-
بم تفسر؟
الاخوة البيجوهاتية الاعزاء
امبارح كنت عند الميكانيكي وقمت بالاتي
1- عمل طاقم إصلاح لعلبة الدريكسيون في شارع شمبليون.
2- تغيير تيش الفتيس (3 تيش)
3- بارات داخلية وخارجية
4- تغيير البيض الامامي.
5- تغيير بلي العجل الامامي Sfk.
6- الى جانب تغيير جوانات الشكمان (4 جوانات مشترك)
7- تم عمل ضبط زوايا وتزويد زيت الفتيس بسبب نزولة من الكوبلن.
الملاحظات
1- تقل في الدريكسيون بصفة عامة مع سماع صوت طلمبة الباور عند تدوير الطارة على الواقف.
2- برجلة في العربية عند سرعة 130 فما فوق
طبعا انا مش لاقي تفسير للي حصل وبالذات ان كل الحاجات دي جديدة والمفروض احس بتحسن مش العكس
افيدونا افادكم الله
-
سيادتك متشرفتش بنوع عربيتك مع بس طلب توضيح معني (برجله) هل تقصد برجله في الموتور بيقطع مثلا ولا برجله يعني هزه في العربيه مع السرعات العاليه يعني حضرتك تقصد الدريكسيون بيتهز في ايدك؟؟
ويارب بأذن الله اكون في خدمتك واحاول افيدك
-
يا باشا اولا الف شكر لإهتمامك
العربية بيجو 405 1600
البرجلة عبارة عن هزة في العربية وبتبان فعلا في الريكسيون عند ال 130
وشكرا ليك مرة تانية
-
يا استاذ احمد احنا هنا كلنا اخوات وفخدمتك وتحت امرك في اي وقت
برجلة الدريكسيون دي من بتكون لسبب من اتنين
ظبط زوايه وترصيص وحضرتك بتقول ظبط زوايه بس هل حضرتك (رصصت)
او يكون في فردة كاوتش عندك في العربيه مش تمام يعني ممكن تكون فيها لحام داخلي او (رفه) دي الي بتعمل الرجه دي علي السرعات العاليه
موضوع الباور ده يا باشا بصراحه مش عارف افيدك فيه بصراحه متعاملتش مع باور قبل كده فبلتالي مش عارف مشاكله
استني حضرتك راي باقي الاعضاء واكيد هيفيدوك
ويارب انا اكون افادتك علي قد معلوماتي وفخدمتك يا باشا دايما وفي اي وقت
-
الف شكر يا باشا
عموما انا هاروح اعيد الزوايا عند واحد انا عارفة كويس .. وارصص ونشوف ...ربنا يسهل
-
بالنسبة للباور لزم يتقل عشان البيض لسه جديد وناشف هيلين مع الشغل
والبرجلة ممكن تكون العفشة عوزة تربيط أو ضبط زوايا أو الكوتش
-
الف شكر The-hero باشا
تم إعادة ضبط الزوايا وترصيص الاربع عجلات والحمد لله في تحسن واضح
Content Relevant URLs by
vBSEO 3.6.0 PL2