الموضوع: شفتوا التحدى (خبر ينرفز)

يا جماعه لازم نكون منطقيين بمعنى :
الشركات بره حتقلل الأنتاج و تسرح عمال و توقف الأنتاج عدة أيام كويس بس هيا عليها مصاريف وكمان قلة الأنتاج معناها زيادة أسعار مواد التصنيع .
من جهه تانيه الشركات فى مصر برضه عليها مصاريف كتيره و فى نفس الوقت حتقلل الاستيراد للنص ده معناه الأتى :
العربيات حيقل المعروض منها و تزيد فترة الحجز و تغلى أثناء فترة الحجز .
المستوردون حيغلوا علشان يعرفوا يستمروا فى السوق و يوفروا مرتبات الناس و مكسبهم .
الأكيد و الازم حدوثه هو أن المستوردين يرخصــوا العربيات موديل 2008 علشان يخلصوا منها و يبتدوا فى شغل السنه الجديده و يحاولوا تحقيق مبيعات جديده بأسعار جديده .
و حتلاقوا أن كل التخفيضات عالميا على موديلات 2008 أو لو شركه أنتجت كميات كبيره أخر 2008 بس موديل 2009 و عايزه تخلص المخزون ده علشان يبتوا ينتجوا بعد كده أقل بأسعار أعلى .

حضرتك الكلام دا غير منطقى اطلاقا
اولا صحيح الشركات بتقلل الانتاج بس فى نفس الوقت البترول وصل ل حاجة و اربعين دولار بعد ما كان وصل 125$ او اكتر يعنى تكلفة انتاج اقل بكتييير اوى لان البترول المحرك الاساسى للمصانع , تكلفة المواد الخام نزلت لاقل من انص (يمكن وصلت التلت او اقل) لان العربيات دى صناعة حديد و صلب و اسعار كل حاجة من اول الحديد لحد النحاس اللى فى الاسلاك و البلاستيك و الكلام دا كله نزل لاقل من النص بكتير عالميا.
ثالثا التوكيلات عندها مصاريف لازم تغطيها و فى نفس الوقت فى ركود و مش عارفة تبيع معنى انها تحافظ على التكلفة او تزودها هيزود الركود و بالتالى معناه خسارة كبيرة , حاجة تانية التوكيلات فى الاصل مبالغة جداااا فى ربحها بدليل منافسة الخليجى , و اخر حاجة و دى مش انا اللى بقولها لأ التوكيلات هى اللى بتقولها و هى ان فى فائض كبير اوى فى الخليج و ناوين يصفوا شوية منه ف مصر معنى كدا ان العربيات الخليجى هترخص و بالتالى هتضغط جامد على التوكيلات فى مصر انعها تنزل سعرها, دا غير اساسا كتر التوكيلات فى مصر و المنافسة الشديدة جدا بينهم و فى كل فئة تبقى محتار بين 5 عربيات مثلا مش عارف تجيب انى واحدة فلما كانت الحالة كويسة و الناس بتشترى بالهبل و ضغط كان كلهم عندهم لست حجز فكانوا بينفسوا مين يغلى الاول اما دلوقتى فالعكس هو اللى بيحصل و بالتالى هيتنافسوا مين ينزل اكتر.
مثال كمان واحد زى غبور كان بيبيع الالنترا ب 92000 المانيوال و 98000 اول فئة اوتوماتيك , فى ظل الضغط غلاها ل 104000 المانيوال دلوقتى نزلها تانى ل 96750 و اكيد لازم يوصل لسعرها الاساسى اللى هو 92000
حاجة اخيرة البنوك دلوقتى بتحاول باى شكل تحافظ على السيولة اللى معها و مبتديش قروض لناس تشترى عربيات بالتقسيط فبالتالى ناس كتير اوى مش هتقدر تشترى عربيات دا غير الناس اللى كانت بتدفع كاش اللى فلوسها واقفة فبالتالى ناس كتير حتى لو عجبها السعر و عايزة تشترى مش هتقدر تشترى و كل دا بيسبب قلة فى المبيعات .

يا جماعه اصبرو . الاسعار هتنزل . بس طبعا موضوع 50% دى مبالغه . انا متوقع 20 % الى 30% بالكتير و هيبتدى الهبوط من مارس على حد اقصى و ممكن اخر يناير كمان . و تعالوا نحسبها :

اسعار الطاقه و والحديد نزلت اكتر من النص و بالتالى اسعار المدخلات لانتاج السياره رخصت و لاتالى السعر النهائى هيقل .

انا قريت الخبر اللى على موقع كونتكت بتاع الراجل بتاع منصور . بس على فكره الناس دى خايفه جدا و كلامهم متضارب و اكبر دليل سعر الشيفرليه السبارك موديل نزلت من 58 الف الى 55 الف و موديل 2009 مش موديل قديم عشان حد يقول انها تصفيات موديل السنه .

المشكله عندهم فعلا فى المخزون . لانه على السعر القديم .

افتكرو كده الحديد لما نزل بره قعد كام شهر عقبال ما نزل عندنا ؟ و نزل من 7700 الى 4000 حاليا تقريبا و برضه اغلى من السعر العالمى اللى بيوصل 3000 تقريبا .

المساله مساله وقت . و المستعجل هيخدم الصبور لانه هيشترى من المخزون العالى .

أرسل أصلا بواسطة SE_coralsea
مع أحترامي للكثير مما قيل عن أنخفاض الاسعار من جهة و ثباتها أو ارتفاعها من جهة , فأني أري أن من سيكسب هذه الحرب الكلامية هو من يستطيع الصمود و يصبر لاطول وقت ممكن

فنحن كمشترين لن نخسر شئ أذا توقفنا قليلا عن الشراء (فلوسنا في جيبنا) ,

بجد يا جماعه لازم نصبر شويه و نحاول علي قد مانقدر نمسك نفسينا و اللي عايز يغير عربيته مفيش مانع لو استني شويه و اللي عايز يشتري عربيه مفيش مانع انه يستني يشوف ايه اللي هيحصل في الدنيا بدل مايرمي فلوسه في الارض و هوا مش هيموت يعني لو قعد من غير عربيه شهر كمان و الا شهرين و هوا اكيد اولي من التجار بالفرق اللي هيلاقيه في فلوسه

بس ربنا ما يخيب ظننا و الاسعار تنزل بجد علشان الجشع بجد بقي لا يطاق



ارحمونا كفايه جشع بقي

استغفر الله العظيم

أرسل أصلا بواسطة SE_coralsea
مع أحترامي للكثير مما قيل عن أنخفاض الاسعار من جهة و ثباتها أو ارتفاعها من جهة , فأني أري أن من سيكسب هذه الحرب الكلامية هو من يستطيع الصمود و يصبر لاطول وقت ممكن

فنحن كمشترين لن نخسر شئ أذا توقفنا قليلا عن الشراء (فلوسنا في جيبنا) ,

بجد يا جماعه لازم نصبر شويه و نحاول علي قد مانقدر نمسك نفسينا و اللي عايز يغير عربيته مفيش مانع لو استني شويه و اللي عايز يشتري عربيه مفيش مانع انه يستني يشوف ايه اللي هيحصل في الدنيا بدل مايرمي فلوسه في الارض و هوا مش هيموت يعني لو قعد من غير عربيه شهر كمان و الا شهرين و هوا اكيد اولي من التجار بالفرق اللي هيلاقيه في فلوسه

بس ربنا ما يخيب ظننا و الاسعار تنزل بجد علشان الجشع بجد بقي لا يطاق



ارحمونا كفايه جشع بقي

استغفر الله العظيم

احنا اللي بنزل الاسعار ..... و احنا اللي بنرفعها
بمنتهى البساطه لو اشترينا .... يبقى فيه طلب ... التاجر يرفع سعره ويزود مكسبه
لو مشتريناش ...... مفيش طلب و البضاعه مركونه .... التاجر يعمل ايه ....
1-يزود سعره عشان نجري نشتري قبل ما تغلى اكتر ؟؟؟؟؟
2-ولا ينزل سعره علشان الناس تشتري منه ؟؟؟؟

هما متعودين على الخيار 1 واحنا كنا بنساعدهم على كدة طول عمرنا.... ان الاوان بقى نجبرهم يختاروا 2
و دة دورنااااااااااااااااا اننا نخليهااااااااااااا تصدىىىىىىىىىىىى