عايز اغير البطاريه الى بطاريه جافه فياريت لو حد يعرف نوع كويس ويعيش يقولي عليه وكمان اجيبها 55 ولا 70 امبير. لإن سمعت ان 70 امبير دي مجرد اشتغاله فهل الكلام دا صحيح.
عرض للطباعة
عايز اغير البطاريه الى بطاريه جافه فياريت لو حد يعرف نوع كويس ويعيش يقولي عليه وكمان اجيبها 55 ولا 70 امبير. لإن سمعت ان 70 امبير دي مجرد اشتغاله فهل الكلام دا صحيح.
السائلة أفضل وال70أمبير أقوي طبعا وأطول عمرا
مع كامل احترامى لصاحب الراى السابق , الا ان رأيى هو ان الجافة طبعا افضل و مفيش وجه للمقارنة بينها و بين السايلة , حوض العربية عندى تحت البطارية اتاكل خالص بسبب البطارية السايلة , احسن الانواع المتوافرة من وجهة نظرى هو الفارتا الالمانى , و اسوأها ال a c delco.
الجافة افضل لا صيانة ولا غيرة
والفارنا ممتازة
فارتا الالمانيه ممتازه وهتلاقى كذا نوع جاف بس سعودي انا جربته ممتازه اسمها acdelco بس مستر قناوي بيقول انها اسواهم بس انا جربت فارتا والاسدلكو وبصراحه الاثنين جامدين والاسدلكو معايا بقالها سنه وسبع شهور في النوبيرا وزي الفل وفيها مؤشر لحالة البطاريه بس ممكن يكون في الاسدلكو غير السعودي انا الي جبتها سعودي .........
نسيت اقلك ان الفرق بين الاثنين فرق الثمن السعودي ارخص كثير من الفارتا
مع كامل إحترامي لآراء الإخوة في المنتدى ، أنا لي رأي آخر:
أولا البطارية الجافة دي استهبال من الشركات لأنه ليس فيها تكنولوجيا جديدة ولا حاجة وفيها نفس الحامض و الرصاص و الأقطاب ، وكل اللي حصل أنهم قفلوها من أعلى ؛ لحرمان المستخدم من زيادة الماء المقطر عند اللزوم ، وذلك في حالة زيادة الشحن ، فإذا حدث فيها نقص مياه وباظت حيقول لك : العيب مش في البطارية ن إنما في الدينامو بتاع عربيتك روح صلح الدينامو وعوضك على الله في البطارية أم 500 جنيه!! . أنا وجهة نظري إن ده نصب واستهبال ، وليه ده كله ؟ علشان لا تحتاج لصيانة ، وإيه هي الصيانة؟ هي إنك تبص على مستوى المياه كل فترة وتزود ماء مقطر من زجاجة بجنيه ونص. مش عارف وجهة نظر الإخوة الأفاضل اللي بيشتروها ويفضلوها عن العادية وهي أغلى منها من100-150 جنيه على الأقل! طيب ليه أرمي الفلوس-حتى لو أنا متيسر الحال ومبلغ 150 جنيه مش فارق معايا ، لكن ليه أسمح للشركات دي إنها تنصب عليا، وهي ليه أصلا أغلى ومفيش فرق بينها وبين العادية غير أنها مقفولة -علشان يزودوا استهلاكها ويزودوا مبيعاتهم-المنطقي أنها تكون أرخص من العادية مش أغلى. الصراحة دول نصابين وكمان مفتريين.
ثانيا : البطارية Ac delcoدي إنتاج سعودي .والسعودية تقوم بجلد المصريين 1500 جلدة في الشارع .إزاي ضميرك يسمح لك تشتريها أصلا؟؟.أعتقد أن أقل حاجة نقدمها لمواطنينا الأطباء المجلودين -على فكرة سنهم فوق الخمسين وأولادهم في الجامعة - هي إننا منشتريش منتجات الجلادين ؛ لأن مفيش حاجة تانية نقدر نعملها لهم
بالنسبة لل ac delco انا ليا تجربة شخصية معاها , ارجو الدخول على الرابط التالى لمعرفتها.
http://www.nilemotors.net/Nile/showthread.php?t=51290