تحذير من شراء العقارات في هذه المرحلة

اصدقائي الأعزاء ... اود ان اشارككم رأيي في مهزلة السوق العقاري في مصر ... فبدأ بتحكم التجار الجشعين في اسعار الاراضي بالمدن الجديدة بسبب تركهم يفعلون مايحلو لهم في السوق العقاري ... وانتهاء بخدعة التمويل العقاري والتي تجر المواطن الى استنزاف كل مدخراته في سبيل الحصول على سكن يصل ثمنه الى اضعاف سعره الحقيقي ... ارفق بهذه الرسالة مقالة نشرت في جريدة الأهرام بتاريخ 13 اغسطس 2007 للدكتور محمد السيد سعيد وفيها يحذر من الانسياق خلف تيار الجنون العقاري في هذه الفترة
في انتظار تعليقاتكم ... وشكرا
رابط المقالة
http://www5.0zz0.com/2007/08/14/07/41239624.jpg

http://www5.0zz0.com/2007/08/14/07/41239624.jpg[/img]

اصلا القطاع ده حاليا اسعاره غير منطقية بالمرة و كل حاجة اسعارها اضعاف ما كانت عليه منذ فترة قريبة

يقال ان السبب الاساسى هى الاخوة العراقيين, اللى بيشتروا عقارات فى مناطق معينة بغض النظر عن ارتفاع السعر عن المعد الطبيعى, مما ادى لزيادة فى القطاع كله

ناهيك عن الهوجة بتاعت القرى السياحية

حاليا مصر هى المنفذ الاقرب و الاسهل و الارخص للخليج بعد استبعاد لبنان و صعوبة السفر لاوروبا و امريكا بعد تعديلات فى طلبات التاشيرة الخاصة بهم و تصعيبها

فالاخوة العرب بدأوا يشتروا فى وحدات سكنية فى مصر بمبالغ مرتفعة, على اساس انه ينزل براحته, و تبقى ارخص من الايجار على المدى الطويل

و لا عزاء لقاطنى البلد اللى مش هيعرفوا يلاقوا شقق بسعر واقعى بعد كده :!:

اقتباس:

---

المشاركة الأصلية كتبت بواسطة معاذ الشرباصى

حاليا مصر هى المنفذ الاقرب و الاسهل و الارخص للخليج بعد استبعاد لبنان و صعوبة السفر لاوروبا و امريكا بعد تعديلات فى طلبات التاشيرة الخاصة بهم و تصعيبها

فالاخوة العرب بدأوا يشتروا فى وحدات سكنية فى مصر بمبالغ مرتفعة, على اساس انه ينزل براحته, و تبقى ارخص من الايجار على المدى الطويل

و لا عزاء لقاطنى البلد اللى مش هيعرفوا يلاقوا شقق بسعر واقعى بعد كده :!:

---

+1

فعلاً اللى بيحصل دلوقتى هو عرب كتير تضخمت ثرواتهم من ارتفاع اسعار البترول و بيقارنوا بين أسعار العقارات فى مصر و مثيلاتها فى الرياض و دبى فيلاقول انها بالنسبة لهم برخص التراب ... و الموضوع قد يتجه فعلاً بالمعدل دة لأن سعر المتر يوصل لأكتر من 10 آلاف فى المناطق الراقية (حالياً بالفعل سعر المتر فى سان ستيفانو جراند بلازا فى اسكندرية 10 آلاف) ... و السيناريو المخيف اللى فى الأهرام ممكن جداً يحصل فى يوم من الأيام لأن السوق المصرى شغال بنظرية القطيع ... 1% بيفكر و 99% بيقلد!

من عدة أسابيع كنت بألف مع صديق لى بيدور على شقة فى حدود 300 ألف و مكانش لاقى حاجة كويسة!!!

معلش يا جماعة ممكن حد يكتب ملخص مقالة الأهرام لأنها مش عايزة تظهر عندي :shock:

إللي بيحصل في سوق العقارات ده دلوقتي مهزلة كبرى

فعلا لو معاك 300.000 جنية مش هاتعرف تلاقي حاجة كويسة !!!!!!!!!!!!!!!!!!!!!!!!

سعر المتر في حتة زي التجمع الخامس من سنتين بالضبط كان حوالي 900 جنية نصف تشطيب

النهاردة (و في خلال سنتين) أصبح فوق ال 2000 جنية للمتر نصف تشطيب في نفس المكان ابو 900 جنية !!!!!!!!!!!!!!!!!!!!!!!!

يعني شقة 200 متر تخشلها في نصف مليون جنية !!!!!!!!!!!!!! فإلي معاه ال 300 ألف ده غلبان و مش هايعرف يلاقي حاجة كويسة يعيش فيها !!!!!!!!!!!!!!!!!!!!!!!!!!!!!!!!، فما بالكو بقى بالشاب المطحون إللي مرتبة كله مايكملش 1000 جنية و عايز يتجوز و يعيش عيشة كريمة ، يعمل إيه ولا إيه ؟؟؟؟؟؟؟؟؟؟


و لسة لما كمان الدولة تشيل الدعم على الغاز و الكهرباء بالنسبة للمصانع، الدنيا هاتولع أكتر و أكتر

لنا الله

كل ما الواحد ييجى يناقش صاحب العقار اللى عارض شقق للبيع يقول دة عرض و طلب
و العمارة اللي تلاقى لسة بيرموا الاساسات متلاقيش ولا شقه للبيع ووسعر المتر كتير قوى عليها