يا جماعة هو دة بيحصل معاكم و لا انا بس ......... ؟

**dr_abooody** · 08-01-2009 08:49 PM

مرة في امان الله ماشي بال 128 في خط مستقيم و فجأه كدا لقيت العربية عومت كدا للجنب شوية و بعد كدا اتعدلت

و كذا مرة و انا ماشي الصبح بالذات على كورنيش المعادي
ببقى ماشي 90 كدا
اجي و انا ماشي في خط مستقيم الاقى العربية بتقوم معومة للجنب كدا بطريقة غريبة

النهاردة بقا واخد ملف كدا عند اكادمية السادات عشان اطلع على الكورنيش جي داخل بسرعة كدا من غير ما اهدي لقيت العربية كانت هتتزحلق كدا و ماكنتش هسيطر عليها

انا عايز اعرف دة بيكون اية دة زيت و لا جاز و لا اية

انا الكاوتشات عندي لسة جديدة و العربية سليمة بتعمل كدا في الصبح بس و في مناطق معينة
بس عايز اعرف هل في حد العربية بتعوم معاه كدا

هو دة الطبيعي و لا دة مش طبيعي
انا بصراحة عمري ما شوفت
انا خايف مرة اخبط في حد ربنا يستر

**dr_timo** · 08-01-2009 09:01 PM

عنوان موضوعك زي عنوان موضوع انا كاتبه فالمفروض نتحاسب وتدفع تمن استخدام العنوان بتاعي يااما بقي بعد كدة هاخد عنواين مواضيعك واعمل بيها مواضيع ليا ههههههه ولا اقولك ما بي الخيرين حساب بس ياسيدي انا رئيي هوة عامة من غير ميكون فيه عيب فانت المفروض تكون مهدي سرعتك شوية خصوصا عند ملفات او حاجة زي مبتقول مش معقول ملف وتاخده علي تسعين المفروض تهدي اوي عشان لا قدر الله متحصلش اي حاجة او تفقد السيطرة علي العربية بس هية حكاية الحدفة دي ممكن يكون سببها عفشة او ضبط زوايا لانها كانت بايظة عندي وقالولي انها هتبقي عايمة مني بس عالسرعات العالية او عند الملفات بس لاني مبزودش عن تمانين دة لو ماشي عالزراعي او الصحراوي حتي يعني فمكنتش ممثلالي مشكلة ومع ذلك ظبط العفشة وبقي الموضوع كويس الحمد لله فانت اتطمن عالعفشة لانها اكيد سبب الحدفة دي لكن لو الحدفة دي حسيت بيها عد الملف وانت عايز تهدي فبتدوس فرامل شوية والحدفة بتحصل يبقي ممكن يكون عيب فرامل

**dr_abooody** · 08-01-2009 09:46 PM

المشاركة الأصلية كتبت بواسطة dr_timo

عنوان موضوعك زي عنوان موضوع انا كاتبه فالمفروض نتحاسب وتدفع تمن استخدام العنوان بتاعي يااما بقي بعد كدة هاخد عنواين مواضيعك واعمل بيها مواضيع ليا ههههههه ولا اقولك ما بي الخيرين حساب بس ياسيدي انا رئيي هوة عامة من غير ميكون فيه عيب فانت المفروض تكون مهدي سرعتك شوية خصوصا عند ملفات او حاجة زي مبتقول مش معقول ملف وتاخده علي تسعين المفروض تهدي اوي عشان لا قدر الله متحصلش اي حاجة او تفقد السيطرة علي العربية بس هية حكاية الحدفة دي ممكن يكون سببها عفشة او ضبط زوايا لانها كانت بايظة عندي وقالولي انها هتبقي عايمة مني بس عالسرعات العالية او عند الملفات بس لاني مبزودش عن تمانين دة لو ماشي عالزراعي او الصحراوي حتي يعني فمكنتش ممثلالي مشكلة ومع ذلك ظبط العفشة وبقي الموضوع كويس الحمد لله فانت اتطمن عالعفشة لانها اكيد سبب الحدفة دي لكن لو الحدفة دي حسيت بيها عد الملف وانت عايز تهدي فبتدوس فرامل شوية والحدفة بتحصل يبقي ممكن يكون عيب فرامل

شكراا على ردك اللي زي العسل

بس انا باخد الملفات على السرعة العادية
و ساعات ببقى ماشي في امان الله الاقي العربية عومت حتى كان معايا صحابي استغربوا اوي
بس هي سببها الرئيسى الزيت اللي على الارض و بيكون زيت قليل مش كتير بقع على الارض

هل البقع الصغيرة دة تخلى العربية تحدف كدا

يا ريت لو حد حصل معاه يقول

**EslaM_NagY** · 08-01-2009 10:59 PM

المشاركة الأصلية كتبت بواسطة dr_abooody

هل البقع الصغيرة دة تخلى العربية تحدف كدا

يا ريت لو حد حصل معاه يقول

احمد ربنا انها بتحدف بس
الزيت ممكن يلف العربية حولين نفسها ولا اجدعها دريفت

**dr_timo** · 09-01-2009 12:42 AM

اه يادوكتور الزيت فعلا ممكن يزحلق العربية جامد ازا كان المطرة اللي هية مية مش مادة لزجة زي الزيت وممكن تزحلق الحربية مبالك الزيت فانت خلي بالك بعد كدة من الحتة دي وهدي فيها اوي لان سبب اللي حصل دة اكيد زيت خصوصا انك بتقول الكاوتش جديد يعني مش هوة السبب ولا حاجة والف سلامة عليك