الموضوع: الطب فى مصر

المشاركة الأصلية كتبت بواسطة blazer

مع احترامى الشديد لصاحب المشاركة الغريبة دى
بس بكدة حضرتك بتنشر الغسيل الوسخ و على صفحات النت للعالم كلة
ولى ايضا سؤال
هل هذا هو كل الطب فى مصر من وجهة نظر سيادتك
بهذا السؤء و هذة الصورة
الم توجد صورة واحدة ايجابية فى مصر كلها
......................... الخ
لالالالالالالالا ياباشا عذرااااا لحضرتك
الطب فى مصر من اشرف و احسن صورة على مستوى العالم عربى كان او اجنبى
و مصر تذخر بالعلماء من الاطباء و الجراحيين على مستوى العالم
خد عندك مثل واحد فقط د./ مجدى يعقوب و غيرة الكثير و الكثير
و شكرااااا لسيادتك على كل حال

على فكرة أنا لسه خريج طب جديد مش عايز أقولك شعوري ايه بعد ما عرفت مرتبي كام دا المصروف اللي أبويا بيدهولي أده 3 مرات , حاجة تكسف و تندم زمايلي اللي أدي مشاء الله عندهم عيال صغيرة و أنا لسه هبدأ أكون نفسي
عجبتني الصورة اللي وقفيين فيها على الكراسي لكن الصورة و الله العظيم كانت بتحصل في قاعات التشريح على طول بلا مبالغة (فكرتني بأيام أولى و تانية) و عندي حتت صورة بس مش هنشرها هنا عشان الصورة فضيحة بجد (قطط نايمة على سراير المرضى في عنبر الولادة و فضلاتها على السرير) و ده كلوا ليه لأن السادة اللي مسكيين الكليات مش فاضيين لها طبعا وراهم عيادات و مستشفيات مفيش وقت يمر على القسم بتاعه يشوف المهازل اللي فيه
حسبي الله و نعم الوكيل ,الحمد لله غارت الكلية بأيامها السودة الله لا يرجعها

ليه بس الفضايح دي انتا ناشرها لمين بالظبط لو للمصريين احنا عارفين وعارفين اكتر من كده راعي ان فيه عرب معانا هنا في الموقع

المشاركة الأصلية كتبت بواسطة mido01050

على فكرة أنا لسه خريج طب جديد مش عايز أقولك شعوري ايه بعد ما عرفت مرتبي كام دا المصروف اللي أبويا بيدهولي أده 3 مرات , حاجة تكسف و تندم زمايلي اللي أدي مشاء الله عندهم عيال صغيرة و أنا لسه هبدأ أكون نفسي
عجبتني الصورة اللي وقفيين فيها على الكراسي لكن الصورة و الله العظيم كانت بتحصل في قاعات التشريح على طول بلا مبالغة (فكرتني بأيام أولى و تانية) و عندي حتت صورة بس مش هنشرها هنا عشان الصورة فضيحة بجد (قطط نايمة على سراير المرضى في عنبر الولادة و فضلاتها على السرير) و ده كلوا ليه لأن السادة اللي مسكيين الكليات مش فاضيين لها طبعا وراهم عيادات و مستشفيات مفيش وقت يمر على القسم بتاعه يشوف المهازل اللي فيه
حسبي الله و نعم الوكيل ,الحمد لله غارت الكلية بأيامها السودة الله لا يرجعها

وشهد شاهد من أهلها............................:k32:

المشاركة الأصلية كتبت بواسطة elassar2010

الطب دلوقتى بقى تجارة وليس رسالة
انا ليا تجربة مع الاطباء من اشهر اطباء والعيادة شغالة لحد الساعة 1 ليلا وكل واحد يعالجنى بالكورتيزون والمضادات الحيوية لحد مازهقت وصيدلى انا معرفهوش بشترى منة الدواء قالى يبنى الدواء دة مش ليك انت لسة صغير على الادوية دى كلها ؟؟؟؟؟
الدكاترة حاليا الى فى دماغها انة ياخد الكشف ويجيبك بعد اسبوع علشان الاعادة فقط ومش مشكلة انك تتعالج

الأ من رحم ربى....................................

في حاجة عايز أقولهالكوا الدكتور بيديك دوا عشان تجربوا هايجييب تأثير معاك و لا لأ و يقولك تعالا بعد أسبوع عشان لو مفيش نتيجة يغيروا و ده مش عيب في الدكتور لأنه عارف أنك مش هتقدر على تمن الفحوصات و التحاليل اللي ممكن تخرب بيت أي واحد . لكن هوا من البداية ممكن يقولك روح أعملي كذه و كذه و تعالا و يبقى يكتبله دوا بعديها بس أنت اللي هتعيط من التكاليف , زائد أنه بيبقى ليه مصالح مع شركات الأدوية طبعا (طبعا تجربة الدوا أسهل و أوفر و مربحة ليه في نفس الوقت و كمان العيان بيفرح أنك مرزعتوش كام تحليل على كام أشعة يضيعوا مرتب الشهر)