ما رأيكم فى عملية استعدال الجنوط ؟ و هل فعلا تعالج الجنط ام لا ؟
عرض للطباعة
ما رأيكم فى عملية استعدال الجنوط ؟ و هل فعلا تعالج الجنط ام لا ؟
بالنسبة للجنوط الحديد فعمليه استعدالها زي ملئ الاطارات بالهواء سهله ومهمة لانها بتاثر علي توازن العربية وعلي الكاوتش
اما الجنوط الاسبور فاستعدالها قصة تانية خالص
بالنسبة للجنوط الألمنيوم مش ممكن تتعدل إلا بالتسخين, و ده شيء خطير لأنه بيغير كثافة الجنط (هيرف), و بيضعفه و برضو مش هيتظبط. الجنوط العادية (الحديد) بتتعدل على البارد, مش هاتبقا اضعف, بس مش هتبقى سليمه 100%ز و الله اعلم :oops:
الاستعدال غير الاتزان
انا عن تجربة عملتها مرة وديت الجنوط للاستعدال و طبعا بيعملها بايده و بمرزبة و حاجة بتلف زى صينية الكنافة بعد ما يحط عليها الجنط و النتيجة انى جبت اربعة تانيين استيراد
تقريبا يا استاذ ايهاب حضرتك بتتكلم عن الجنوط الاسبور اما العاديه فانا مهري مطبات وعلي طول باستعدل الجنط من غير مشاكل واسئل سواقين التاكسي دول بيبقو عاملين ابونية عند بتوع الكاوتش :D
انا عندى الجنوط العادية الخاصة بالبيتلز و روحت بيهم عند النفق اللى قبل كوبرى الملك الصالح هناك ناس شغالة فى الجنوط و استعدالها
يمكن اصلاح واستعدال الجنوط السبور او العادية ولكن طبعا مش بترجع زى ما كانت طبعا يعنى بالنسبة للعادية بتبقا النسبة 90% وبالنسبة للسبور بتبقا النسبة 80% بس المهم انه يتعمل صح , انا كان عندى جنط سبور اتخبط واتكسر منه جتة واتصبت واتخرطت فى المنصورة وبنسبة 80% الجنط رجع زى ما كان وطبعا دة مكسب ليا لانى كنت فقدت الامل فى الطقم كله ومن اشهر الناس الى بتستعدل جنوط سبور " ابو حطب " فى الزقازيق وهو متخصص اصلا جنوط سبور ويبقا ان اقول ان عملية رم الجنط الواحد ممكن تتكلف 150 على حسب الحالة.
و الله لو الموضوع علي قد جنط واحد يبقي استعدله و اعمله استبن و هات الاستبن شغله انما لو في جنطين او حاجه يبقي تجيب طقم استعمال و خلاص لو كانت الجنوط اسبو ف زي ما قالك الباشمهندس عبد الله كده لو مكسور منها حته ممكن تكملها انما متهيالي لو معووج يبقي الاحسن ليك و لراحتك وامانك انك تغير الطقم كله
و ما تنساش اي عربيه في العالم مهما وصل بيها درجه التقدم و مهما كان فيها امكانيات اللي بتتوصل بالارض من الاربع عجلات بتوعها بس!!! ياريت تفهم قصدي
انا عملت كده فعلا و اشتريت 4 جنوط استيراد و الحمد لله
حتى القدام كانوا 4.5 انش و الجديد 5.5 انش