الموضوع: دعوة لاطلاق اسم الشهيد ياسر علي معبر رفح

المشاركة الأصلية كتبت بواسطة Ahmed Samy

أنا ضد الفكرة تماما

الضابط الله يرحمه و على عينا و على راسنا طبعا

انما ليه ما اطلقوش اسم واحد من اللي اسرائيل قتلتهم على المعبر و سحلتهم ؟؟؟؟ ولا اللي انضربوا بقذيفة الدبابة

اللي دفعوا لأهلم 14 الف ملطوش و سكتم بكتم

أقوللك ليه

لأن تلميع الشهيد و نشر قصته بينمى روح العداوة و الثأر في النفوس

يعني كل ما هاتسمع اسم معبر الشهيد هاتفتكر ان حماس قتلت ياسر (كما قرر الإعلام الموجه)

و ده هو الغرض ...اننا نكره حماس

و نحب اسرائيل الطيبة اللي بلاويها تتنسي

انما حماس !!

نلفق لها بلوة و نبروزها ونعلقها على الحيطة


أنا ضد اطلاق اسم الشهيد على المعبر أو على شارع أو حتى على سوبر ماركت

عندنا شهداء كتير على يد العدو الصهيوني

و هم أولى (ليس من باب الاستحقاق ولكن من باب الهدف) باطلاق اساميهم و بروزة قضيتهم



الله يرحم الضابط ويغفرله و يرزقه الجنة و يغفر لنا جميعا

من المفهوم ان في صراعنا الطويل مع العدو الاسرائيلي كان هناك الكثير من الشهداء وان اختلف معك في عددهم اللي تعدي المائه الف شهيد

وليس 6 شهداء فقط ارتوت بدمائهم الذكيه ارض سيناء

علي مدار اربعة حروب

ولكن ان يقتل ضابط مصري يؤدي واجبه لحماية ارضه بيد فلسطيني عربي مسلم
فهذا ما نستنكرة ونرفضة رفضا تاما !!!!

المشاركة الأصلية كتبت بواسطة ahmedkafas

انا مختلف معكم

اي منطق غريب هذا ان امنع تكريم القتيل علشان القاتل ما يزعلش

نحن لسنا في حاله حرب مع حماس

والضابط قتل بلا جريرة

ولو جينا للحق كان لازم الحكومة المصرية تطالب بمحاكمة قاتليه

نسيتم قول الله تعالى

بسم الله الرحمن الرحيم
من قتل نفساً بغير نفسٍ أو فساد في الأرض فكأنما قتل الناس جميعاً
ومن أحياها فكأنما أحيا الناس جميعاً"



صدق الله العظيم

..المائدة 32

انا مش قصدي ان حماس ماتزعلش !!!
ولا نحرمه حقه ولا حاجة

الفكرة ان مصلحة وفاق الأمة و جمع الشمل تفوق مصلحة تكريم الرجل

ده غير ان عدم اطلاق اسمه على المعبر مش حرمانه من حقه ولا حاجة

هو اللي يموت في الحرب لازم نطلق اسمه على حاجة ؟؟؟

الراجل خد وسام و وولاده قابلهم الريس و بقى شهيد الواجب

يبقى ماحدش حرمه من حاجة

اما موضوع القصاص ...فأنا معاك يا ريت يجيبوا اللي قتله و نسمع منه هو قتله ليه (ده ان كان من حماس اساسا)