بخصوص الكوبيه

**mido777** · 23-04-2007 10:14 AM

انا سألتك السؤال ده فى المنتدى القديم بس انت مردتش(بايو) ....
معلش انا بكرره تانى يمكن حده من الأخوه يرد عليا فيه

ياريت يا جماعه اللى معاه او كان معاه العربيه دية عايز اعرف منه شوية حاجات عنها...

لأن فى واحد صديقى عايز يجبها مستعمل..

هو عايزها مو2005 او 2006
ياترى سعرها فى السوق ايه نظامه
وليه سعرها بيزل جامد قوى كده.؟؟

وهل فيه ملاحظات على العربيه
نفسها (كأداء وكفاءه)

مع العلم انه فردانى (يعنى شاب لسه بعقله مش متزوج)...
يعنى مش فارق معاه موضوع انها باب واحد ورياضيه....

اسف طولت عليكم بس ده من عشمى....

**PAYOO** · 23-04-2007 10:24 AM

والله أنا لسه كنت هناك في كونتكت وعملت copy لسؤالك وجيت هنا عشان أرد عليه لقيتك مستنيني هههههههههههههههههههههههه

يخرب بيت إللي يزعلك يا شيخ

المهم

شوف يا أستاذ محمد
أنا لما جبت الكوبيه كنت فاكر إن أدائها زي شكلها وكنت حاطط في دماغي أنها صاروخ أرض أرض
لكن الكلام ده طلع فشنك وموتورها الـ1600cc هوه هوه موتور الألنترا ومافيش فرق واللي مخللي أدئها أفضل شويه عن الالنترا من ناحية التسارع هوه وزنها الأخف بس
لكن مش هاتاخد منها الأداء الرياضي إللي في خيالك هيه بس منظر وهمي وقعدتها من جوه تخليك ولا "شوماخر" في حلبة سباق في ألمانيا
وطبعا الموضوع مش موضوع قعده وبس لازم كمان يكون في اداء يوازي الشكل الصاروخي ده
أما سعرها عند أعادة البيع بيخسر كتير جدا وبما أن صديقك هايجبها مستعمله يبقى هو الكسبان بشرط الحاله الجيده

**mido777** · 23-04-2007 10:43 AM

الف شكر يا باشا على الرد

بس ياريت لو تعرف متوسط اسعارها (2005 و 2006 ) تقولى عليه مع افتراض ان الحاله العامه للعربيه ممتازه والكيلو متر بتاعها مابين 30 - 40 الف كيلو

عشمنا فيك ....

**PAYOO** · 23-04-2007 12:20 PM

المشاركة الأصلية كتبت بواسطة mido777

الف شكر يا باشا على الرد

بس ياريت لو تعرف متوسط اسعارها (2005 و 2006 ) تقولى عليه مع افتراض ان الحاله العامه للعربيه ممتازه والكيلو متر بتاعها مابين 30 - 40 الف كيلو

عشمنا فيك ....

شوف يا باشمهندس محمد
العربيه لو موديل 2005 يبقى من 70 ألف جنيه إلى 78 ألف أنت وشطرتك
ولو موديل 2006 يبقى من 75 إلى 85ألف بالكتير قوي لو العربيه نظيفه جدا ومارشتش بره نهائي

وأكتر من كده ماتدفعش

**mido777** · 23-04-2007 12:37 PM

!!!!!!!!!!!!!! معقوله تنزل كل السعر ده ......دى على ما اعتقد بتتباع زيرو بحوالى 130 الف....

خساره كبيره جدا...

طب ولو اشتراها بمبلغ 80 الف لما يجى يبعها يخسر فيها اد ايه

... معلش عوضك على الله فى اللى خسرته...

**PAYOO** · 23-04-2007 12:48 PM

[b]غبور وقت ما كان معلن عن سعر الكوبيه 130 ما كانش عنده ولا عربيه وكانت بتتباع في السوق بـ115 وفي ناس كانت بتحرق وتبيع بـ110 و 105 كمان يعني أنا واحد من الناس لما جيت أشتري مالقتش عند غبور ولا عربيه وقتها ولقيت بره بـ115 ولما جيت انفذ أشتريت بـ110 وليا أصدقاء اشتروا بعد كده بـ105 كمان

في الوقت ده كانت المعارض كلها عارفه إن الشكل الجديد نازل وكانوا عاوزين يخلصوا من الشكل القديم
وغبور كان بطل ينزل منها أساسا عشان الشكل الجديد برضه
وحاليا الشكل الجديد عنده بـ140 وأول ما نزل كان بـ 145 ولو أستنيت شويه ممكن تنزل لـ135 كمان

وعلى العموم زميلك مش هايخسر أكتر من كده ومايقلقش هوه لو أخدها بـ 78 مثلا يبقى كده تمام وربنا اكرمه