الخبر اليقين - أسعار السيارات فى أوروبا لم تنخفض!!!

أنا بقالى أكثر من شهر عمال أسمع عن أسعار العربيات بره انها نزلت 20% و 30% و وصلت كمان لـ40% بس ماكانش فى حد بيقول معلومه كامله... يعنى كل اللى كنت باسمعه ان "هما بيقولو" او "الدنيا كلها" و حاجات كلها عامه، يعنى مفيش خبر دقيق.
المهم، لقيت عندى مجله عربيات كان واحد جايبهالى من فرنسا اسمها Auto Journal و العدد اللى عندى صادر فى نوفمبر 2008 و مكتوب عليه 20 نوفمبر - 3 ديسمبر. المجله فى أخر جزء فيها قسم لأسعار جميع العربيات تقريباً اللى بتتباع فى فرنسا... أخدت الأسعار ديه و دخلت على الموقع بتاع نفس المجله http://www.autojournal.fr/ و جبت الأسعار الجديده و قارنتها بالأسعار بتاعت نوفمبر... مع الأسف لقيت ان الأسعار شبه ماتحركتش و اللى نزل، نزل تقريباً 5%!!!
أنا بس عايز اسأل... هيا المفروض ان الأسعار نزلت بره من قبل كده؟ أنا ماسمعتش أى حاجه خالص عن نزول أسعار فى أوروبا قبل كده! ياريت لو حد عندو معلومه مؤكده و مدعومه بدليل يقوللنا. أنا لما سئلت قرايبى اللى عايشين بره قالولى ان الأسعار نزلت فى أمريكا (بسماعنديش اثبات) و لكنها ما نزلتش فى أوروبا!
قبل ما أسيبكم مع جدول الأسعار عايز أقول ان انا ماكنتش بدور أوى على العربيات اللى بتنزل عندنا على قد ما كنت بحاول أدور على نفس العربيه (فى الجله و على الموقع) علشان أعرب أشوف نسبه التخفيض - طبعاً لازم أقول برده ان فى حاجات ممكن تكون فيها فرق 2008 و 2009 بس برده انا مش بدور على تفاصيل أوى... لكن كنت بحاول أشوف حاله السوق بصفه عامه و ربنا يسهل أحاول أعمل نفس الموضوع ده كل شهرين ثلاثه علشان يبقى عندنا فكره عن الدنيا بره.
عموماً الجدول عندكم و الموقع عندكم و اللى يحب أعمله scan من المجله ماعنديش مانع.

http://www.4shared.com/file/79574870...ar_Prices.html

حتى لو سلمنا بكلام حضرتك مع أنه غير صحيح على الأطلاق وبريطانيا من دول الأتحاد الأوروبي وفيها الأسعار نزلت الأرض وعرض أشتري سيارة وأحصل على واحدة مجاناً مع تحمل الضرائب فقط على السيارة الثانية مازال قائماً وأيضاً السيارات في السويد نزلت وأحد الأعضاء من السويد عمل موضوع وضح فيه أن الأسعار أنخفضت أكثر من 30% مع أفتراض أن كل الكلام دة غير موجود بالمرة وأن الأسعار لم تنخفض في أوروبا هل التوكيلات والتجار هناك زي عندنا ؟ هل هامش الربح يتعدى العشرة والعشرين ألف على كل سيارة ؟ بلاش دي .. نسبة الفايدة على قروض العربيات هناك كام وعندنا كام ..التوكيلات بتسرق الناس هناك زي هنا ؟؟ وكم من المواضيع اللي تملأ المنتدى عن المشاكل مع التوكيلات والنصب والخداع اللي بيحصل مع الناس .. هل هناك يقدر يزود ألف يورو على عربية نتيجة لزيادة الطلب عليها ؟ أحنا عندنا يزود ألف و أثنين وعشرة كمان يا سيدي الفاضل تجار السيارات عندنا يستحقون درساً قاسياً في التعامل مع المستهلك المصري يستحقون صفعة قوية حتي يفيقوا من جشعهم و تجبرهم على الشعب وليكونوا عبرة لغيرهم من التجار ومن لا يعتبر فلا يلومن إلا نفسه .

اقتباس:

---

المشاركة الأصلية كتبت بواسطة AshTurbo

مع أفتراض أن كل الكلام دة غير موجود بالمرة وأن الأسعار لم تنخفض في أوروبا هل التوكيلات والتجار هناك زي عندنا ؟ هل هامش الربح يتعدى العشرة والعشرين ألف على كل سيارة ؟ بلاش دي .. نسبة الفايدة على قروض العربيات هناك كام وعندنا كام ..التوكيلات بتسرق الناس هناك زي هنا ؟؟ وكم من المواضيع اللي تملأ المنتدى عن المشاكل مع التوكيلات والنصب والخداع اللي بيحصل مع الناس .. هل هناك يقدر يزود ألف يورو على عربية نتيجة لزيادة الطلب عليها ؟ أحنا عندنا يزود ألف و أثنين وعشرة كمان يا سيدي الفاضل تجار السيارات عندنا يستحقون درساً قاسياً في التعامل مع المستهلك المصري يستحقون صفعة قوية حتي يفيقوا من جشعهم و تجبرهم على الشعب وليكونوا عبرة لغيرهم من التجار ومن لا يعتبر فلا يلومن إلا نفسه .

---

فعلا العمليه عندنا استوت على الاخر لما تلاقي طلب زاد على نوع موعين تلاقي التوكيل يقولك مفيش عربيات وبالحجز وتلاقي العربيه فعلا زادت الوفات والتوكيل يتنطط على المشتري كمان من صيانه وغيره ...........
وفعلا الاسعار نزلت بره مصر وفمصر كمان في عربيات نزلت قيمتها 2000 و3000 وبيقال ان الالنترا نزلت 10000 .............:shyy:

تم رفع صور الأسعار من المجله...
http://www.4shared.com/file/79585269...toJournal.html
http://www.4shared.com/file/79585273...talogue-1.html
http://www.4shared.com/file/79585271...talogue-2.html
http://www.4shared.com/file/79585270...talogue-3.html
http://www.4shared.com/file/79585267...talogue-4.html

عنوان الموقع www.autojournal.fr ممكن حضرتك تخش و تشوف بنفسك و على فكره جشع التجار و ردأه الخدمه فى التوكيلات عندنا ديه حاجه مفروغ منها و ماعتقدش ان فى حد حيختلف معاك فيها بس انا بتكلم على الأسعار عندهم دلوقتى و من شهرين فاتو... ماجبتش سيرة هنا خالص.
بالنسبه للأخ بتاع السويد أكيد هو بيتكلم عن اللى هو شايفه فعلاً... أنا مصدر معلوماتى قدامك... تقدر تشوف انت كمان و تقولى، يمكن اكون غلطان و ماخدتش بالى من حاجه... ياريت تبص كده تانى و تقول لى قبل ما تقول ان كلامى غير صحيح :-)

ممكن حضرتك تقصد أن الموديلات الجديدة ال 2009 أسعارها زي ما هيا ودي حقيقة بس خد بالك من حاجة في فرق بين موديل 2008 و 2009 التاني بينزل أقوى وأحدث من ناحية الكماليات والتكنولوجيا يعني لو قارنت هتلاقي أن الأسعار أنخفضت لأن الجديد موديل 2009 بنفس سعر ال 2008 ومن غير زيادة في السعر مع زيادة في المواصفات والكماليات والتكنولوجيا وعموماً الشركات دي تستهدف فئة معينة وهي الطبقة الغنية زي عربيات الأستون مارتن والأودي والبوجاتي والبنتلي والمرسيدس وأصحاب الطبقة دي مش هتفرق معاهم التخفيضات ومع ذلك الناس عشان في أزمة ثبتوا الأسعار وزودوا المواصفات والكماليات يعني حصل تخفيض في النهاية ومش كل الشركات ثبتت أسعار موديلات 2009 في شركات خفضت في أسعار موديلاتها ومتنساش أن موديلات 2008 مازالت موجودة وهيا دي اللي أسعارها نزلت جامد .

اقتباس:

---

المشاركة الأصلية كتبت بواسطة amelsahn

أنا بقالى أكثر من شهر عمال أسمع عن أسعار العربيات بره انها نزلت 20% و 30% و وصلت كمان لـ40% بس ماكانش فى حد بيقول معلومه كامله... يعنى كل اللى كنت باسمعه ان "هما بيقولو" او "الدنيا كلها" و حاجات كلها عامه، يعنى مفيش خبر دقيق.
المهم، لقيت عندى مجله عربيات كان واحد جايبهالى من فرنسا اسمها Auto Journal و العدد اللى عندى صادر فى نوفمبر 2008 و مكتوب عليه 20 نوفمبر - 3 ديسمبر. المجله فى أخر جزء فيها قسم لأسعار جميع العربيات تقريباً اللى بتتباع فى فرنسا... أخدت الأسعار ديه و دخلت على الموقع بتاع نفس المجله http://www.autojournal.fr/ و جبت الأسعار الجديده و قارنتها بالأسعار بتاعت نوفمبر... مع الأسف لقيت ان الأسعار شبه ماتحركتش و اللى نزل، نزل تقريباً 5%!!!
أنا بس عايز اسأل... هيا المفروض ان الأسعار نزلت بره من قبل كده؟ أنا ماسمعتش أى حاجه خالص عن نزول أسعار فى أوروبا قبل كده! ياريت لو حد عندو معلومه مؤكده و مدعومه بدليل يقوللنا. أنا لما سئلت قرايبى اللى عايشين بره قالولى ان الأسعار نزلت فى أمريكا (بسماعنديش اثبات) و لكنها ما نزلتش فى أوروبا!
قبل ما أسيبكم مع جدول الأسعار عايز أقول ان انا ماكنتش بدور أوى على العربيات اللى بتنزل عندنا على قد ما كنت بحاول أدور على نفس العربيه (فى الجله و على الموقع) علشان أعرب أشوف نسبه التخفيض - طبعاً لازم أقول برده ان فى حاجات ممكن تكون فيها فرق 2008 و 2009 بس برده انا مش بدور على تفاصيل أوى... لكن كنت بحاول أشوف حاله السوق بصفه عامه و ربنا يسهل أحاول أعمل نفس الموضوع ده كل شهرين ثلاثه علشان يبقى عندنا فكره عن الدنيا بره.
عموماً الجدول عندكم و الموقع عندكم و اللى يحب أعمله scan من المجله ماعنديش مانع.

http://www.4shared.com/file/79574870...ar_Prices.html

---

انا مش عارف مدى مصدقية الكلام اللي في المجلة اللي انت حاطط لينك ليها ... لكن كل اللي اقدر اقوله هو ان لي صديق واخ يعمل بكندا منذ اكثر من 12 سنه واتصل بي من يومين بيعيد ويسلم عليا وقي وسط الكلام قال لي ان اسعار السيارات بكندا نزلت حوالي 30% وده كلام واحد عايش في البلد مش كلام مجلة (واعتقد لما الاسعار تنزل في كندا وامريكا بهذه النسب الكبيرة يبقى لازم تكون بالمثل في دول اوروبا)...

خليها تخيس

ادي يا amelsahn اخر الاسعار في المانيا
علشان تصدق

وانا بالمناسبة عايش في المانيا وبقولك الاسعار نزلت
ولسة حتنزل تاني وتالت كمان

http://www.nilemotors.net/Nile/showthread.php?t=53748

صحيح حضرتك بتشتغل فين؟؟؟؟

بص حضرتك الاسعار منزلتش رسميا فى التوكيلات بالعكس توكيل مرسيدس زود مثلا 4% على عربيات كتير فى المانيا
الفكرة ان الموزعين عندهم هما اللى عملوا العروض دى يعنى التوكيلات نزلوا السعر بطريقة غير مباشرة عن طريق الموزعين زى bmw كدا مبتعمل فى مصر, تروح تقولك السعر 600 تروح لموزع تاخدها ب550 كدا مثلا يعنى لو شفت اى pricelist رسمى بتاع اى شركة عربيات هتلاقى نفس السعر.
دا غير عروض التقسيط اللى بتوصل ل 3 سنين بدون فوائد و اكتر بفوائد قليلة جدا و حاجات كدا
الشركات نفسها نزلت عروض خاصة و حاجات كدا يعنى مثلا كماليات زيادة و كلام كدا و فئات اعلى باسعار ارخض فى بعض المركات.
انا عن نفسى مش عايش بره بس انا شفت حاجات كدا كتير لما دخلت على websites بتاعت شركات بتوزع عربيات كدا و شركات العربيات نفسها و عروضها زى اوبل مثلا كانوا منزلين كتير .

اقتباس:

---

المشاركة الأصلية كتبت بواسطة sherif Anton

انا مش عارف مدى مصدقية الكلام اللي في المجلة اللي انت حاطط لينك ليها ... لكن كل اللي اقدر اقوله هو ان لي صديق واخ يعمل بكندا منذ اكثر من 12 سنه واتصل بي من يومين بيعيد ويسلم عليا وقي وسط الكلام قال لي ان اسعار السيارات بكندا نزلت حوالي 30% وده كلام واحد عايش في البلد مش كلام مجلة (واعتقد لما الاسعار تنزل في كندا وامريكا بهذه النسب الكبيرة يبقى لازم تكون بالمثل في دول اوروبا)...

---

يا باشا أعتقد ان السوق الكندى زيها زى أمريكا و المفروض ان دول فعلاً أكثر ناس الأسعار نزلت عندهم بس خلى بالك ان مش شرط أوروبا تبقى زيهم لأن السوق مختلف تماماً من حيث نوعيه السيارات، سعه المحركات، سعر الوقود و فكر المشترى

اقتباس:

---

المشاركة الأصلية كتبت بواسطة mo7a_mo7a

ادي يا amelsahn اخر الاسعار في المانيا
علشان تصدق

وانا بالمناسبة عايش في المانيا وبقولك الاسعار نزلت
ولسة حتنزل تاني وتالت كمان

http://www.nilemotors.net/Nile/showthread.php?t=53748

صحيح حضرتك بتشتغل فين؟؟؟؟

---

ولله كتر خيرك انك جبتلنا أسعار المانيا و ياريت لو نقدر نشوف الأسعار ديه حتبقى عامله ازاى كمان شهر وللا شهرين

اقتباس:

---

المشاركة الأصلية كتبت بواسطة AshTurbo

ممكن حضرتك تقصد أن الموديلات الجديدة ال 2009 أسعارها زي ما هيا ودي حقيقة بس خد بالك من حاجة في فرق بين موديل 2008 و 2009 التاني بينزل أقوى وأحدث من ناحية الكماليات والتكنولوجيا يعني لو قارنت هتلاقي أن الأسعار أنخفضت لأن الجديد موديل 2009 بنفس سعر ال 2008 ومن غير زيادة في السعر مع زيادة في المواصفات والكماليات والتكنولوجيا وعموماً الشركات دي تستهدف فئة معينة وهي الطبقة الغنية زي عربيات الأستون مارتن والأودي والبوجاتي والبنتلي والمرسيدس وأصحاب الطبقة دي مش هتفرق معاهم التخفيضات ومع ذلك الناس عشان في أزمة ثبتوا الأسعار وزودوا المواصفات والكماليات يعني حصل تخفيض في النهاية ومش كل الشركات ثبتت أسعار موديلات 2009 في شركات خفضت في أسعار موديلاتها ومتنساش أن موديلات 2008 مازالت موجودة وهيا دي اللي أسعارها نزلت جامد .

---

أنا فعلاً قلت ان فى فرق موديلات من 2008 لـ2009 و أعتقد ان المقارنه فى الشهور اللى جايه حتكون أدق علشان الموديل حيبقى واحد أما بالنسبه للسيارات الفارهه فأنا تقريباً ماجبتش سيرتها فى المقارنه يمكن بإستثناء المرسيدس

اقتباس:

---

المشاركة الأصلية كتبت بواسطة som3aa

بص حضرتك الاسعار منزلتش رسميا فى التوكيلات بالعكس توكيل مرسيدس زود مثلا 4% على عربيات كتير فى المانيا
الفكرة ان الموزعين عندهم هما اللى عملوا العروض دى يعنى التوكيلات نزلوا السعر بطريقة غير مباشرة عن طريق الموزعين زى bmw كدا مبتعمل فى مصر, تروح تقولك السعر 600 تروح لموزع تاخدها ب550 كدا مثلا يعنى لو شفت اى pricelist رسمى بتاع اى شركة عربيات هتلاقى نفس السعر.
دا غير عروض التقسيط اللى بتوصل ل 3 سنين بدون فوائد و اكتر بفوائد قليلة جدا و حاجات كدا
الشركات نفسها نزلت عروض خاصة و حاجات كدا يعنى مثلا كماليات زيادة و كلام كدا و فئات اعلى باسعار ارخض فى بعض المركات.
انا عن نفسى مش عايش بره بس انا شفت حاجات كدا كتير لما دخلت على websites بتاعت شركات بتوزع عربيات كدا و شركات العربيات نفسها و عروضها زى اوبل مثلا كانوا منزلين كتير .

---

أنا فاهم قصدك و فعلاً ممكن يكون سليم 100% بس أنا علشان كده تعمدت أعمل المقارنه بين الأسعار من نفس المصدر... يعنى لو زى ما حضرتك بتقول ال BMW فى التوكيل من شهرين فاتو كانت ب 600 و عند الموزع بـ 550 فالمفروض انها دلوقتى تبقى مثلاً ب550 فى التوكيل و 500 عند الموزع لكن أعتقد ان صعب السعر ينزل عند الموزع و يفضل عند الوكيل زى ماهوه وبعدين المجله مش تبع وكيل معين ولا موزع معين و أعتقد ان الأسعار اللى مكتوبه ديه من دراسه سوق... و على فكره أنا برده مش عايش بره بس لقيت المجله ديه جتلى بالصدفه البحته فقلت أما أشوف تأثير الأزمه على الأسعار ديه، و زى ما قلت للأستاذ AshTurbo أعتقد ان تكمله القارنه فى الشهور اللى جايه حتوضح لنا أكثر...
و ياريتها تصدى و موديلها يعدى... أهه على الأقل يتعلمو يحترمو الزبون و يعرفو ان هو الأساس :-)

شوف يا ريس اولا نسبه التخفيضات تختلف من دوله لاخري بس اللي اقدر اقوله ان السيارات نزلت كتير في اوروبا وعلي فكره ان عايش في السويد واقدر اقوللك ان الاسعار نزلت كتير وخصوصا 2008 لانه مخزون راكد والشركات عاوزه تخلص منه والشركات هنا في السويد عامله عروض كبيره وتسهيلات لم تحدث منذ 30 سنه وهذه كلام تاجر سيارات هنا في السويد ياراجل عاوز اكتر من احد العروض بيقوللك بدل عربيتك مهما كانت موديلها باخري جديده وادفع بعد 3 شهور اول قسط ياراجل العربيات مرميه في التوكيلات محدش بيقرب منها عاوز اقوللك هنا من سنه لو كنت عاوز تشتري عربيه جديده كانت بيعملوه اجراءات بنكيه معقده شويه وشويه طلبات رخمه النهارده اعلانات العربيات بتجيلك لحد البيت كل يوم وكله بيدلل

اقتباس:

---

المشاركة الأصلية كتبت بواسطة amelsahn

ولله كتر خيرك انك جبتلنا أسعار المانيا و ياريت لو نقدر نشوف الأسعار ديه حتبقى عامله ازاى كمان شهر وللا شهرين

---

اعتقد بالرد ده انا عرفت الاستاذ أبا عبد الله بيشتغل فين ... :shyy:

شوف اللينك دة
http://www.hollywoodchryslerjeep.com/specials/index.htm
وشوف الاسعار برة عاملة الزاى والتخفيضات 60 فى المية وكمان تشترى واحدة تاخد الثانية هدية ....دى مش خليهاااااااتصدى دى خليهااااااااااااا تولععععععععععع...

جاء الناس إلى عمر رضي الله عنه فقالوا: غلا اللحم فسعره لنا، فقال:ارخصوه انتم!
قالوا: نحن نشتكي غلاء السعر واللحم عند الجزارين ونحن اصحاب الحاجه فتقول: ارخصوه انتم!!
قالوا: وهل نملكه حتى نرخصه!؟ وكيف نرخصه وليس في ايدينا؟
قال: اتركوه لهم.

وحتى لو منزلتش ..
فى اوروبا اللى بيشترى عربية بياخد واحدة هدية ..
او شقة فى مدينة المصنع ..
هو لازم السعر ينزل !!