الموضوع: اشتريت نيسان صنى 2009 امبارح

المشاركة الأصلية كتبت بواسطة sab3aawy

قلبى معاك، هتخسر حاجات كتير جدا
هتخسر تمارين العضلات اللى كنت بتقوى بيها المجانص كل يوم على عجلة القيادة وهتضطر تدفع فلوس للجيم
هتخسر متعة انك تكسر على الناس او تمشى بالعكس وتلاقى اللى ماشى صح يوسع لك
هتسخر متعة انك لما تيجى تركن بالعربية تعرف انك وصلت للرصيف لما تلاقى العجلة الورانية طلعت فوق الرصيف
هتخسر متعة معرفة سرعتك من صوت الموتور ومعرفة نوعية البنزين من درجة التسقيف
هتخسر متعة قعدة الونس عند الميكانيكى كل اسبوعين
هتخسر متعة انك تقدر ترمى العربية فى اى حتة ومتقلقش ان عيل يقعد عليها او يرسم عليها لعبة اكس او
هتخسر متعة حالة الترقب اللى انت دايما كنت بتعيش فيها منتظرا اللحظة اللى بيضة المقص هتملص فيها
هتخسر متعة انك شايف آخر كبوت العربية من جوة الصالون
هتخسر متعة الغرق فى العرق فى شهور الصيف

عموما مبروك عليك الصنى، وربنا يديك خيرها ويكفيك شرها، ومرحبا بك فى النادى الشعبى المصرى لراكبى الكورى واليابانى

تصدق فعلا ان كل العيوب اللى انت قولتها ديه كنت فعلا بقابلها فى اللادا, بس واضح ان انت كان معاك لادا زمان

النهارده و انا برخص العربية فى المرور فعلا حسيت بفرق شاسع فى كل حاجة, سواء الباور او العزل او الثبات او الفرامل او التسارع او طبعا البرستيج :)

مبروووووووووووووووك

الف مبروك احسنت الاختيار

الله يبارك فيكم

مشكلتى الوحيدة حتى الان هى انى حاسس انى القوايم عريضة جدا و انى فى الملفات بكون مش شايف كويس لدرجة انى بحس ان ممكن عربية تكون جاية من الزاوية اللى فيها القايم

المشاركة الأصلية كتبت بواسطة mohamed_008

السلام عليكم

اخيرا غيرت عربيتى و اشتريت نيسان صنى 2009

كان معايا لادا...و طبعا انتم عارفين يعنى ايه لادا :)

لما ركبت النيسان صنى حسيت انى لسه بتعلم السواقة جديد, العربية ناعمة جدا بالمقارنة باللادا, غير انها ثابتة جدا و واسعة جدا جدا

و لحد دلوقتى انطباعى عن العربية انها محترمة جدا جدا

اسأل الله العظيم ان يرزقك خيرها وينجيك من كل شرها

الله يباركلك


اخوك /احمد عزالرجال

لكى الله يا غزة

ما شاء الله لا قوة إلا بالله.. ربنا يبارك لك فيها