الموضوع: موت أكيد لـ"أسبرنزا" في مصر إذا ظل الحال كما هو

ممكن تقول لصاحبك يا بايو يسجل هناك و يكتب مشكلته و المهندس محمد ابو الخير بيقرأ كل المشكلات دى

انت بتعيط ليه اههه مش قادر تقول له :lol: طيب ممكن تشاور له من بعيد :lol:

أنا مش عارف محمد أبو الخير دا هايعمل إيه بالظبط؟!!!!!!!
يا حضرات أنا كنت بعت فاكس مُفصل بالمشاكل اللي في عربيتي السابقة، الفاكس دا مر على محمد أبو الخير اللي بتتكلموا عنه، وأنا كلمته هو بنفسه وقال إن الفاكس وصل واتحول إلى حسن أبو الفتوح وإن شاء الله هايحلوا المشاكل، والكلام دا من أكثر من شهرين !!!!
دول لو ناس محترمين وبيعرفوا ازاي يحترموا عملائهم كانوا اتصلوا بيا وناقشوني في الفاكس اللي أنا بعته، لكن والله لم يحدث شيئ ولن يحدث شيئ،
ياريت بلاش نبني أحلام وردية ونرتجي الخير من غير أهله، فهمهم الأول والأخير هو توزيع السيارة على عيوبها لجني المزيد من الأموال للمساهمة في تسوية أوضاع الرأس الكبير حتى يتم إخراجه من السجن،
وإيهاب بدر أعتقد كان المفروض تعرفني بالموضوع اللي قدمته بإسمي طالما ذكرت إسمي فيه، وياريت أتمنى والله إنهم ياخدوا خطوات إيجابية وإن كنت أنا شبه متأكد من تملصهم من حل المشاكل،

الشكوى لم تقدم باسمك لأنك كنت بعت العربيه و لكن المشكله دى اتذكرت لأنها بقالها سنه تقريبا و لم تتحل و موضوع الضيافه برضه كان فيه اغضاء حصلت معاهم كمان فاذا تم اتصال منهم معاك يبقى مافيش حد اشتكى من الطاره دى الا انت زممكن تقولهم على المشترى بتاع العربيه لتغييرها

لعلمك في إحدى المرات وانا هناك كان في اتنين بيشتكوا من الطارة، زي عندي، والأخ بايو قال إن في واحد زميله عنده نفس المشكلة، يعني تقدر تقول إنها مشكلة موجودة بس في ناس ممكن مايكونوش واخدين بالهم منها.
أما بخصوص انك بتقول انهم هايتصلوا بيا، أنا بقى باقولك لو كانوا هايتصلوا كانوا اتصلوا من زمان من سنة،
أنا فعلاً لغاية دلوقتي مش قادر أفهم، لو كانوا صادقين في الكلام اللي بتقول عليه وإنهم هايحلوا كل المشاكل، طيب مستنين إيه ؟ وإمتى؟ العربية فات عليها سنة يعني أصبحت مستعملة تماماً، ومالكها الحالي هو المالك التاني، واحتمال يبيعها، يعني بدأت في التقادم يبقى إمته بقى هايحلوا مشاكلها، ولو كانوا متابعين للموضوع اللي أنا بعتهولهم ، طيب عملوا إيه لإزالة أسباب الشكوى ، وعملوا إيه لاسترضاء العميل اللي أساءوا في حقه واضطروه لبيع العربية؟ - محدش يقول إنهم في طريقهم للحل لأن دا كلام مش مظبوط، حتى لو كانوا هايحلوا المشاكل اللي في العربية فعلاً طيب في تعويضي عن سنة كاملة قضيتها على أعصابي وكل شوية في التوكيل بعربية المفروض إنها جديدة وماتحتاجش التوكيل الخربان دا إلا علشان الصيانة الدورية !!
أنا والله كل مابتفتح في الموضوع دا بامسك نفسي بالعافية علشان مش عايز أزعل حد مني..بس هاسكت دلوقتي !!