الموضوع: دعوة لاطلاق اسم الشهيد ياسر علي معبر رفح

المشاركة الأصلية كتبت بواسطة meza

ضابط مات أثناء تأدية واجبه ... يُكرم و أسرته تُكرم ... لكن المبالغة بالشكل ده فى تكريمه قد يكون له آثار سلبيه بغض النظر عن موقفنا من حماس فتأثير ذلك الموضوع على نفوس الفلسطينيين سىء .. و هما مش ناقصين بصراحة.





.

اتفق معك
الشهيد مات أثناء تأدية واجبه و لكن تخليد ذكراه بهذا الشكل على المعبر قد يضر اكثر ما يفيد
في النهاية لا يجب اخذ الفلسطينيين كلهم بذنب احدهم يتصرف بحماقة او يقوم بتصرفات هوجاء

المشاركة الأصلية كتبت بواسطة Micro513

يا جماعه الضابط ياسر ساب بعده ثلاث قطط(3 اطفال ايتام)
اتقوا الله ده اقل حاجه مصر ممكن تعمله . مش عشان ياسر ولاحماس ولا مصر نفسها ده عشان الايتام الثلاث
للاسف محدش فيكم فاهم يعنى وادحده ست هاتجرى على ثلاث ايتام
ممكن لو كان فيه حد من المعارضين كان طفل صغير وابوه مات شهيد
سواء فى الحرب مع اليهود او يودى عمله مثل ياسر كان اسلوب الكلام
اتغير
انا بصرحه مش لاقى كلام اقوال والله الكلام وقف فى زورى خايف اغلط
فى الكلام وحد يزعل منى ها كتفى بهذا القدر

اسم الضابط على المعبر مش هايأكل ولاده عيش

الراجل لازم يكرم معنويا طبعا و ماديا كمان و أقل واجب من "مصر" تجاه رجلها اللذي مات دفاعا عن "حدودها" انها تكفل العيش الكريم لأسرته من بعده

انما اطلاق اسمه على المعبر ...له أهداف أخرى مالهاش علاقة بالأولاد اليتامى

المشاركة الأصلية كتبت بواسطة Ahmed Samy

أنا ضد الفكرة تماما

الضابط الله يرحمه و على عينا و على راسنا طبعا

انما ليه ما اطلقوش اسم واحد من اللي اسرائيل قتلتهم على المعبر و سحلتهم ؟؟؟؟ ولا اللي انضربوا بقذيفة الدبابة

اللي دفعوا لأهلم 14 الف ملطوش و سكتم بكتم

أقوللك ليه

لأن تلميع الشهيد و نشر قصته بينمى روح العداوة و الثأر في النفوس

يعني كل ما هاتسمع اسم معبر الشهيد هاتفتكر ان حماس قتلت ياسر (كما قرر الإعلام الموجه)

و ده هو الغرض ...اننا نكره حماس

و نحب اسرائيل الطيبة اللي بلاويها تتنسي

انما حماس !!

نلفق لها بلوة و نبروزها ونعلقها على الحيطة


أنا ضد اطلاق اسم الشهيد على المعبر أو على شارع أو حتى على سوبر ماركت

عندنا شهداء كتير على يد العدو الصهيوني

و هم أولى (ليس من باب الاستحقاق ولكن من باب الهدف) باطلاق اساميهم و بروزة قضيتهم



الله يرحم الضابط ويغفرله و يرزقه الجنة و يغفر لنا جميعا

رغم ان الشهيد ابن بلدتى الا اننى غير موافق طبعا

ربنا يرحمه ويجعل مثواه الجنه

لكن الفكره تنمى روح العداء ضد اخواننا
وكان اولى يتم اطلاق ذلك على من قتلتهم اسرائيل امام اعيننا