شكرا ليكم جميعا يارجالة بس اية حكاية الهضبة العليا والوسطي دي هوة المقطم في هضبتين الواحد بيطلعهم يعني ولا اية وهية الكافيتريات دي في انهي هضبة
عرض للطباعة
شكرا ليكم جميعا يارجالة بس اية حكاية الهضبة العليا والوسطي دي هوة المقطم في هضبتين الواحد بيطلعهم يعني ولا اية وهية الكافيتريات دي في انهي هضبة
شوف يا باشا..
الهضبة العليا دي اللي فيها المقطم كله من اول النافورة لحد المفارق..
اللي هما اول و اخر ميدان في شارع 9..
انما الهضبة الوسطي دي اللي هي عند المودرن اكاديمي.. و الطريق الدائري.. و مطلع المقطم اللي عند الاوتوستراد..
انا كل يوم بروح المقطم من شبرا واسهل طريق واقصر طريق
هو كالأتي
اطلع كوبري اكتوبر
وانزل نزله حلوان
وافضل ماشي لحد كوبري السيده عائشه هتلاقي في نص الكوبري داخله شمال ادخل شمال وكمل علي طول هتلاقي المطلع في وشك هتفضل تتطلع
لحد ماتلاقي مطلع علي شمالك وطريق في وشك ويمينك معسكر جيش
اطلع المطلع الشمال وخليك ماشي مع الطريق
في الأخر هتلاقي نفسك طلعت في ميدان (ميدان النافوره )
او ما تدخل الميدان هتلاقي بنك علي ايدك اليمين ادخل الشارع اللي قبل البنك (علي ناصيته البنك باردو)
كمل الشارع لأخره في شمال
كده انت بقيت علي الكورنيش ادعيلي بقي
ربنا يخليك ياهيما باشا وميحرماش من نصايحك وخبرتك العالية
الف شكر على الوصف الجامد جدا ده
و ان شاء الله ابقى اروح و اشوف ايه النظام
على فكرة فعلا بلدنا جميلة جدا لكن احنا اللي مش عارفينها كويس
انا رحت المقطم النهردة كنت راجع من حلوان والشيطان وزني اطلع استكشف كدة المقطم والحمد لله طلعت والمطلع عبارة عن طريق ملاولو ولافف قعدت اطلع ولقيت في يافطة كدة اتجاه المقطم والهضبة الوسطي فانا طلعت طوالي مدخلتش الهضبة الوسطي . حد ياجماعة يعرف فيها اية الهضبة الوسطي دي يعني جميلة كدة زي المقطم من فوق ولا دي شركات ولا في اية هناك انا طلعت بقي لفوق وبعدين سئلت واحد راح مشاورلي علي المكان من فوق علي حتة مسمينها الكورنيش تقريبا دي اعلي حتة في المقطم والمنظر من فوق فعلا روعة والحمد لله قعدت حبة وروحت مع اني كنت خايف اتوه وكنت لواحدي ولا حد يتوه معايا ولا حاجة والحمد لله
طريق الهضبة الوسطي ده اللي تقصده اللي هو من جنب الوحدة بتاعت الجيش.. مش عارف اسمها ايه.. وحدة 913 باين.. حاجة كده..
هو حاليا مفيهوش اي حاجة خالص.. و حتي مفيهوش مكان تقف فيه و تبقي شايف المنظر اللي بتشوفه من فوق.. لسة مكان فاضي خالص.. و مفيهوش مباني كتير حتي..و لو كملت ف الطريق ده خالص.. ههتلاقي مفترق طرق كده و عنده كمين.. لو مشيت من الطريق اللي الكمين عليه هينزلك علي الاوتوستراد بتاع المعادي.. عند الطريق الدائري كده.. ولو كملت طوالي.. هيوديك عند المودرن اكاديمي اللي ف المقطم.. اللي قدام كارفور الناحية التانية..
انا اقصد اللي هي فيها الصيدلة و الMTI
دي في الهضبة الوسطي المقطم.. مش القطامية..
مش علي الطريق برة.. دي جوة شوية.. و برة علي الطريق عندها في بنزينة وطنية الجديدة..
لكن اللي انت تقصدها هي اللي علي الطريق برة.. بعد كارفور علي نفس الصف.. دي اللي تعتبر القطامية.. اللي قدام نادي الصيد.. (مش هي دي اللي تقصدها ولا انا غلطان..؟؟!!)