:k4::k4:السلام عليكم
برجاء من خبراء الميجان افادتى عن الكماليات الاضافيه الحديثه التى من الممكن اضافتها على الميجان موديل 2006 يعنى ممكن مثلا اضافه طاره مالتى و الا لا و كده ؟
و شكرا ليكم جدا
عرض للطباعة
:k4::k4:السلام عليكم
برجاء من خبراء الميجان افادتى عن الكماليات الاضافيه الحديثه التى من الممكن اضافتها على الميجان موديل 2006 يعنى ممكن مثلا اضافه طاره مالتى و الا لا و كده ؟
و شكرا ليكم جدا
قائمة بأكسسوارات ميجان لدى التوكيل
الطارة المالتى فنكشن بيبقى فيها مثبت سرعة بس...لأن التحكم فى الكاسيت كده كده من دراع ورا الطارة و موجود فى كل العربيات.
لو ركبت الطارة من برة التوكيل من غير المثبت هتبقى منظر بس.....المثبت فى التوكيل غالى قوى ( أعتقد كان فى حدود 8000 جم )
لو قصدك على خارج التوكيل هتلاقى كل حاجة أنت عاوزها....يعنى باركنج سنسورز و جنوط و زينون.
فى حاجة تانية عاوز تعرفها ؟
شكرا يا باشا على الرد
بس اعتقد الموديلات اللى بعد 2006 فيها طاره مالتى صح ؟
حسب الفئة....يعنى المانيوال و أول فئة أتوماتيك أعتقد مفيش.....تانى وتالت فئة أتوماتيك غالباً كان فيهم.
بس تحكم الكاسيت موجود فيهم كلهم
جنوط.. حساسات... دواسات...حساسات كاوتش... كاركت..زينون..علبة شكمان ( ب 3000 جنية)..انذار جامد جدا ب 1800 جنية... دا اللي حاضر في دماغي دلوقتي يا باشا...
momo باشا
ايه حكايه الكار كيت ده
و هل سهل تركيبه و ياريت سعره
و لو فى صوره له
معلش هتعبك معايا يا وحش
انا ناوى شترى ميجان و عاوز اروشها
ينفع اركب نيون و لا لا
و ممكن اركبه فى التوكيل و لا بره وشكله هيكون حلو و لا لأ
و الانذار اللى حضرتك بتقول عليه ده غالى اووووووووووى
و بيشتغل على الكارت و لا له ريموت لوحده
و عاوز اركب سرينه فيدرالى تركيبها سهل و لا فى مشاكل
و ايه اخبار العدسات و الرينجات
فينك يا Momo باشا؟؟؟؟
نوع من انواع الاضاءه بتركب تحت العربيه و بتدى شكل جمالى حلو
متشكر يا وحوش الرينو
بس هل ينفع تعديل الكارت و اضافه الانذار عليه ؟
متشكر يا وحوش الرينو
بس هل ينفع تعديل الكارت و اضافه الانذار عليه ؟
و سؤال تانى معلش ليه شكل الجنط بيختلف لانى رحت التوكيل و شفت عربيتين كل جنط غير التانى ؟
مفيش حد رد على كلامى ليه يا وحوشاقتباس:
ايه حكايه الكار كيت ده
و هل سهل تركيبه و ياريت سعره
و لو فى صوره له
معلش هتعبك معايا يا وحش
انا ناوى شترى ميجان و عاوز اروشها
ينفع اركب نيون و لا لا
و ممكن اركبه فى التوكيل و لا بره وشكله هيكون حلو و لا لأ
و الانذار اللى حضرتك بتقول عليه ده غالى اووووووووووى
و بيشتغل على الكارت و لا له ريموت لوحده
و عاوز اركب سرينه فيدرالى تركيبها سهل و لا فى مشاكل
و ايه اخبار العدسات و الرينجات
بص يا باشا
الكاركيت فى منه بيتباع فى التوكيل بس مش عارف بكام ونوعه Parrot من أحسن أنواع الكاركيت الموجودة فى السوق.....وبرضه بيتباع بره وأعتقد أغلى نوع فيه بيبقى فى حدود من 1600 الى 2000 جم......وتركيبه مش هتلاقى فيه مشكلة أن شاء الله.
بالنسبة للنيون....أنا معرفش حد بيبيع نيون أصلاً بس بفرض أن أنت تعرف يبقى أعتقد أنك تركبه عنده أحسن لأن التوكيل هتلاقيهم مش عارفين طريقة تركيبه و لازم يقروا فى المانيوال بتاعه بيتركب أزاى....يعنى هتبقى قصة.....ده بأعتبار أنهم وافقوا أصلاً أنهم يركبوه......و أنا عن نفسى مبحبش شكله ألا لو عربية عاملة زى عربيات نيد فور سبيد كده :)
الفوانيس أستنى رد من أيمن عليها.....هو مغير الفوانيس الأمامى والخلفى عنده
أعتقد الأمامى كانوا عاملين 2000 وشوية.
دول عموماً متقلقش منهم.....موجودين بره و أيمن له سكه أنه يجيبهملك.
محمد باشا .. اسف جدا علي الرد متاخر ... بس احمد باشا الكبير قام بالواجب.....
الانذار فعلا بتبرمج علي الكارت وسعرة بالتركيب والضريبة 1870
الكار كت بيتركب برضة في التوكيل.
النيون الازم برة التوكيل ... لان مفيش كود علي السيستم عندهم بيقول تركيب نيون...
الفوانيس 2200 من بورسعيد ...بس الامامي للسيدان ... الهاتش باك هيا اللي نازلها خلفي...
شكرا على الرد يا مومو باشا
بس ياريت تشرحلى الكار كيت بيشتغل ازاى
مش المفروض يكون فيه شاشه له
و التحكم من الدركسيون ولا ايه؟؟؟
و سعره كام؟
لية شاشة حوالي 2 سم في 3 سم
بتركب في اكتر من مكان علي التبلوة .... السعر زي ماقال احمد باشا.... بيتدي من 1600 من غير الوان لغاية 2000 الشاشة الملونة...تعلي وتوطي الصوت من الطارة.