ما هى عيوب الالتو

يا اهل الالتو
كل عام وانتم بخير
ما هى عيوب الالتو 800cc
هل بها مشاكل ميكانيكية
هل تعوم وبعد كاك فى السرعة
هل تستحمل سفر اسكندرية مثلا رايح جاى فى نفس اليوم
انا ناوى اجيبها ومغيرش الا بعد 9 سنين

http://www.nilemotors.net/Nile/showthread.php?t=52869

و الله يا أخي أنا جربت الألتو 1100 مانيوال 2007 خليجي، لو حابب أنقلك تجربتي أنا تحت أمرك، لكن أنا ما أعرفش إن كانت مواصفات الخليجي نفس اللي في مصر و لا أعلى
الخليجي زجاج كهربائي للي قدام ، Abs و 2 إيرباج و تكييف
حلوة و عملية و اقتصادية و ناعمة إلى حد كبير رغم إن فيها عيوب قاتلة ، لا تتحمل الطرق و الوعرة ، تعاني جداً على الطرق السريعة

هذا باختصار

اقتباس:

---

المشاركة الأصلية كتبت بواسطة ALTO

و الله يا أخي أنا جربت الألتو 1100 مانيوال 2007 خليجي، لو حابب أنقلك تجربتي أنا تحت أمرك، لكن أنا ما أعرفش إن كانت مواصفات الخليجي نفس اللي في مصر و لا أعلى
الخليجي زجاج كهربائي للي قدام ، Abs و 2 إيرباج و تكييف
حلوة و عملية و اقتصادية و ناعمة إلى حد كبير رغم إن فيها عيوب قاتلة ، لا تتحمل الطرق و الوعرة ، تعاني جداً على الطرق السريعة

هذا باختصار

---

هوة حضرتك جربتها هنا ولا فى الخليج
وما معنى انها تعانى على الطرق السريعة وتقريبا فى سرعة عالية 140 او اكتر ولا الاقل ولا وانت ماشى على 100
متشكر لحضرتك جدا
ولو تقدر تدينا تفاصيل اكتر يا ريت

اقتباس:

---

المشاركة الأصلية كتبت بواسطة asaadte

هوة حضرتك جربتها هنا ولا فى الخليج
وما معنى انها تعانى على الطرق السريعة وتقريبا فى سرعة عالية 140 او اكتر ولا الاقل ولا وانت ماشى على 100
متشكر لحضرتك جدا
ولو تقدر تدينا تفاصيل اكتر يا ريت

---

لأ أنا جربتها في الخليج (1100 سي سي) و لسه معايا لحد دلوقت :k30:، بس في الخليج كمان عندنا طرق مكسرة و مطبات تقطم الرقبة برضه زي مصر، و سافرت بيها مسافات في حدود 50 كيلومتر رايح جاي ، لكن مش عارف بصراحة حكاية إسكندرية دي تنفع ولا لأ.

المعاناة على الطرق السريعة تتمثل في الخشونة و الصوت المرتفع سواء من الماكينة أو من الهواء و الإرتجاجات الشديدة لدرجة أنك تحس أن العربية هاتتفكك من بعضها بعد الـ 110 كلم/س و انت طالع ... قاسية جداً في المطبات ، إتزانها لحد 110 كلم /س معقول

السرعة العالية بالنسبة للألتو هي ما بين الـ 90 إلى 120 و من الصعب جداً أن تستطيع تجاوز الـ 120

من عيوبها أيضاً:
- الغيار ناشف و بيعلق
- لا توجد مساحة على الزجاج الخلفي ولا حتى شبكة ضباب
- ضوء الكشافات ضعيف إلى حد ما
- ضيقة جداً (و بسبب هذا الضيق لا أنصح بالمانيوال منها لإن رجلك الشمال هتوجعك جداً في الزحمة)



أما المميزات (حتى لا أكون ظالماً) فهي كالتالي:
- الدركسيون ناعم برغم عدم وجود باور
- التكييف جيد (برغم إنه غير مناسب للأجواء الصحراوية اللي إحنا عايشين فيها ، لكن بالنسبة لمصر يعتبر ممتاز).
- إقتصادية جداً في البنزين
- بتستحمل كتير بصراحة.
- زجاج كهربائي للمقعدين الأماميين
- تحكم بالمرايا من الداخل (بس مش كهرباء)
- فرامل ABS


باختصار هي سيارة مناسبة لشاب أعزب أو لأسرة صغيرة جداً
لكن أنا أعتقد أن فيه سيارات صغيرة تانية أفضل منها و مش أغلى منها ... مش هارشحلك حاجة محددة لإني مش خبير لكن أظن إن البيكانتو أو الديهاتسو سيريون أفضل منها بكتير

على فكرة الكلام ده مش مظبوط لان انا عندى الالتو بتاعتى بجيب بيها 140 عادى خالص على الدائرى وبتبقه ثبتة برضك:36_7_4[1]:

على فكرة الكلام ده أنا مش باحكيه من دماغي
أنا باتكلم عن تجربتي الخاصة من سنة و نصف و حتى الآن ، يعني مش تجربة الجيران
يعني حضرتك ممكن تقول وجهة نظرك أو تجربتك الخاصة من غير ما تكذب الناس

سيدي الفاضل
تحياتي لك
الواضح ان حضرتك بتتكلم علي موديل تاني غير اللي احنا بنتكلم عليه
رأيك جدير بالاحترام طبعا

انا معاك ان العربية ضيقة شوية
ماحدش قال انك حضرتك بتشتري عربية تريلا مثلا ... احنا عارفين انها صغيرة. بس مش ضيقة بالنسبة للي سايقها خالص

بالنسبة للغيار... اه هو بيعلق شوية في الريفيرس... دي انا معاك فيها

بالنسبة لموضوع السفر
انا سافرت بالعربية لحد النهارده 3 مرات اسكندرية ، 5 مرات الغربية
غير اني يوميا مشواري 100- 120 كيلو بالعربية
عادة لما باسافر علي طريق مفتوح بامشي علي 130- 120 ... وممكن السرعة توصل 140 بس ده اخر الموتور ...العربية علي المطالع مش بتزيد سرعتها عن100 "الحتة اللي قبل البوابات من ناحية الرماية قبل حازم حسن" ولو مطلع جامد، ممكن تقف عند 85 - 90
صوت العربية عالي شوية ... وده طبيعي علشان 3 سلندر،
فرامل العربية مش ABS ولا حاجه ... بس العربية باور ستيرينج



بس في الطرق العادية
ممكن توصل ل 140... "عربيتي 800 مش 1100"


الزجاج الخلفي عليه مساحة
و مساحته افتكر مش كبيرة قووي بس كمان مش ضيقة تخليك مش شايف اللي وراك

موضوع الاتزان ده بقي... انت معاك فيه حق. العربية "بسبب حجمها" -زيها زي كل الموديلات القريبه منها في الحجم زي السبارك و الI10-اتزانها مش جامد علي السرعات العالية.. بس نقدر نقول معقول.. و لو سيادتك مش راكب لواحدك "فيه حد معاك في العربية" هاتحس ان الاتزان احسن كتيير

كمان فكرة الخشونة علي الارض.. العربية مش خشنة بس علشان ضيق قاعدة العجلات حضرتك بتحس بالمطبات وانبعاجات الطريق"زيها زي غيرها برضو من العربيات اللي في نفس الحجم وعن تجربة"

وأخيرا البدائل
حضرتك اتكلمت عن السيريون و البيكانتوا... تعرف سعرهم كام ؟؟؟؟

البدائل القريبين في السعر من العربية دي هما الايديا "صيني" و الA113 الصيني برضو

العربية مش إعجاز يعني
بس هي عربية معقولة جدا جدا
و سعرها مناسب لإمكانياتها اللي مناسبة زي ما حضرتك قلت بالنسبة لشاب اعزب او اسرة صغيرة، او بنوتة او سيدة عايزة تترحم من قرف المواصلات-علشان احنا بقينا في female dominated society-
:s1[1]:

تحياتي

انا معايا التو 800 وبسافر بيها اسكندريه وبمشى بيها 140 وثابته جدا على الطريق

يا أستاذ زلباني
طبعاً أنا مش باتكلم عن موديل تاني لإني قلت إن العربية سوزوكي ألتو موديل 2007 غيار عادي
و بالمناسبة العربية فيها Abs و مافيهاش باور و دي حاجة أنا متأكد منها زي ما أنا متأكد إني أنا اللي باكلمك دلوقت مش بنت الجيران ، أظن إني قلت إن العربية اللي باتكلم عنها جاية من الخليج و قلت إني باتكلم عن مواصفات العربية اللي معايا و ما أعرفش مواصفات اللي في مصر إيه !! بس مش منطقي إنها تكون بدون Abs و فيها باور يعني !!!!

أما بالنسبة لمسألة السرعة فأنا أتكلم أيضاً من الواقع الذي أعيش فيه ، و في بلد تعتبر فيه السيارة التي تسير على 80 كلم/ ساعة داخل المدينة و ليس على الطرق السريعة هي سيارة واقفة و ما بتمشيش أصلاً ... لإن الطبيعي إن الناس ما بتمشيش هنا أقل من 120 إلا في الزحمة طبعاً


أما عن البدائل التي تحدثت عنها .. أعرف أن الفارق في السعر ليس قليلاً ، وهنا الفارق يصل إلى ما يقرب من ثلث ثمن السيارة (فيما يخص السريون و ثمنها بالمناسبة هو نفس ثمن كيا ريو تقريباً عندنا و لكن لا أعرف ثمن البيكانتو).. لكن الفارق يستحق التضحية في رأيي

أنا عندما اشتريتها فكرت إني أشتري سيارة في حدود إمكانياتي ، لكن الآن أفكر أني لو صبرت شوية كان ممكن أجيب حاجة أحسن و تعيش فترة أطول دون إزعاج

و مرة أخرى أكرر .. كان بإمكانك أن تعرض تجربتك و أن تختلف معي في الرأي بأسلوب أفضل دون أن تسفه رأيي .. و شكراً لذوقك