عزل الصوت فى الانوس

**engoss1990** · 28-03-2009 12:28 PM

المشاركة الأصلية كتبت بواسطة samirayad

وغلط جدا أن الواحد ينعزل تماما عن سماع الألحان بتاعة عربيته وهو سايقها........دا أنا لازم أفتح الشباك وأنا سايق وأتابع كل الأصوات اللى صادره عن الطريق والعربيه عامة..........كأننى بأسمع أم كلثوم :POINTI~2[2]:

الراجل ده بيتكلم صح 100% ....دانا سعات مبشغلش التكييف فى الحر عشان مقفلش الشباك

**samirayad** · 28-03-2009 03:05 PM

الراجل ده بيتكلم صح 100% ....دانا سعات مبشغلش التكييف فى الحر عشان مقفلش الشباك

لا دا كده أنا متوقع لك مستقبل هندسى باهر....طالما أنت معايا كده على الخط.............

**Drift_Lover** · 28-03-2009 04:02 PM

انا مش معاكم نهائي...
المفروض انك بتفحص عربيتك كل فتره وتتأكد انها تماااااااااام...
لكن احنا بنتكلم عن رفاهية القيادة يا جماعه.
انا لما ترفع القزاز ماتبقاش حاسس بالاحوال العاديه اللي بره.
- احتكاك الكاوتش بالرصيف.
- الضوضاء الخارجيه.
- لو مشيت في طينه او ميه وبعدين طلعت علي الرصيف (الرزع اللي بتسمعه في الفجاوي)
- وهكذا.

لكن مادون ذلك.
بيتهيأ لي استحاله تعزل الصوت وكأنك في ستوديو مثلآ.
- لو واحد وراك ضرب كلاكس اكيد حتسمعه.
- لو فردة كاوت نامت حتحس بيها.
- لو حصل حاجه في الماكينه (أمال لمبات البيان لزمتها ايه)
- لو حد خبط عربيتك حتحس بيه.
في حاجه اسمها المرايات. ولمبات البيان في التابلوه... وواحد سايق المفروض انه عضو في نايل موتورز وعنده شئ من الخبره.

أرسل أصلا بواسطة samirayad

وغلط جدا أن الواحد ينعزل تماما عن سماع الألحان بتاعة عربيته وهو سايقها........دا أنا لازم أفتح الشباك وأنا سايق وأتابع كل الأصوات اللى صادره عن الطريق والعربيه عامة..........كأننى بأسمع أم كلثوم :POINTI~2[2]:

اصوات ايه اللي صادره من العربيه يا كبير...
انت أكيد بتهزر.
صح.
شكلك بتهزر.

**samirayad** · 28-03-2009 05:55 PM

انا مش معاكم نهائي...

ده رأيك وأنت حر

المفروض انك بتفحص عربيتك كل فتره وتتأكد انها تماااااااااام...

هو أيه علاقة اللى بنقوله بفحصك للعربيه قبل التحرك بها دى قصه ودى قصه تانيه خااااااااااااااااااااااال ص (هو مش فيه حاجه أسمها طوارى ممكن تحصلك وانت ماشى ....ولا أنت شفت الليله قبل ماتمشى حتديها وخلاص

اصوات ايه اللي صادره من العربيه يا كبير...

فردة كاوتش هوت لسبب ما .....علو صوت المحرك لفقد مفاجىء فى زيت التزييت أو زيت الباور أو أو أو أو .................

انت أكيد بتهز

لا فى دى بقه أنا مش بأهزر ....ولا علشان قولت للعربيه سلامو عليكوا قبل ما أتحرك بيها ........يبقى خلاص وعليكوا السلام ورحمة الله وبركاته .....وده رايى وأنا فعلا بأعمله .......هو الواحد وهو فى العربيه بيكون نايم على سرير وقرير العين وخلاص ....وفعلا بالنسبه ليا بتكون فترة متابعة (زى اللى ماسك ورديه بالضبط لحد ما أصل لمشوارى بأمان الله ) وبأتعامل مع جميع الأصوات بالخارج زى ما أكون بأسمع قصيده وأغنيه للست....ودى حرية رأى برضه......

**msobhy** · 29-03-2009 11:09 AM

الى اخواتى الاعزاء
احنا اكبر واكثر احتراما من الكلام ده
بشمهندس سمير مع فائق احترامى لحضرتك
يمكن حضرتك ما خدتش بالك ان احنا ملاك اللانوس عندنا مشكله بشعه خاصة بالصوت اننا سواء قافلين العربية ولا لأ سامعين كل حاجة بالاضافة طبعا لصوت الموتور
انا واحد من الناس حاولت كل المحاولات لألغاء الصوت ده وانى اوصل لعزل تام لكن للأسف فشلت
حضرتكم بتتكلموا عن العزل واننا نكون فى استديوا وفيه اخ فاضل وحضرتك بتقولوا انكم لازم تفتحوا الزجاج علشان تسمعوا صوت الشارع وصوت العربية - احب اقول لحضرتك انى فضلت اضحك (لا اقصد اهانه) لما قرأت الكلام ده وفكرتنى زمان وانا صغير لما كان عندى ال 128 وكنت دايما احب اسمع صوت الموتور واركب ديفيل وافضل ابص على اللى رايح واللى جاى
حضرتك فى سيارات بيوصل مستوى العزل فيها لأكثر من 90 % من الصوت الخارجى فهل ده عيب فى رأيكم
حضرتك لو هاتشترى لانسر شارك بيسألوك عايز عزل صوت كامل ولا لأ وأعتقد ان ده بيكون فى اعلى فئة من الشارك بس وفرق السعر بيوصل ل 30000 جنية (طبعا بالاضافة لمميزات اخرى) فى رأيكم كل ده ليه
طيب انا بقول كل الكلام اللى ملوش لازمه ده ليه
مجرد انى عايز اوصل لحضرتكم اننا بندور على ميزه للأسف مش موجوده نهائى فى اللانوس
وبصراحة انا استغربت ان فى ناس بتتريق على الطلب ده - من غير زعل حسيت ان الناس ديه عمرها ما ركبت عربيات واللانوس بالنسبة ليهم بقت امله
الاغرب انى حسيت فى الردود ان الناس شايفه ان الطلب ده منظره او اى كلام والسلام
على العموم اعتذر على الاطالة وارجو من كل الاعضاء خاصة الاستاذ سمير محاولة ايجاد طريقة لعزل الصوت الخارجى خاصة صوت الموتور

**nasroo** · 29-03-2009 11:31 AM

المشاركة الأصلية كتبت بواسطة mahmooodnageeeb

قطعة صغيرة من القطن لكل أذن

المشاركة الأصلية كتبت بواسطة samirayad

وغلط جدا أن الواحد ينعزل تماما عن سماع الألحان بتاعة عربيته وهو سايقها........دا أنا لازم أفتح الشباك وأنا سايق وأتابع كل الأصوات اللى صادره عن الطريق والعربيه عامة..........كأننى بأسمع أم كلثوم :POINTI~2[2]:

تصدق يا استاذ سمير ان انا مابسمعش صوت الموتور كويس الا لما اقفل الشباك على عكس حضرتك بسبب دوشة الزحمة والعربيات والطريق السريع - طبعا وداننا مش زي بعضها

المشاركة الأصلية كتبت بواسطة msobhy

الى اخواتى الاعزاء
احنا اكبر واكثر احتراما من الكلام ده
بشمهندس سمير مع فائق احترامى لحضرتك
يمكن حضرتك ما خدتش بالك ان احنا ملاك اللانوس عندنا مشكله بشعه خاصة بالصوت اننا سواء قافلين العربية ولا لأ سامعين كل حاجة بالاضافة طبعا لصوت الموتور
انا واحد من الناس حاولت كل المحاولات لألغاء الصوت ده وانى اوصل لعزل تام لكن للأسف فشلت
حضرتكم بتتكلموا عن العزل واننا نكون فى استديوا وفيه اخ فاضل وحضرتك بتقولوا انكم لازم تفتحوا الزجاج علشان تسمعوا صوت الشارع وصوت العربية - احب اقول لحضرتك انى فضلت اضحك (لا اقصد اهانه) لما قرأت الكلام ده وفكرتنى زمان وانا صغير لما كان عندى ال 128 وكنت دايما احب اسمع صوت الموتور واركب ديفيل وافضل ابص على اللى رايح واللى جاى
حضرتك فى سيارات بيوصل مستوى العزل فيها لأكثر من 90 % من الصوت الخارجى فهل ده عيب فى رأيكم
حضرتك لو هاتشترى لانسر شارك بيسألوك عايز عزل صوت كامل ولا لأ وأعتقد ان ده بيكون فى اعلى فئة من الشارك بس وفرق السعر بيوصل ل 30000 جنية (طبعا بالاضافة لمميزات اخرى) فى رأيكم كل ده ليه
طيب انا بقول كل الكلام اللى ملوش لازمه ده ليه
مجرد انى عايز اوصل لحضرتكم اننا بندور على ميزه للأسف مش موجوده نهائى فى اللانوس
وبصراحة انا استغربت ان فى ناس بتتريق على الطلب ده - من غير زعل حسيت ان الناس ديه عمرها ما ركبت عربيات واللانوس بالنسبة ليهم بقت امله
الاغرب انى حسيت فى الردود ان الناس شايفه ان الطلب ده منظره او اى كلام والسلام
على العموم اعتذر على الاطالة وارجو من كل الاعضاء خاصة الاستاذ سمير محاولة ايجاد طريقة لعزل الصوت الخارجى خاصة صوت الموتور

انت جبت الخلاصة يا صبحي - بس العزل اللي مقصود في الموضوع بيتهيئلي انه عزل صوت الطوب والرملة والشارع مش عزل صوت الموتور
يعني انا من كام يوم مشيت على شارع بيسفلت وبعدين لما خرجت منه سمعت صواريخ بتنفجر في العربية من ورااا نزلت لقيت ان القطران اللي بيسفلته بيه لزق في الكاوتش واي طوبه صغيرة تيجي خبطة في الرفرف من تحت وتعمل الصوت العالي ده والرملة برضه كده فالموضوع مهم - بغض النظر عن امكانية حله او لا وعلى فكرة ده مش في الدايو بس في واحد صاحبي معاه كيا بيعاني من نفس الموضوع

**msobhy** · 29-03-2009 11:46 AM

المشاركة الأصلية كتبت بواسطة azamell

انت جبت الخلاصة يا صبحي - بس العزل اللي مقصود في الموضوع بيتهيئلي انه عزل صوت الطوب والرملة والشارع مش عزل صوت الموتور

يا باشا العزل بيكون له مرحلتين
المرحله الاولى عزل الكابينة عن المؤثرات الخارجية الا وهيه صوت الشارع والطريق والرمل وكل الحاجات اللى انت عارفة
المرحلة التانية بيكون الموثرات الداخلية وهي صوت احتكاك الكاوتش وحركة المساعدين وصوت الموتور واى صوت بينتج من العربية اصلا
بخصوص الموتور ليه عزل والدليل على كده قواعد الموتور بتكون معتمده على المطاط لأمتصاص صوت الموتور واعاقة اعادة لرسالها الى باقى السياره
غطاء الكابوت حماية من درجات الحرارة وكتم للصوت
firewall بيجى فى العربيات الاستيراد وسمعت عنه لكن مشفتوش لغاية دلوقتى بس قبل كدة ممدوح باشا كلمنى عنه ....- فايدته الاساسية منع دخول الحرارة لكابينة السائق لكن برضو بينفع

بالنسبة للكابينة طبعا كلنا قرأنا على موضوع حقن العتب بالاضافة ان فى واحد سروجى قالى انهم بيعملوها بأنهم بيحطوا صوف عازل تحت فرش العربيه كلها (العربية فابريكة بتنزل بيه) لكن بكميات كبيرة بالاضافة لفرش فوق الفرش علشان كتم الصوت والتكلفة بتدخل فى 1000 او 1500 جنية لكن النتيجة مش 100 % ليييييييييييه
علشان ام الابواب والتابلوة علشان كده انا تراجعت عن الموضوع