الموضوع: المقطم

للمقطم مطلعين اساسيين في صلاح سالم أمام القلعة وآخر من شارع المخيم الدائم بمدينة نصر .. لكن مطلع الأوتوستراد بعيد عليك ..
طيب
مطلع مدينة نصر هو امتداد شارع المخيم الدائم اللي فيه جامعة الأزهر وقاعة المؤتمرات ونادي مدينة نصر ..
يعني لو انت جاي من شارع رمسيس والعباسية هتلف من تحت كوبري أكتوبر شمال وتسير في اتجاه مدينة نصر وهتدخل يمين إلى شارع المخيم الدائم اللي على ناصيته كوبري المشاه اللي أمام قاعة المؤتمرات .. هتمشي طوالي لا يمين ولا شمال مسافة 4.5 كم ونصف تقريباً هتقابلك بنزينة وطنية أول يمين بعدها هو مطلع المقطم وهيدخلك إلى المقطم من ناحية مساكن الزلزال لو مشيت طوالي برضه هتلاقيك بعد المفارق في شارع 9 الشارع الرئيسي في المقطم ..

لو جاي من الناحية التانية يعني طريق صلاح سالم قدامك كذا طريق ..
من شبرا إلى وسط البلد شارع عرابي ثم ميدان الأوبرا فكوبري الأزهر فشارع الأزهر ثم يميناً إلى صلاح سالم وبعد حديقة الأزهر والملف القاسي عند باب الوزير هتلاقي مطلع طويل حضن شمال وهتلاقي إشارة شمال إلى مطلع المقطم .. اطلع الطريق ولف الملفات كلها ستجد نفسك في النهاية عند مسجد خش يمين على ميدان النافورة وشارع 9 ..
أو تاخد الكورنيش حتى نهاية شارع القصر العيني عندها هتلاقي إشارة بتدخل شمال على فم الخليج وعلى يمينك سور مجرى العيون ، هتطلع الكوبري وبعدين يمين ثم إشارة خش بعدها شمال إلى كوبري السيدة عائشة وكمل في صلاح سالم هتلاقي قدام سور القلعة مطلع المقطم على يمينك .
أو تاخد الكورنيش لحد كوبري الملك الصالح (بعد الإشارة السابقة بحوالي 1 كم ) وقدامك خيارين أسوأ من بعض للأسف ..
هتلف من تحته إلى منيل الروضه ثم يساراً وترجع على طول هيقابلك نفق الملك الصالح هاتنزله وتطلع طوالي حتى السيدة عائشة وتكمل زي اللي فات ..
أو تطلع كوبري الملك الصالح وتلف من أول يوتيرن وترجع تاني وتنزل من تحت الكوبري يمين إلى النفق ذاته ..

وحسابك لهذا الأمر يرجع انت ساكن فين في شبرا ورايح فين في المقطم .. يعني لو ساكن في شمال شبرا ناحية الخلفاوي يبقى أقربلك توصل الحدائق ثم كوبري الحدائق فكوبري الفنجري وتلف من تحت كوبري أكتوبر في أول يمين في المخيم الدائم ..
ولو ساكن قريب من دوران شبرا ومسرة وطوسون وأحمد حلمي يبقى وسط البلد فالأزهر
ولو ساكن عند روض الفرج أو معهد ناصر أو أركاديا يبقى الكورنيش ..


ولو رايح ناحية الهضبة الوسطى يبقى مدينة نصر أسهل
ولو رايح ناحية الهضبة العليا يبقى السيدة عائشة أقرب ..
وتوصل بالسلامة

ايه ده يا دكتور..
ما شاء الله.. ده انت وصفت الطرق كلها ولا كأنك ساكن ف المقطم يا باشا. :)

تسلم ايدك

المشاركة الأصلية كتبت بواسطة dr_timo

مش عارف اشكرك ازاي علي الشرح الوافي المفصل الجميل دة شكرا يادكتور احمد شكرا جدا جدا جدا

يا سيدي لا شكر على واجب ..

المشاركة الأصلية كتبت بواسطة Ahmad Allawy

ايه ده يا دكتور..
ما شاء الله.. ده انت وصفت الطرق كلها ولا كأنك ساكن ف المقطم يا باشا. :)

تسلم ايدك

ربنا يخليك يابو حميد .. الفكرة كلها إني أحياناً باستخدم المقطم للهرب من النزول من مدينة نصر إلى وسط البلد .. بس
وبعدين القاهرة دي بلدي يعني عارف كل شبر فيها باستثناء المعادي القديمة باتوه فيها ، ومصر الجديدة باسلك فيها أموري يعني مبتوهش بس ماعرفش أوصفها كويس ..
إنما الباقي تمام تمام

بسم الله ما شاء لله
فعلا شرح وافي
ممكن اضيف سؤال بس ماحدش يفهمني غلط
فين المكان اللي فيه الكافتريات اللي منها تشوف القاهرة كلها
بسمع و اشوف صور على النت عن مناظر طبيعية هناك تحفة لكن ماعرفش اروح المكان ده ازاي
وهل المكان هناك محترم ولا زي ما الافلام بتصوره و ماينفعش الواحد يروحه مع زوجته للفسحة و تغيير الجو

المشاركة الأصلية كتبت بواسطة د.أحمد سمير

للمقطم مطلعين اساسيين في صلاح سالم أمام القلعة وآخر من شارع المخيم الدائم بمدينة نصر .. لكن مطلع الأوتوستراد بعيد عليك ..
لو جاي من الناحية التانية يعني طريق صلاح سالم قدامك كذا طريق ..
من شبرا إلى وسط البلد شارع عرابي ثم ميدان الأوبرا فكوبري الأزهر فشارع الأزهر ثم يميناً إلى صلاح سالم وبعد حديقة الأزهر والملف القاسي عند باب الوزير هتلاقي مطلع طويل حضن شمال وهتلاقي إشارة شمال إلى مطلع المقطم .. اطلع الطريق ولف الملفات كلها ستجد نفسك في النهاية عند مسجد خش يمين على ميدان النافورة وشارع 9 ..

المشاركة الأصلية كتبت بواسطة islamnabil

بسم الله ما شاء لله
فعلا شرح وافي
ممكن اضيف سؤال بس ماحدش يفهمني غلط
فين المكان اللي فيه الكافتريات اللي منها تشوف القاهرة كلها
بسمع و اشوف صور على النت عن مناظر طبيعية هناك تحفة لكن ماعرفش اروح المكان ده ازاي
وهل المكان هناك محترم ولا زي ما الافلام بتصوره و ماينفعش الواحد يروحه مع زوجته للفسحة و تغيير الجو

شوف يا باشا..
الوصفة دي علي لسان الدكتور احمد سمير.. لما تدخل يمين من عند الجامع هتلاقي ميدان النافورة.. بص قدامك علي الشمال حتة صغيرة كده هتلاقي مترو ماركت.. خش من الشارع اللي هو علي ناصيته.. و كمل طوالي هتوصل هناك.. هتلاقي كشك قدامك.. ادخل يمين بقي.. و افضل ماشي لحد ما تلاقي الكافيتريات..
او السكة التانية.. لما توصل الميدان برضه.. تدخل اول يمين قدامك.. عل يناصيته محل اكسسوارات عربيات كده.. و تفضل ماشي فيه لحد الاخر.. هتلاقي كافيه او خلينا نقول نايت كلوب.. اسمه فيرجينيان.. متدخلوش.. لف شمال بقي.. و هتلاقي الكافيتريات علي يمينك و انت ماشي.. هتركب و تقعد هناك..

الوضع مش زي ما الناس متخيلة.. زمان كان بيحصل الكلام اللي بالك فيه ده.. لكن دلوقتي هناك بقت الاسر و العائلات اكتر من الشباب..

المشاركة الأصلية كتبت بواسطة د.أحمد سمير

للمقطم مطلعين اساسيين في صلاح سالم أمام القلعة وآخر من شارع المخيم الدائم بمدينة نصر .. لكن مطلع الأوتوستراد بعيد عليك ..
طيب
مطلع مدينة نصر هو امتداد شارع المخيم الدائم اللي فيه جامعة الأزهر وقاعة المؤتمرات ونادي مدينة نصر ..
يعني لو انت جاي من شارع رمسيس والعباسية هتلف من تحت كوبري أكتوبر شمال وتسير في اتجاه مدينة نصر وهتدخل يمين إلى شارع المخيم الدائم اللي على ناصيته كوبري المشاه اللي أمام قاعة المؤتمرات .. هتمشي طوالي لا يمين ولا شمال مسافة 4.5 كم ونصف تقريباً هتقابلك بنزينة وطنية أول يمين بعدها هو مطلع المقطم وهيدخلك إلى المقطم من ناحية مساكن الزلزال لو مشيت طوالي برضه هتلاقيك بعد المفارق في شارع 9 الشارع الرئيسي في المقطم ..

لو جاي من الناحية التانية يعني طريق صلاح سالم قدامك كذا طريق ..
من شبرا إلى وسط البلد شارع عرابي ثم ميدان الأوبرا فكوبري الأزهر فشارع الأزهر ثم يميناً إلى صلاح سالم وبعد حديقة الأزهر والملف القاسي عند باب الوزير هتلاقي مطلع طويل حضن شمال وهتلاقي إشارة شمال إلى مطلع المقطم .. اطلع الطريق ولف الملفات كلها ستجد نفسك في النهاية عند مسجد خش يمين على ميدان النافورة وشارع 9 ..
أو تاخد الكورنيش حتى نهاية شارع القصر العيني عندها هتلاقي إشارة بتدخل شمال على فم الخليج وعلى يمينك سور مجرى العيون ، هتطلع الكوبري وبعدين يمين ثم إشارة خش بعدها شمال إلى كوبري السيدة عائشة وكمل في صلاح سالم هتلاقي قدام سور القلعة مطلع المقطم على يمينك .
أو تاخد الكورنيش لحد كوبري الملك الصالح (بعد الإشارة السابقة بحوالي 1 كم ) وقدامك خيارين أسوأ من بعض للأسف ..
هتلف من تحته إلى منيل الروضه ثم يساراً وترجع على طول هيقابلك نفق الملك الصالح هاتنزله وتطلع طوالي حتى السيدة عائشة وتكمل زي اللي فات ..
أو تطلع كوبري الملك الصالح وتلف من أول يوتيرن وترجع تاني وتنزل من تحت الكوبري يمين إلى النفق ذاته ..

وحسابك لهذا الأمر يرجع انت ساكن فين في شبرا ورايح فين في المقطم .. يعني لو ساكن في شمال شبرا ناحية الخلفاوي يبقى أقربلك توصل الحدائق ثم كوبري الحدائق فكوبري الفنجري وتلف من تحت كوبري أكتوبر في أول يمين في المخيم الدائم ..
ولو ساكن قريب من دوران شبرا ومسرة وطوسون وأحمد حلمي يبقى وسط البلد فالأزهر
ولو ساكن عند روض الفرج أو معهد ناصر أو أركاديا يبقى الكورنيش ..


ولو رايح ناحية الهضبة الوسطى يبقى مدينة نصر أسهل
ولو رايح ناحية الهضبة العليا يبقى السيدة عائشة أقرب ..
وتوصل بالسلامة

هو سعاتك نسيت مطلع الدائري اللي عند كارفور.. اللي علي ناصيته بنزينة وطنية الجديدة.. اللي هي قدام محطة امارات مصر اللي قدامها علي الناحية التانية علي الطريق

المشاركة الأصلية كتبت بواسطة Ahmad Allawy

هو سعاتك نسيت مطلع الدائري اللي عند كارفور.. اللي علي ناصيته بنزينة وطنية الجديدة.. اللي هي قدام محطة امارات مصر اللي قدامها علي الناحية التانية علي الطريق

لأ يا بو حميد متفهمنيش غلط ..
الراجل جاي من شبرا ، علشان كدة وصفتله وصفة مدينة نصر والسيدة عائشة ، ولو تلاحظ أنا حتى موصفتلوش حتى مطلع الأوتوستراد علشان مش هيحتاجه ..
وسلامي ليك