المشاركة الأصلية كتبت بواسطة mtageldeen
المكان: سوق السيارات مدينة نصر
الزمان:الجمعة 16 يناير 2009
السيارة المطلوبة:ريجاتا
أولاً نادراً أن تجد ريجاتا بحالة ممتازة عشان تريحك ومدبهتلكش عند الميكانيكي ولكنها سيارة تستحق أن تبحث عنها خاصة في فئتها السعرية والتي هي الآن في حدود 25 ألف ولم أجد إلا 2 سيارة فقط حالتهم ممتازة ولكن كان مبالغ في سعرهم
وإليكم ما وجدت في السوق وطبعاً دون تجربة القيادة.
* ريجاتا - 1500 سي سي
حالة الدواخل فبريكا ونضيفة ولا يوجد بها بارومة
حالة الخوارج ممتازة واللون أبيض جديد
العربية فيها سنتر والزجاج الأمامي كهرباء ومكيفة وكمبيوتر أعطال
السعر بدون فصال 31 ألف
* ريجاتا نوفا موديل 88 - 1500 سي سي
عداد 256000 كيلو متر
حالة الدواخل فبريكا ونضيفة ولا يوجد بها بارومة
حالة الخوارج ممتازة واللون سمني
العربية فيها سنتر والزجاج الأمامي كهرباء ومكيفة والكاوتش جديد
المشكلة أن صاحبها بيقول التكيف عايز شحن (لي تحفظ هنا)
العربية فيها توكيل.
السعر بدون فصال 28 ألف
* ريجاتا نوفا موديل 88 - 1500 سي سي
حالة الدواخل فبريكا وليست جيدة ومتهانة
حالة الخوارج متوسطة واللون سمني
العربية فيها سنتر والزجاج الأمامي كهرباء ولا يوجد بها التكييف
السعر بدون فصال 25 ألف
* ريجاتا موديل 86 - 1500 سي سي
العداد 177000 كيلو متر
اللون أحمر دم غزال
حالة الدواخل فبريكا حوض وشنطة ورشة القوايم
حالة الدهان الخارجي ممتاز وجديد
باب السائق واضح إنه مخلوع قبل كده ومعمول في شغل وسيء ويوجد فرق كبير بينه وبين الباب الخلفي وبيحك عند الفتح والقفل بسبب المفصة بتاعته
الفرش الداخلي للأبوب والصالون سيء
التابلوه مفكك من بعضه ومربوط بمسامير قلاوظ كبيره كأنه خشب
العربية كان فيها بارومة في الشنطة ومتعالجة بس ليست بشكل جيد
العربية مكيفة والزجاج الأمامي كهرباء والمكنة للباب الشمال لا تعمل
المهم العربية سيئة ويبدوا أنها كان طالع عينها والراجل إشتراها ببلاش وشدها نص كم وعايز يكسب فيها
السعر 23 ألف بعد فصال بسيط وكان طالب 25 ألف
وأنا أنصح كل من يشتري سيارة مكيفة أن يجرب التكييف بنفسه وإلا يعتبر السيارة غير مكيفة ويخصم ثمن التكييف لأن الحركة دي منتشرة في السوق ويقولك أنا لا أحبزه ومبشغلوش عشان الموتور وكلام بيع وشراء وفي النهاية تشتري العربية ولن يعمل معك.