 2000 سي سي علشان نتمتع بالسرعات العالية و نغرق كوكب الأرض و نغرق مصر في مياة البحر المتوسط لتزحف حدود و شواطئ البحر المتوسط إلى القاهرة

قول أمين , من بقك للسما

**ringoo84** · 08-01-2009 02:58 PM

الغريبه فعلا ان الجمارك كثير جداااا على العربيات في مصر والاغرب انك مبتلاقيش ده ظاهر في اقتصاد الدوله نفسها ده غير الضرائب والرسوم على اي حاجه المواطن بيعملها واخرها هيأجرولك بيتك حاجه تحفه .................. ربنا يسترها

**magyver** · 08-01-2009 04:42 PM

حسبي الله ونعم الوكيل

**Terrible_DaRsH** · 08-01-2009 05:04 PM

فى حوار بين مسئول امريكى ومسئول عربى
المسئول الامريكى :-
احنا فى اميركا بندى المواطن 10 الاف دولار فى الشهر كحد ادنى
وبناخد منه 500 دولار ضرائب وفواتير كهرباء وميه وخلافه
ومابنسألوش بيودى الباقى فين
رد عليه المسئول العربى
احنا بقى احسن منكم
احنا بندى للمواطن 200 دولار فى الشهر
وبناخد منه 500 دولار ضرائب وفواتير
ومابنسألوش بيجيب الباقى منين

**احمد عبدالله** · 08-01-2009 05:26 PM

حسبي الله ونعم الوكيل

**tutankhamoun** · 08-01-2009 07:42 PM

المشاركة الأصلية كتبت بواسطة Terrible_DaRsH

فى حوار بين مسئول امريكى ومسئول عربى
المسئول الامريكى :-
احنا فى اميركا بندى المواطن 10 الاف دولار فى الشهر كحد ادنى
وبناخد منه 500 دولار ضرائب وفواتير كهرباء وميه وخلافه
ومابنسألوش بيودى الباقى فين
رد عليه المسئول العربى
احنا بقى احسن منكم
احنا بندى للمواطن 200 دولار فى الشهر
وبناخد منه 500 دولار ضرائب وفواتير
ومابنسألوش بيجيب الباقى منين

أنت بتتكلم جد ؟؟؟ و لا الموضوع هزار ؟؟؟

لأن أنا أعرف مفيش حد في أمريكا بيأخد المبلغ ده غير فئة قليلة جدا
و أغلب المرتبات في أمريكا بتتراوح ما بين 900 دولار إلى 2000 دولار في الشهر و الضرائب هناك مرتفعة جدا جدا جدا جدا جدا
يعني الضرائب الللي أحنا بندفعها هنا في مصر ....مقارنة بدول أوروبا و أمريكا ....... قليلة

مفيش حد بيأخد 10 الاف دولار في الشهر و لا حتى الدكاترة !!!
اللي أعرفه أن الأطباء هناك مرتباتهم بتتحسب كالتالي من 30 إلى 50 ألف دولار في العام
مبرمجي الكمبيوتر المحترفين من 25 إلى 50 ألف دولار في العام
المحاسبين .... من 30 إلى 60 ألف دولار في العام
المحامون ( دخل و ليس مرتب ) حسب شطارة المحامي و كفائته
مش زي ما الناس متصورة هنا ....
و الضرائب هناك مرتفعة جدا يا جماعة و الله
بس الفرق أن الحكومة هناك بتأخد الضرائب و تنضف بيها البلد

الموضوع: معقولة سعر السيارة دي كدة؟؟؟

LinkBack

أدوات الموضوع

عرض

معقولة سعر السيارة دي كدة؟؟؟ - انشر الموضوع فى :

-

-

-

-

-

-

المواضيع المتشابهه

هل هذه الأسعار معقولة ؟

معقولة الاتوماتيك ماتتجرش ?

معقولة السعر ده ؟؟؟

معقولة !!!! دا يحصل بجد ولا خدعة !!!

مش معقولة ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة