المشاركة الأصلية كتبت بواسطة Ahmed A.Maksoud
بص يا باشا
أى نوع زيت فى الدنيا بيبقى ليه درجة لزوجة معينة عشان يقوم بوظيفته صح...
أيه اللى يخلى درجة اللزوجة تقل مع الوقت ؟؟؟
أرتفاع درجة حرارة الزيت عن المعدلات المفترضه ليه لمدد طويلة.....وده فى رأيي اللى بيحصل فى الزحمة فى الصيف....يعنى لما تكون درجة الحرارة 38 أو 40 درجة مئوية وأنت ماشى مسافة 20 كم وقاطعها فى ساعة أو ساعة ونص يبقى كده مع الوقت اللزوجة هتقل......وساعتها ممكن تلاقى تغير فى أستجابة الفتيس وخصوصاً لما بينقل من التانى للأول فى الزحمة ( يعنى لو لسه طالع والعربية باردة مش هتحس بيها و لكن مع أرتفاع درجة حرارة العربية والزيت وفى وجود زحمة ممكن تاخد بالك منها )
عشان كده أنا لما حسيت بالموضوع ده الناس قالولى غير الزيت و نشوف الموضوع من الزيت ولا من الفتيس......و بعد تغيير الزيت الموضوع أختفى لمسافة 25 أو 30 ألف كم و أبتدى يظهر تانى وبعد كده برضه غيرته على 40 ألف كم .
دى وجهة نظرى الشخصية.....ممكن تكون صح وممكن تكون غلط.