عرض للطباعة
الحمد لله ، فقد رزقنى الله بمولود جميل ، اسميته إياد
وعاوز اعمل له عقيقة بدل السبوع والكلام الاونطة ده
اقتداء برسول الله صلى الله عليه وسلم
بس مش عارف اشترى منين ، وبكام وخايف انى اتغلب ويتعمل على شغل ،
ياريت اللى مر بالموضوع ده يقول لى على التجربة دى
منين اشترى ، احسن مكان يمكن الشراء منه ؟
أحسن سعر للجديان ، لانى عاوز اجيب جدى أو اتنين علشان
لحمهم بيبقى صحى الى حد ما
مع خاص شكرى
وعقبال عندكم جميعا ، وربنا يرزق الجميع بالذرية الصالحة
تحياتى
مش عارف بصراحه
بس الف مليون مبروك
ويكون عون ليك
لو من انت من اسكندرية روح سوق الجمعة في الطابية
والف الف الف مبروك
وربنا يباركلك في المولود
الف مبروك ربنا يباركلك فية و يجعلة زرية صالحة إن شاء الله
بص يا سيدى انا رزقت بتوائم من 4 شهور و عملت موضوع العقيقة دة و نصحونى انى اجيب جديان و كنت اول مرة اجربها و فعلا كانت حلوة جدا .
عامة الجدى الواحد كان فى حدود 20 او 22 ك و كان سعر الكيلو 18 جنية شاملة الذبح و خلافة .
الف مبروك مرة ثانية بس متنساش تعزم اعضاء نايل موتورز :3mla:
الف مبروك و ربنا يباركلك فى اياد و يكون من الصالحين ان شاء الله
انا كنت عملت عقيقه لبنتى و كنت عاوز اذبح جدى برضه بس اتقالى ان السنه خروف فياريت تتأكد انتى من الموضوع ده لانى سمعت كلام الناس و جبت خروف
و يا ريت تقول حضرتك ساكن فين علشان الاخوه يقدوا يفيدوك تجين منين الجدى او الخروف
و الف مبروك مره اخرى
الف الف مليون مبرووك ويتربي فو عزك إن شاء الله
أولا بورك في المولود و بلغ أشده و رزقت بره
أنا ربنا رزقني بولدين
الأول (عبد العزيز) جبت خروفين من مزرعة في برج العرب (اسكندرية) و تم الذبح و التقطيع عند جزار في شارع ونجت و تولت والدة زوجتي الطبخ و كان موضوع صعب
الثاني (أحمد) جبت الخروفين من نفس المزرعه و عند نفس الجزار بس خليته يشقه نصفين بالطول فقط و تمت تسويته عند مطعم يسمي حضرموت علي الطريقة السعودي (ماندي) و كان تحفة
آخر عقيقة كانت من حوالي 4 أشهر و تكلفت بالتقريب
2700 خرفان
140 جزار
340 تسوية
أول حاجة ألف مبروك
تانى حاجة بالنسبة للجديان ممكن تشوف جزار معرفة ساعات بيبقى عندهم و لو معندوش حيجبلك حاجة كويسة و ممكن من السوق بس يكون معاك واحد خبرة عشان متكنش حاجة تعبانة أو فيها حاجة كدا ولا كدا
وأكيد كانا معزومين
الف شكر ياجماعة على التهانى الرقيقة وعقبال عندكم جميعا
على العموم ، ياريت حد يكون اشترى من منطقة قريب من اخر فيصل ، علشان انا ساكن فى اكتوبر
وتكون قريبة منى ، ياريت المكان ، والسعر
بارك الله فيكم ولكم
تحياتى
االف مبروك
الف مبروك يابو اياد وربنا يباركلك فيه ويكون خير عون لك ويكون من حملة القران وسبب في دخولكم الجنه ان شاء الله ............
ممكن حضرتك تشتري التيوس او الخرفان من سوق الجمعه الي فالمعادي وفي عند نزلة الاوستراد وانت جاي من المنيب بعد النزله تحت الكوبري واحد بيبيع خرفان وتيوس وكنه جايبين بعد العيد والكيلو كان ب 17 جنيه تيوس وخرفان ب 24 ............
وممكن اي مطعم حضر موت يسويه ويعمل معاه الرز وكله ..........
والف مبروك ثاني مره ............