فى انتظار التقرير هنا يا دكتور ايهاب :lol:
عرض للطباعة
فى انتظار التقرير هنا يا دكتور ايهاب :lol:
استاذ أيهاب أحنا في انتظار التقرير عدت 5أيام :roll:
ممكن تدونى فرصه لبكره بس ؟
حضرتك تأمراقتباس:
ممكن تدونى فرصه لبكره بس ؟
احنا بس عندنا شغف نعرف ايه اللى حصل
السلام عليكم ده الجزء من التقرير اللى انا كتبته بخصوص المشاكل مع الملاك و تقييم للسنه الماضيه و توصياتنا من الشركه فيه جزء تانى كتبه امر بخصوص التعريف بالمنتدى و كيفيه تكوين الفكره حتى تم تنفيذها
بسم الله الرحمن الرحيم
الساده شركه ابو الفتوح
تحيه طيبه و بعد......
نتقدم نحن ملاك السياره اسبيرانزا متمثلين فى speranza club بأول صور التعاون بين الشركه و الملاك و ذلك فى صوره التقرير الاول من اداره الموقع متضمنا أراء الملاك و وجهه نظرهم و كذلك شكاوى الملاك و ذلك بعد مرور حوالى عام على اول طرح للسياره بالسوق المصرى و يتضمن هذا التقرير تقييم كامل من وجهه نظر الملاك لهذه السنه
الدعايه الاولى للسياره:
فى البدايه كان طرح السياره للعرض بالسوق و الدعايه لها موفقا جدا متمثلا فى اماكن التجمع للجمهور مثل كارفور سيتى سنتر و ماستر الطريق الصحراوى و معارض الشركه مما حقق انتشار سريع لاسم السياره و ثارت مثارللجدل بين المهتمين بالسيارات نظرا لسعرها و امكانياتها الكبيره و ان كان ينقص هذه الدعايه توفير سياره للقياده التجريبيه بالرغم من وعد المسؤلين عن البيع بذلك
فتره حجز السياره:
عانى الحاجزين كثيرا لقله مراكز الحجز و عدم التعامل مع البنوك و قد تم حصر التعاملات الماليه لمراكز ابو الفتوح فقط مما اضاف جهدا على العاملين فيها
طول مده الحجز و التسليم للسياره و عدم عداله التسليم حسب اولويه الحخز و تدخلت الواسطه و العلاقات الخاصه لسرعه التسليم
استلام السياره:
بعد استلام السياره فوجىء الملاك ببعض العيوب (الغير جوهريه او قاتله) و التى اعلن التوكيل عنها و عن تحمله لاصلاحها تباعا (و هذه تحسب للتوكيل عدم التنصل من المسئوليه ) و لكنه قللت فرحه الملاك بالسياره الجديده مع استغلال المنافسين لهذه العيوب و محاوله تضخيمها مما ازاد من قلق الملاك و من معاناتهم ايضا عدم توفر قطع الغيلر اللازمه لهذه التعديلات و بطء التوكيل فى اصلاحها و هذه الشكاوى كالأتى:
1- صفاره بتيل الفرامل بصفه مستمره و لم تحل هذه المشكله حتى الان
2- ضعف بالتكييف و تم اجراء التعديل لمعظم السيارات موديل 2006 و 2007
3- اصوات بعفشه السياره و تم اجراء التعديل للبعض و البعض الاخر لم تتم لعدم وجود قطع الغيار و ان كان العيب لم يختفى تماما بعد التعديل ؟؟؟
4- ضعف فى سحب المحرك و هذه شكوى ليست عامه
5- عضه بالفتيس و هذه شكوى عامه و يجرى معالجتها فى بعض السيارات
6- بعض اعطال بالدبرياج و تم ملاحظتها فى بعض السيارات
7- وجود عطل بالعدادات و قياس قراءات غير طبيعيه ثم العوده مره اخرى و تم رصدها فى حوالى 4 سيارات
هذه معظم المشاكل الدارجه بخلاف بعض المشاكل الفرديه
مراكز الصيانه:
اولا نفص عدد مراكز الصيانه و لا تستوعب الاعداد المتزايده من السيارات
طول الوقت اللازم لأداء الصيانه الدوريه من الساعه 8 ص حتى 4 عصرا
عدم اداء كل اوامر الشغل المدونه بطلب العميل بالرغم من طول المده
عدم توافر قطع الغيار مما ادى لمشاكل كبيره مع العملاء بالرغم من وجود هذه القطع فى حاله الاقارب و المعارف
اختلاف اسعار الصيانه الدوريه من مركز أخر و تم تسليم المهندس محمد ابو الخير صور من الفواتير المثبته لذلك
وردت لموقع speranza club العديد من الشكاوى عن اختلاف المعامله بين ملاك الاسبيرانزا و ملاك BMW من حيث اوليه الدخول للصيانه و سرعه انجاز العمل
عدم توفر بعض الاجهزه الهامه مثل جهاز ضبط الزوايا الذى لا يعمل بمركزى الصحراوى و جسر السويس
هذه النقاط هى ملخص لما تم رصده من اعضاء speranza club فى العام المنصرمو ان كان هذا لا يمنع من الاقرار بان السياره جيده جدا و تحسن الاحوال بمرور الوقت و زياده خبره العاملين بمراكز الصيانه مما سينعكس على سرعه الاداء و قله الاعطال
التوصيات :
يتقدم اعضاء speranza club لاداره الشركه ببعض التوصيات التى نرى انها لمصلحه الشركه لزياده المبيعات و لصالح الملاك حيث ان احسن دعايه للسياره تكون من حائزيها
تخصيص سياره للاعطال الطارئه لخدمه العملاء البعيدين عن مراكز الخدمه بمقابل مادى مدفوع
تخصيص خط تليفونى للخدمه الفنيه السريعه
مراجعه اسعار بعض قطع الغيار
مراجعه اسعار بعض الكماليات كمثيلاتها فى السوق الخارجى
تخصيص مهندس فنى للرد على استفسارات الملاك فى speranza club لتوضيح اى فكره قد تكون خاطئه و الرد على اى استفسار فنى بصوره سليمه
زياده مراكز الصيانه و زياده التدريب للاطقم بها
سرعه توفر قطع الغيار
و يتقدم اداره و اعضاء speranza club لشركه ابو الفتوح بجزيل الشكر على تعاونها مع الملاك و على سعه صدرها و نقدر تفهمهم ان هذا التقرير يهدف الى صالح الشركه و الملاك و الشركه مقبله على انتاج موديلين جديدين للسياره و نتمنى لكم التوفيق و شكرا........
اداره speranza club
اسف يا جماعة ... بس انا شايف جدل كبير حول السيارة الاسبيرانزا .. و انا الى الان لم ار شكلها لاني بره مصر من فترة طويلة شوية .. 6 سنوات .. ممكن اي (لينك) ليها .. اذا امكن .
وشكرا جزيلا .. و انشاء الله مشكلة الصيانة تتحل.
برافو يا دكتور ...جمعت معظم المشاكل الهامة و صغتها فى تقرير ممتاز..... لى سؤال : كيف تم تسليم التقريرالى أبو الفتوح؟ و من إستلمه؟؟ أتمنى أن يتجاوب و يكون هناك رد عملى فعلى.... بس برافو عليكم و جرأة و إيجابية تحسب لك و لجميع المشاركين فى هذا الجهد الممتاز....
تحياتى
م/طارق زياد
استاذ سبكياقتباس:
المشاركة الأصلية كتبت بواسطة SOBKY
حضرتك راكب لومينا (اللهم لا حسد )
وعايز تشوف صورة اسبيرانزا
:lol: :lol: :lol: :lol: :lol: :lol: :lol: :lol: :lol: :lol:
سؤال يا دكتور ايهاب:
مش كده فى حاجات كتير ناقصة مقولتهاش لهم
زى مثلا الفلوس اللى بياخدوها منكم تمن البوفيه
الطارة بتاعت استاذ وائل عطية, سنة بحالها متغيرتش, و مش مكتوب عيبها ضمن الحاجات
فى حاجات تانية, لما افتكرها هكتبها
يعنى هل مثلا عملوا حد مسئول تكونوا على اتصال دائم به؟
بالنسبه لطريقه الارسال كانت عبر البريد الالكترونى للمهندس حسن نفسه و لمديره العلاقات العامه و لمدير خدمه العملاء
بالنسبه لفلوس البوفيه و الطاره بتاعه وائل تم تسليم شكوى منفصله بهم من يوم الاجتماع فى المعادى
المهندس محمد ابو الخير و مهندس اخر مسئول الtest driveسجلوا فى الموقع هناك و على لتصال بنا
ارجو اكون رديت على كل الاستفسارات و انا تحت امركم فى اى توضيح