المشاركة الأصلية كتبت بواسطة akram2025
ياباشا يغلوا براحتهم و زي ما هما عايزين... ده حقهم!!
لكن إحنا مش هنشتري برضه و ده حقنا!!
يعني يعملوا اللي هما عاوزينه بس يبقوا يورونا مين اللي هيشتري بالاسعار المستهبلة دي.
أنا أعتقد إنهم بيطلعوا في الروح بس بيكابروا وبيحاولوا يوصلوا للناس رساله بإن الاسعار هتغلى يعني هتغلى و مفبش أزمة عندهم ولا حاجة.
سياسة إستهبال و ضحك على الناس بس هما مش عارفين إن الطوفان وصل و مش هيرحم حد عشان الناس كلها فهمت اللعبة خلاص..
ياجماعة جورنال الأهرام (( ملحق السيارات )) النهاردة فيه مؤشرات واضحة كالشمس على البهدلة اللي التجار فيها و مش عارفين حتى يتكلموا أو يشتكوا و في الإعلانات بتاعتهم باين جدا المحاولات اليائسة منهم لإنقاذ ما يمكن إنقاذه و محاولاتهم المستميته للتأثير على المشترين وإقناعهم بإن الآن الموقت المناسب للشراء ولكن من الواضح جدا إن موضوع المقاطعة فعلا بدء يأثر جامد و لو صمدنا في وشهم أكتر هنشوفهم و هما بيكتبوا في الجرنال (( والنبي لتشتروا دلوقتي لحسن مش لاقى أأكل العيال ))
الصبر والله وهتشوفوا النتائج كل إسبوع عملي في ملحق السيارات
بالمختصر المفيد خلوها تصدي و موديلها يعدي